လံာ်ယံးရမံယၤ 7:6 - Sgaw Karen Common Bible

⁶ ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယံးရမံယၤ 7:6 Iomraidhean Croise

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

စံးထီၣ်ပတြၢၤ 106:38

ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်, ဒီးထံကီၢ်ဘၣ်တၢ်တကဆှီဘၣ်လၢပှၤမၤသံတၢ်တဖၣ်အဃိလီၤ.

တၢ်ကတိၤဒိ. 23:10

သုးကွံာ်ဟီၣ်ခိၣ်အဆၢအပနီၣ်လီၢ်လံၤနီတဘျီတဂ့ၤ. ဟံးန့ၢ်ဆူၣ်ပှၤဖိၣ်ဃဲတဖၣ်အဟီၣ်ခိၣ်တဂ့ၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယံးရမံယၤ 26:23

အဝဲသ့ၣ်ဟဲက့ၤ စိာ်က့ၤအီၤဆူ စီၤပၤယဟိၤယါကံၣ် အအိၣ်ဒီးအဝဲဒၣ် မၤသံကွံာ်အီၤဒီး အစိၣ်ဘၣ်တၢ်ကွံာ်လီၤအီၤဆူ ကမျၢၢ်အတၢ်သွၣ်ခိၣ် အပူၤန့ၣ်လီၤ.)

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ယံးရမံယၤ 7:5

လဲလိာ်ကျဲလၢသုအိၣ်မူအီၤဒီးဆိကတီၢ်မၤတၢ်တဖၣ်လၢသု မၤအီၤန့ၣ်တက့ၢ်. လၢသုတၢ်မၤဘၣ်ပှၤတဂၤဒီးတဂၤအပူၤန့ၣ် မၤအီၤတီတီတက့ၢ်.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်သးသယုၢ်တၢ် 4:13

ဘၣ်ဆၣ်ဒီး, တၢ်မၤတ့ၢ်အသး, မ့ၢ်လၢအဝံတဖၣ်မၤတ့ၢ်တၢ်ဒဲးဘး ဒီးအပှၤလုၢ်တၢ်အခိၣ်တဖၣ်အတၢ်ကမၣ်အိၣ်လၢအဒုးအိၣ်ထီၣ် တၢ်မၤသံပှၤလၢအတၢ်ကမၣ်တအိၣ်တဖၣ်အဃိန့ၣ်လီၤ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 19:33

မၤနးမၤဖှီၣ်ပှၤတခီဘီမုၢ်ဖိတဖၣ်လၢအအိၣ်လၢသုကီၢ်ပူၤန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 25:17

ဒီးမၤတတီတလိၤလိာ်သုသးတဂ့ၤ. မ့မ့ၢ်ပျံၤသုကစၢ်ယွၤတက့ၢ်. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

လံာ်သိၣ်လီၤသီလီၤတၢ် 11:28

မ့မ့ၢ်, သုမ့ၢ်တစူၢ်ဘၣ်တၢ်မၤလိာ်တဖၣ်အံၤဒီးဃၣ်ဃီၤသုသးဆူ ကစၢ်အဂၤတဖၣ်လၢသုကဘူၣ်ထီၣ်ဘါထီၣ်အီၤအအိၣ်လၢ သုတဘါထီၣ်ဘၣ်တ့ၢ်အီၤလၢညါနီတစုဘၣ်န့ၣ်, မ့ၢ်တၢ်ဆိၣ်အၢတမံၤန့ၣ်လီၤ.

လံာ်သိၣ်လီၤသီလီၤတၢ် 24:17

ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 8:19

သးပ့ၤနီၣ်ကွံာ်ယွၤ, သုကစၢ်မ့ၢ်ဂ့ၤ, ဃၣ်ကွံာ်သုသးဆူ ကစၢ်အဂၤတဖၣ်အအိၣ်လၢတၢ်ဘူၣ်ထီၣ်ဘါထီၣ်အီၤဒီးမၤအတၢ်အဂီၢ် မ့ၢ်ဂ့ၤန့ၣ်နီတစုတဂ့ၤ. သုမ့ၢ်မၤဒီး, အန့ၣ်တစု, ယဟ့ၣ်ပလီၢ်သုမုၢ်မဆါတနံၤအံၤလၢသုကဘၣ်တၢ်မၤဟးဂီၤကွံာ်သု သပှၢ်ကတၢၢ်န့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.