လံာ်ယံးရမံယၤ 8:20 - Sgaw Karen Common Bible

²⁰ ပှၤဂီၢ်မုၢ်ကိးပသူထီၣ်ဝဲ, “တၢ်ကိၢ်အကတီၢ်ပူၤကွံာ်လံ, ကူးဘုအကတီၢ်ဝံၤလံ. ဘၣ်ဆၣ်ဒီးပတဘၣ်တၢ်အုၣ်က့ၤခီၣ်က့ၤပှၤဒံးဘၣ်.”

လံာ်ယံးရမံယၤ 8:20 Iomraidhean Croise

တၢ်ကတိၤဒိ. 10:5

ပှၤလၢအထၢဖှိၣ်တၢ်လၢတၢ်ကိၢ်ခါအကတီၢ်န့ၣ်, မ့ၢ်ဖိခွါလၢအကူၣ်တၢ်သ့လီၤ. မ့မ့ၢ်, ပှၤလၢအမံဝဲလၢကူးဘု အကတီၢ်န့ၣ်, မ့ၢ်ဖိခွါလၢဟဲစိာ်တၢ်မဲာ်ဆှးန့ၣ်လီၤ.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်ယံးရမံယၤ 8:21

ယသးလီၤသဘှံးကွံာ် မ့ၢ်လၢယပှၤဂီၢ်မုၢ်ဘၣ်တၢ်ဆီၣ်တံၢ်ဆီၣ်သနံးအီၤ အဃိလီၤ. ယဟီၣ်တၢ်ယၢၤတၢ်လီၤ. ယသးအုးဒီးသးလီၤကတုၤလၢာ်အခၢးလီၤ.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

လံာ်လူၤကၣ် 19:44

အဝဲသ့ၣ်ကမၤဟးဂီၤကွံာ်နၤလၢာ်လၢာ်ဆ့ဆ့ဃုာ်ဒီးပှၤဂီၢ်မုၢ်အိၣ်ဝဲလၢ နခိၣ်ဒူအပူၤတဖၣ်လီၤ. အဝဲသ့ၣ်တပာ်လီၤတဲာ်တ့ၢ်လၢၢ်လၢအလီၢ်နီ တဖျၢၣ်ဘၣ်. အဂ့ၢ်မ့ၢ်လၢနတပာ်သူၣ်ပာ်သးတၢ်ဆၢကတီၢ်ဖဲ ယွၤဟဲတ့ၢ်ဝဲဒ်သိးအကအုၣ်က့ၤခီၣ်က့ၤနၤဘၣ်အဃိန့ၣ်လီၤ.