လံာ်ယံးရမံယၤ 7:7 - Sgaw Karen Common Bible

⁷ သုမ့ၢ်လဲလိာ်ကွံာ်သုသးဒီး, ယကပျဲသုအိၣ်မူဒံးဆူညါဖဲ အံၤ, လၢကီၢ်တဘ့ၣ်လၢယဟ့ၣ်လီၤတ့ၢ်သုမိၢ်ပၢ်ဖံဖုလၢပျၢၤဒ် အမ့ၢ်အတၢ်န့ၢ်သါအဂၢၢ်အကျၢၤအပူၤန့ၣ်လီၤ.

လံာ်ယံးရမံယၤ 7:7 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:8

ဒီးဖဲကီၢ်အံၣ်စရ့လးအပှၤဂီၢ်မုၢ်စူၢ်ကယဲၢ်ယတၢ်မၤလိာ်တဖၣ် ဒီးတိၢ်န့ၢ်ဖံးဃာ်ယူဒၤအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ် လၢယခ့ယပှၤစီၤမိၤၡ့ဟ့ၣ်လီၤတ့ၢ်အဝဲသ့ၣ်န့ၣ်, ယတပျဲအဝဲသ့ၣ်ကဘၣ်တၢ်ဟီထီၣ်ကွံာ်အီၤလၢထံကီၢ်လၢယဟ့ၣ်လီၤ တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤအပူၤန့ၣ်ဘၣ်.”

လံာ်တၢ်ဟးထီၣ်ကွံာ် 22:22

မၤတရီတပါဒီးမၤနးမၤဖှီၣ်မုၣ်ကမဲမ့ၢ်ဂ့ၤ, ဖိၣ်ဃဲမ့ၢ်ဂ့ၤနီတဂၤတဂ့ၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယံးရမံယၤ 25:5

အဝဲသ့ၣ်တဲဘၣ်သုလၢ သုကဃၣ်ကွံာ်သုသးလၢ သုတၢ်အိၣ် မူကျဲ အအၢအသီဒီး လၢတၢ်အၢတၢ်သီတဖၣ်လၢ သုမၤအီၤ, ဒ်သိး သုကအိၣ်မူဘၣ်ဒံးလၢ ကီၢ်တဘ့ၣ်အံၤအပူၤ, လၢယွၤဟ့ၣ်လီၤသု ဒီး သုမိၢ်ပၢ်ဖံဖုလၢပျၢၤတဖၣ် ဒ်တၢ်န့ၢ်သါအဂၢၢ်အကျၢၤအသိး န့ၣ်လီၤ.

လံာ်ယံးရမံယၤ 26:13

သုကဘၣ်လဲလိာ်ကွံာ်ကျဲလၢ သုအိၣ်မူအီၤဒီးတၢ်တဖၣ် လၢ သုမၤအီၤ, ဒီးသုကဘၣ်စူၢ်ယွၤ, သုကစၢ်ယွၤန့ၣ်လီၤ. သုမ့ၢ်မၤအီၤဒီး, အဝဲကလဲလိာ်ကွံာ် အတၢ်ပာ်လီၤသးဘၣ်ဃးတၢ်မၤဟးဂီၤလၢ အဝဲစံးတ့ၢ်ဝဲလၢ ကဒုးလီၤဘၣ်အီၤလၢသုလိၤန့ၣ်လီၤ.

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 4:1

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်ဧၢ, သုမ့ၢ်ဟဲက့ၤကဒါက့ၤဒီး, ဟဲက့ၤကဒါက့ၤဆူယအိၣ်တက့ၢ်. သုမ့ၢ်သးတီဒီး ယၤဒီးသုးကွံာ်တၢ်ဂီၤတၢ်ဖီၣ်တဖၣ်လၢယသးဟ့အီၤဒီး,

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

လံာ်သိၣ်လီၤသီလီၤတၢ် 4:40

စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤ သုတနံၤအံၤ, ဒီးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဒီးသုစၢၤ သုသွဲၣ်တဖၣ်အဂီၢ်န့ၣ်လီၤ. သုကအိၣ်ဆိးဘၣ်ဒံးဆူညါလၢကီၢ်တဘ့ၣ်အံၤအပူၤလၢယွၤ, သုကစၢ်ယွၤဟ့ၣ်လီၤသုဒ်သိးကမ့ၢ်သုတၢ်အစိၤစိၤအဃၣ်ဃၣ်အဂီၢ် န့ၣ်လီၤ.”