လံာ်ယံးရမံယၤ 7:4 - Sgaw Karen Common Bible

⁴ ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်ယံးရမံယၤ 7:4 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်ယၡါယၤ 48:2

အန့ၣ်ဒၣ်လဲာ်, သုပာ်ကဖၢလၢလီၤသုသးလၢသုကစံး လၢသုမ့ၢ်ဝ့ၢ်စီဆှံအထံဖိကီၢ်ဖိတဖၣ် ဒီးလၢသုသန့ၤသုသးလၢ ကီၢ်အံၣ်စရ့လးအကစၢ်ယွၤလၢ အမံၤမ့ၢ်ဝဲသ့တၢ်လၢာ်အယွၤအဂီၢ်န့ၣ်လီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 28:15

ယတဲစီၤဃနၤနယၤတၢ်အံၤ, ဝံၤဒီးယတဲအါထီၣ်ယဲ, “ဒိကနၣ်တက့ၢ်, စီၤဃနၤနယၤဧၢ, ယွၤတမၢလီၤနၤဘၣ်, ဒီးနမၢပှၤဂီၢ်မုၢ်တဖၣ်အံၤ နာ်တၢ်လီတၢ်ဝ့ၤတမံၤန့ၣ်လီၤ.

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယံးရမံယၤ 7:14

လၢတၢ်န့ၣ်အဃိ, ဒ်တၢ်လၢယမၤဘၣ်တ့ၢ်ဝ့ၢ်ၡံလိၤအသိးန့ၣ်, ယကမၤစ့ၢ်ကီးယတၢ်လုၢ်ဟံၣ်ဒၣ်ယဲအံၤလၢသုပာ်သုတၢ်နာ်လၢ အပူၤန့ၣ်လီၤ. ဖဲတၢ်လီၢ်အဝဲအံၤ, လၢယဟ့ၣ်လီၤတ့ၢ်သုမိၢ်ပၢ် ဖံဖုလၢပျၢၤဒီးသုအပူၤန့ၣ်ယကမၤတၢ်တမံၤဃီလၢယမၤတ့ၢ်အီၤ ဖဲဝ့ၢ်ၡံလိၤန့ၣ်လီၤ.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်လူၤကၣ် 3:8

မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.