လံာ်ယံးရမံယၤ 9:1 - Sgaw Karen Common Bible

¹ ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်ယံးရမံယၤ 9:1 Iomraidhean Croise

စံးထီၣ်ပတြၢၤ 119:136

ယမဲာ်ထံယွၤလီၤဝဲဒ်ထံကျိအသိး, မ့ၢ်လၢပှၤတတိၢ်န့ၢ်ဘၣ်နတၢ်သိၣ်တၢ်သီ အဃိန့ၣ်လီၤ.

စံးထီၣ်ပတြၢၤ 42:3

ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ “နကစၢ်ယွၤအိၣ်ဖဲလဲၣ်” န့ၣ်ဒီး, ယမဲာ်ထံမဲာ်နိမ့ၢ်ယတၢ်အီၣ်လၢ မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 55:7

ကွၢ်ကွၢ်, ယကယူၤဝ့ၤဝီၤလၢအယံၤ, ယကအိၣ်လၢပှၢ်မုၢ်ကနၢလီၤ. စ့လၤ

လံာ်ယၡါယၤ 16:9

ခဲအံၤယဟီၣ်ယယၢၤလၢစံးဘမၤအစပံးမုၢ်အလီၢ်တဖၣ် အဃိ, ဒ်ယဟီၣ်ယယၢၤလၢဝ့ၢ်ယၤစ့ၢ်အဃိအသိးန့ၣ်လီၤ. ယမဲာ်ထံတဖၣ်လီၤဝဲလၢဝ့ၢ်ဃ့ၡဘိၣ်ဒီးဝ့ၢ်အ့လဧၤလ့ၤ အဂီၢ်လီၤ. အဂ့ၢ်ဒ်အံၤတၢ်ကူးဘုတအိၣ်လၢၤ လၢအကမၤသးခုအပှၤဂီၢ်မုၢ်အဂီၢ်ဘၣ်.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်ယံးရမံယၤ 9:18

ပှၤဂီၢ်မုၢ်စံးဝဲဒၣ်, “တဲဘၣ်အဝဲသ့ၣ်လၢကမၤချ့ချ့ဒီးသးဝံၣ် တၢ်သံအတၢ်သးဝံၣ်တယုၢ်လၢပဂီၢ် တုၤလၢပမဲာ်ချံတဖၣ်ပှဲၤဝဲဒီးမဲာ်ထံမဲာ်နိ ဒီးပမဲာ်ဖံးတဖၣ်ဘၣ်စီၣ်ဘၣ်သ့လၢတၢ်ဟီၣ်တၢ်ယၢၤ အဃိန့ၣ်တက့ၢ်.”

လံာ်သးသယုၢ်တၢ် 2:11

ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.