လံာ်ယံးရမံယၤ 7:9 - Sgaw Karen Common Bible

⁹ သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယံးရမံယၤ 7:9 Iomraidhean Croise

လံာ်စီၤပၤအခီၣ်ထံးတဘ့ၣ် 18:21

စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.

လံာ်တၢ်ဟးထီၣ်ကွံာ် 20:3

လၢယၤအမဲာ်ညါန့ၣ်ဘါထီၣ်ကစၢ်နီတဂၤတဂ့ၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 44:3

အဂ့ၢ်ဒ်အံၤ, အဝဲသ့ၣ်အပှၤဂီၢ်မုၢ် မၤတ့ၢ်တၢ်အၢတၢ်သီ ဒီး မၤသးဒိၣ်ထီၣ်တ့ၢ်ယၤအဃိလီၤ. အဝဲသ့ၣ် လုၢ်ထီၣ် တ့ၢ်တၢ်ဆူ ကစၢ်အဂၤတဖၣ်ဒီး မၤတ့ၢ်ကစၢ်တဖၣ်လၢ အဝဲသ့ၣ်မ့ၢ်ဂ့ၤ, သုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ် ဂ့ၤတဘူၣ်ထီၣ်ဘါထီၣ်နီတဘျီနီတစုဘၣ် အတၢ်မၤန့ၣ်လီၤ.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်ယံးရမံယၤ 44:9

မ့ၢ်သုသးပ့ၤနီၣ်ကွံာ် ကယဲၢ်တၢ်အၢတၢ်သီခဲလၢာ်လၢ အမၤတ့ၢ်အသးလၢကီၢ်ယူဒၤအဝ့ၢ်တဖၣ်အပူၤဒီၤ လၢဝ့ၢ်ယရူၤရှလ့ၣ်အကျဲမုၢ်ကျဲဘိတဖၣ်အပူၤ, လၢအဘၣ်တၢ်မၤတ့ၢ်အီၤလၢ သုမိၢ်ပၢ်ဖံဖုလၢပျၢၤတဖၣ်ဒီး လၢကီၢ်ယူဒၤအစီၤပၤတဖၣ်ဒီး အမါတဖၣ်, ဒီးလၢသုဝဲဒီး သုမါတဖၣ်န့ၣ်လံဧါ.

လံာ်ယံးရမံယၤ 48:35

ယကဆိကတီၢ်ကွံာ်ကီၢ်မိၤအးအပှၤဂီၢ်မုၢ်လၢ အတၢ်ကလုၢ် ထီၣ်တၢ်လုၢ်မ့ၣ်အူလၢ အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး လၢတၢ်လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်တဖၣ်အအိၣ် န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယဃ့းစက့လး 18:18

ဘၣ်ဆၣ်ဒီးအဝဲအပၢ်တခီန့ၣ်လီတၢ်ဒီးဂုာ်ဆူၣ်တၢ်, ဒီးထီဘိမၤတၢ်အၢတၢ်သီလၢပှၤကိးဂၤဒဲးန့ၣ်လီၤ. လၢတၢ်န့ၣ်အဃိ အဝဲသံဝဲမ့ၢ်လၢတၢ်ဒဲးဘးတဖၣ်လၢအဝဲအကစၢ်ဒၣ်ဝဲမၤတ့ၢ်အီၤ အဃိန့ၣ်လီၤ.

လံာ်ယဃ့းစက့လး 20:30

ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢ, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲတက့ၢ်. ဘၣ်မနုၤလၢသုဘၣ်မၤတၢ်ဒဲးဘးတမံၤဃီလၢသုပၢ်တဖၣ် မၤတ့ၢ်အီၤဒီးလူၤပိာ်ထွဲအဝဲသ့ၣ်အတၢ်ဂီၤတၢ်ဖီၣ်တဖၣ် အခံန့ၣ်လဲၣ်.

လံာ်ယဃ့းစက့လး 23:39

ဖဲမုၢ်တနံၤဃီလၢအဝဲသ့ၣ်မၤသံယဖိတဖၣ်ဒ်တၢ်လုၢ်တၢ်ပာ်တဖၣ် ဆူတၢ်ဂီၤတၢ်ဖီၣ်တဖၣ်အဂီၢ်အသိးန့ၣ်, အဝဲသ့ၣ်ဟဲဆူယတၢ်လုၢ်ဟံၣ်ဒီးမၤတရီတပါအတၢ်စီတၢ်ဆှံန့ၣ်လီၤ.

လံာ်ယဃ့းစက့လး 5:11

လၢတၢ်န့ၣ်အဃိ, ဒ်ယမ့ၢ်ကစၢ်ယွၤလၢအမူဝဲအသိး, အအံၤမ့ၢ်ယွၤသ့တၢ်လၢာ်ကစၢ်အတၢ်ကတိၤန့ၣ်လီၤ. မ့ၢ်လၢသုမၤဘၣ်အၢတ့ၢ်ယတၢ်လုၢ်ဟံၣ်ဒီးတၢ်အၢတၢ်သီခဲလၢာ်တၢ် လီၤသးဘၣ်အၢတဖၣ်လၢသုမၤတ့ၢ်အီၤအဃိ, ယကဒီၣ်တဲာ်ကွံာ်သု တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်ဧၤမိၣ် 4:5

ဒီးလုၢ်ထီၣ်သုကိၣ်လၢတၢ်စံးဘျုးစံးဖှိၣ်အပူၤဆူကစၢ်ယွၤ, ဒီးကတိၤကဖၢလၢလီၤသုသးလၢသုတၢ်လုၢ်လီၤဆီတဖၣ်အဃိန့ၣ်တက့ၢ်. အအံၤမ့ၢ်တၢ်လၢသုအဲၣ်မၤအီၤန့ၣ်လီၤ.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

ရိမ့ၤ 2:2

ပသ့ၣ်ညါလၢဖဲကစၢ်ယွၤစံၣ်ညီၣ်ပှၤလၢအမၤတၢ်ဒ်သိးအံၤ တဖၣ်န့ၣ်, အတၢ်စံၣ်ညီၣ်န့ၣ်တီဝဲလီၤ.

လံာ်သိၣ်လီၤသီလီၤတၢ် 32:17

အဝဲသ့ၣ်လုၢ်ထီၣ်ပာ်ထီၣ်တၢ်ဆူကစၢ်တဖၣ်လၢတမ့ၢ်တတီဘၣ်, ကစၢ်အသီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်တသ့ၣ်ညါတ့ၢ်ဝဲ, ကစၢ်တဖၣ်လၢကီၢ်အံၣ်စရ့လးတစူၢ်တ့ၢ်ဘၣ်အီၤနီတစုန့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.