လံာ်ယံးရမံယၤ 8:1 - Sgaw Karen Common Bible

¹ ဖဲဆၢကတီၢ်အဝဲန့ၣ်, ကီၢ်ယူဒၤအစီၤပၤတဖၣ်ဒီး အပဒိၣ်ပပှၢ်အဃံတဖၣ်, ဒီးဒ်န့ၣ်အသိး, ပှၤလုၢ်တၢ်အခိၣ်တဖၣ်, ဝံတဖၣ်, ဒီးပှၤဂီၢ်မုၢ်အဂၤလၢအအိၣ်လၢ ဝ့ၢ်ယရူၤၡလ့ၣ်အပူၤအဃံတဖၣ်, ကဘၣ်တၢ်ဟံးထီၣ်ကွံာ်အီၤလၢအ ဝဲသ့ၣ်အသွၣ်ခိၣ်တဖၣ်အပူၤန့ၣ်လီၤ.

လံာ်ယံးရမံယၤ 8:1 Iomraidhean Croise

လံာ်စီၤပၤအခီၣ်ထံးတဘ့ၣ် 13:2

ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”

လံာ်စီၤပၤခံဘ့ၣ်တဘ့ၣ် 23:16

ဝံၤဒီး, စီၤယိၤၡံယၤကွၢ်တၢ်ဝးဝးဒီးထံၣ်ဘၣ်လၢတၢ်သွၣ်ခိၣ် တနီၤအိၣ်ဝဲလၢတၢ်လူၢ်အဒီခိၣ်န့ၣ်လီၤ. အဝဲမၢပှၤထုးထီၣ်ကွံာ်တၢ်ဃံတၢ်ကွဲတဖၣ်လၢတၢ်သွၣ်ခိၣ်တဖၣ် အပူၤဒီးဒွဲၣ်အူကွံာ်အီၤလၢတၢ်လုၢ်လီၢ်အဖီခိၣ်န့ၣ်လီၤ. လၢကျဲဒ်သိးအံၤန့ၣ်, အဝဲမၤဘၣ်အၢဘၣ်သီကွံာ်တၢ်လုၢ်လီၢ်, ဒီးမၤတၢ်လၢဝံစံးပာ်ဆိတ့ၢ်ဝဲလၢပျၢၤ, ဖဲမူးဧိၤပွဲဧိၤအကတီၢ်လၢစီၤပၤယၤရၤဘၣ်ဆၢထၢၣ်ဝဲဖဲတၢ် လုၢ်လီၢ်အံၤအကပၤအခါန့ၣ်လီၤ. စီၤပၤယိၤၡံယၤကွၢ်တရံးတၢ်ဝးဝး, ဒီးထံၣ်ဘၣ်ဝံတဂၤလၢအတဲဆိတ့ၢ်တၢ်ဂ့ၢ်အံၤအတၢ်သွၣ်ခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:20

အဝဲမၤသံကွံာ်ကယဲၢ်ပှၤတစူၢ်တနာ်ယွၤအပှၤလုၢ်တၢ်အခိၣ်ခဲလၢာ် လၢတၢ်လုၢ်လီၢ်တဖၣ်ဖဲအဝဲသ့ၣ်မၤတ့ၢ်တၢ်မၤအလိၤ, ဒီးအဝဲဒွဲၣ်အူထီၣ်ပှၤကညီအဃံအကွဲတဖၣ်လၢကယဲၢ်တၢ်လုၢ်လီၢ် အဖီခိၣ်န့ၣ်လီၤ. ဝံၤဒီးအဝဲက့ၤကဒါက့ၤဝဲဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:37

အဝဲအဃံအကွဲလၢအအိၣ်လီၤတဲာ်တဖၣ်ကဘၣ်တၢ်မၤလီၤပြံလီၤပြါအီၤဖဲန့ၣ်ဒ်တၢ်အ့ၣ်အသိးဒ်သိးပှၤကွၢ်နီၣ်အီၤသုတဘၣ် နီတဂၤတဂ့ၤအဂီၢ်န့ၣ်လီၤ.

စံးထီၣ်ပတြၢၤ 53:5

ဘၣ်ဆၣ်အဝဲသ့ၣ်အိၣ်လၢတၢ်ပျံၤဖးဒိၣ် လၢအတမၤအသးဒ်အံၤနီတဘျီဘၣ်အပူၤန့ၣ်လီၤ. အဂ့ၢ်ဒ်အံၤ, ကစၢ်ယွၤကမၤလီၤပြံလီၤပြါ အပှၤဂီၢ်မုၢ်အဒုၣ်အဒါတဖၣ်အဃံအကွဲလီၤ. အဝဲသ့ၣ်တဖၣ်ကဘၣ်တၢ်မၤမဲာ်ဆှးအီၤအဂ့ၢ်မ့ၢ်လၢ ကစၢ်ယွၤညိကွံာ်တ့ၢ်လံအဝဲသ့ၣ်အဃိန့ၣ်လီၤ.

လံာ်ယံးရမံယၤ 14:16

ဒ်န့ၣ်အသိးပှၤဂီၢ်မုၢ်လၢအဝဲသ့ၣ်စံးဘၣ်တ့ၢ်အီၤတၢ်သ့ၣ်တဖၣ်အံၤ စ့ၢ်ကီးကဘၣ်တၢ်မၤသံအီၤလၢကျဲတဘိဃီန့ၣ်လီၤ. အဝဲသ့ၣ် အစိၣ်တဖၣ်ကဘၣ်တၢ်ကွံာ်အီၤလၢဝ့ၢ်ယရူၤၡလ့ၣ်အကျဲဘိတဖၣ် အပူၤ, ဒီးပှၤကခူၣ်လီၤအဝဲသ့ၣ်တအိၣ်နီတဂၤဘၣ်န့ၣ်လီၤ. တၢ်အံၤကမၤအသးဒီးအဝဲသ့ၣ်ခဲလၢာ်, ဃုာ်ဒီးအမါတဖၣ်, အဖိခွါတဖၣ်, ဒီးအဖိမုၣ်တဖၣ်န့ၣ်လီၤ. ယကမၢအဝဲသ့ၣ်ဟ့ၣ်တၢ်အပှ့ၤလၢအဝဲသ့ၣ်အတၢ်အၢတၢ်သီအဃိလီၤ.”

လံာ်ယဃ့းစက့လး 37:1

ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲအ သးဆှၢဃီၤယၤဒီးပာ်လီၤယၤဖဲတြီၤတခါလၢအပှဲၤဒီးတၢ်ဃံတၢ် ကွဲတဖၣ်န့ၣ်လီၤ.

လံာ်ယဃ့းစက့လး 6:4

တၢ်လုၢ်လီၢ်တဖၣ်ကဘၣ်တၢ်ဂုၤလီၤပှီၢ်ကွံာ်အီၤဒီးတၢ်လုၢ်ထီၣ်တၢ် နၢမူအလီၢ်တဖၣ်ကဘၣ်တၢ်မၤကၢ်ကွံာ်အီၤလီၤ. ပှၤဂီၢ်မုၢ်ဖဲန့ၣ်တဖၣ်ခဲလၢာ်ကဘၣ်တၢ်မၤသံအီၤလၢအတၢ်ဂီၤတၢ် ဖီၣ်တဖၣ်အမဲာ်ညါန့ၣ်လီၤ.

လံာ်ယဃ့းစက့လး 6:5

ယကမၤလီၤပြံလီၤပြါကီၢ်အံၣ်စရ့လးအပှၤဂီၢ်မုၢ်အစိၣ်တဖၣ် လီၤ. ယကမၤလီၤပြံလီၤပြါအဝဲသ့ၣ်အဃံတဖၣ်ဝးတရံးတၢ်လုၢ်လီၢ်တဖၣ် န့ၣ်လီၤ.

လံာ်ဧၤမိၣ် 2:1

ဒီးယွၤစံးဝဲဒၣ်, “ပှၤကီၢ်မိၤအးဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤတရီတပါပှၤကီၢ်အဒိၣ်ဖိအစီၤပၤခီဖျိတၢ်ဒွဲၣ်အူ ကွံာ်အီၤတုၤအကဲထီၣ်ဖၣ်ဆါန့ၣ်လီၤ.