လံာ်ယံးရမံယၤ 7:33 - Sgaw Karen Common Bible

³³ တၢ်စိၣ်တဖၣ်ကကဲထီၣ်တၢ်အီၣ်လၢထိၣ်တဖၣ်ဒီးဆၣ်ဖိကီၢ်ဖိအမံၤ တဖၣ်အဂီၢ်, ဒီးပှၤလၢကဃါပျံၤဃါဖုးကွံာ်အီၤတအိၣ်နီတဂၤဘၣ်.

လံာ်ယံးရမံယၤ 7:33 Iomraidhean Croise

လံာ်ယၡါယၤ 18:6

အသုးဖိတဖၣ်အစိၣ်ကဘၣ်တၢ်ကွံာ်တ့ၢ်အီၤလၢတၢ်ပျီပူၤဒ်သိး ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်ကထံၣ်အီၤအဂီၢ်န့ၣ်လီၤ. လၢတၢ်ကိၢ်ခါန့ၣ်, ထိၣ်ဧိၤလံာ်ဧိၤကအီၣ်အီၤ, ဒီးလၢ တၢ်ဂိၢ်ခါန့ၣ်ဆၣ်ဖိကီၢ်ဖိတဖၣ်ကအီၣ်အီၤလီၤ.”

လံာ်ယံးရမံယၤ 12:9

ယပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤဂာ်ဒီး ထိၣ်တဘ့ၣ် လၢအဘၣ်တၢ်ဖျးအီၤလၢကိးကပၤဒဲးလၢ လံာ်တဖၣ်န့ၣ်လီၤ. ကိးထီၣ်ဆၣ်ဖိကီၢ်ဖိအမံၤတဖၣ် လၢကဟဲဒီးပာ်ဖှိၣ်အသးလၢတၢ်အီၣ် အဝဲသ့ၣ်အစိၣ်တဖၣ်အဂီၢ်န့ၣ်တက့ၢ်.

လံာ်ယံးရမံယၤ 14:16

ဒ်န့ၣ်အသိးပှၤဂီၢ်မုၢ်လၢအဝဲသ့ၣ်စံးဘၣ်တ့ၢ်အီၤတၢ်သ့ၣ်တဖၣ်အံၤ စ့ၢ်ကီးကဘၣ်တၢ်မၤသံအီၤလၢကျဲတဘိဃီန့ၣ်လီၤ. အဝဲသ့ၣ် အစိၣ်တဖၣ်ကဘၣ်တၢ်ကွံာ်အီၤလၢဝ့ၢ်ယရူၤၡလ့ၣ်အကျဲဘိတဖၣ် အပူၤ, ဒီးပှၤကခူၣ်လီၤအဝဲသ့ၣ်တအိၣ်နီတဂၤဘၣ်န့ၣ်လီၤ. တၢ်အံၤကမၤအသးဒီးအဝဲသ့ၣ်ခဲလၢာ်, ဃုာ်ဒီးအမါတဖၣ်, အဖိခွါတဖၣ်, ဒီးအဖိမုၣ်တဖၣ်န့ၣ်လီၤ. ယကမၢအဝဲသ့ၣ်ဟ့ၣ်တၢ်အပှ့ၤလၢအဝဲသ့ၣ်အတၢ်အၢတၢ်သီအဃိလီၤ.”

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 19:7

ဖဲတၢ်လီၢ်အံၤအပူၤန့ၣ်, ယကမၤသဘံၣ်ဘုၣ်ကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်အတၢ်ကူၣ်ကျဲၤခဲလၢာ်န့ၣ်လီၤ. ယကပျဲအဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးမၤသံအဝဲသ့ၣ်လၢ တၢ်ဒုးတၢ်ယၤအပူၤန့ၣ်လီၤ. ယကဟ့ၣ်လီၤအဝဲသ့ၣ်အစိၣ်တဖၣ်ဆူ ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်အအိၣ်ဒ်တၢ်အီၣ်အသိးန့ၣ်လီၤ.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်ယံးရမံယၤ 25:33

လၢမုၢ်နံၤအဝဲန့ၣ်, ပှၤတဖၣ်လၢယွၤမၤသံတ့ၢ်အီၤအစိၣ်ကဘၣ် တၢ်မၤလီၤပြံလီၤပြါအီၤလၢဟီၣ်ခိၣ်အကတၢၢ်တခီ တုၤဆူဟီၣ်ခိၣ် အကတၢၢ်အဂၤတခီန့ၣ်လီၤ. ပှၤတဟီၣ်တၢ်ယၢၤတၢ်လၢအဝဲသ့ၣ် အဃိ နီတဂၤဘၣ်, အဝဲသ့ၣ် တဘၣ်တၢ်စိာ်ကွံာ်အီၤဒီးခူၣ်လီၤကွံာ် အီၤန့ၣ်ဘၣ်. အဝဲသ့ၣ် ကအိၣ်မံလီၤလၢ ဟီၣ်ခိၣ်လိၤဒ်တၢ်အ့ၣ်အပူၣ် တဖၣ်အသိးန့ၣ်လီၤ.

လံာ်ယံးရမံယၤ 34:20

ယကဟ့ၣ်လီၤအဝဲသ့ၣ်ဆူ အဒုၣ်အဒါတဖၣ်လၢအသးအိၣ်မၤသံကွံာ် အဝဲသ့ၣ်အစုပူၤ, ဒီးအဝဲသ့ၣ်အစိၣ်တဖၣ်န့ၣ်, ထိၣ်ဒီး ဆၣ်ဖိကီၢ်ဖိ အမံၤတဖၣ်ကအီၣ်ကွံာ်အီၤန့ၣ်လီၤ.

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်ယံးရမံယၤ 9:22

ပှၤသံစိၣ်တဖၣ်အိၣ်လီၤပြံလီၤပြါလၢတၢ်လီၢ်ကိးပူၤဒဲး, လီၤဂာ်ဒီးတၢ်အ့ၣ်တၢ်ဆံၣ်အပူၣ်တဖၣ် လၢစံာ်ဧိၤပှဲၤဧိၤအပူၤ, လီၤဂာ်ဒီးဘုခ့လၢတၢ်ကူးဒီးပာ်လီၤတ့ၢ်အီၤလၢ ပှၤကူးတၢ်ဖိတဖၣ်, ဘုခ့လၢပှၤတထၢဖှိၣ်အီၤနီတဂၤဘၣ်န့ၣ်လီၤ. အအံၤမ့ၢ်တၢ်လၢယွၤမၤတ့ၢ်ယၤလၢယကဘၣ် စံးဘၣ်တဲဘၣ်န့ၣ်လီၤ.”

လံာ်ယဃ့းစက့လး 29:5

ယကစူးကွံာ်နၤဒီးကယဲၢ်ညၣ်တဖၣ်န့ၣ်ခဲလၢာ်ဆူမဲးမုၢ်ခိၣ်အပူၤလီၤ. နမိၢ်ပှၢ်ကလီၤတဲာ်လၢဟီၣ်ခိၣ်လိၤဒီးတၢ်တခူၣ်လီၤဘျၢလီၤဘၣ် အီၤန့ၣ်ဘၣ်. ယကဟ့ၣ်လီၤအီၤဆူထိၣ်တဖၣ်ဒီးဆၣ်ဖိကီၢ်ဖိတဖၣ် လၢအဝဲသ့ၣ်အတၢ်အီၣ်အဂီၢ်န့ၣ်လီၤ.

လံာ်ယဃ့းစက့လး 39:4

စီၤကိးဒီးအဝဲအသုးမုၢ်ဒီးအသိၣ်အမှံၤတဖၣ်ကလီၤဃံၤကွံာ်လၢ ကီၢ်အံၣ်စရ့လးအကစၢၢ်ကလိတဖၣ်အဒီခိၣ်ဒီးယကဒုးကဲထီၣ် အနီၢ်ခိတဖၣ်လၢတၢ်အီၣ်လၢကယဲၢ်ထိၣ်တဖၣ် ဒီးဆၣ်ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 28:26

ဖဲသုသံန့ၣ်, ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်ကဟဲဒီးအီၣ် ကွံာ်သုစိၣ်တဖၣ်, ဒီးပှၤတအိၣ်ဘၣ်နီတဂၤလၢကမၤပျံၤမၤဖုးဒီးဃါကွံာ်အဝဲသ့ၣ် န့ၣ်ဘၣ်.

လံာ်သိၣ်လီၤသီလီၤတၢ် 8:20

သုမ့ၢ်တစူၢ်ယွၤဘၣ်ဒီး, အန့ၣ်တစု, သုကဘၣ်တၢ်မၤဟးဂီၤကွံာ် သုဒ်သိးဒၣ်ပှၤကလုာ်တဖၣ်လၢအဝဲကမၤဟးဂီၤကွံာ်ဝဲ, ဖဲသုလဲၤ ဒုးတၢ်အခါန့ၣ်လီၤ.