လံာ်ယံးရမံယၤ 7:32 - Sgaw Karen Common Bible

³² လၢတၢ်န့ၣ်အဃိ, တၢ်ဆၢကတီၢ်ကဟဲဝဲလၢတၢ်လီၢ်န့ၣ်တၢ်တကိးလၢၤအီၤလၢတိဖ့းမ့ၢ်ဂ့ၤ, ဟံၣ်နိၣ်အတြီၤမ့ၢ်ဂ့ၤလၢၤဘၣ်. မ့မ့ၢ်, တၢ်ကကိးအီၤတၢ်မၤသံ တၢ်အတြီၤန့ၣ်လီၤ. အဝဲသ့ၣ်ကခူၣ်လီၤပှၤဂီၢ်မုၢ်ဖဲန့ၣ်, မ့ၢ်လၢတၢ်လီၢ်အဂၤလၢတၢ်ကခူၣ်လီၤအဝဲသ့ၣ်တအိၣ်ဘၣ်အဃိလီၤ.

လံာ်ယံးရမံယၤ 7:32 Iomraidhean Croise

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်ယံးရမံယၤ 19:11

ဒီးယွၤမၢယတဲဘၣ်အဝဲသ့ၣ်လၢယွၤသ့တၢ်လၢာ်စံးတ့ၢ်ဝဲဒၣ်, “ယကမၤတၢ်မၤဟးဂီၤပှၤဂီၢ်မုၢ်အံၤဒီးဝ့ၢ်အံၤ, ဒီးတၢ်န့ၣ် ကလီၤဂာ်ဒီးသပၢၤဟီၣ်ခိၣ်လၢအသ့ၣ်ဖးအံၤလၢတၢ်မၤက့ၤ ကဒီးအီၤဒ်အလီၢ်လီၢ်အသိးတသ့ဝဲဘၣ်န့ၣ်လီၤ. လၢတိဖ့းအပူၤ ဒၣ်လဲာ်ပှၤဂီၢ်မုၢ်ကခူၣ်လီၤအပှၤသံတဖၣ်, မ့ၢ်လၢတၢ်လီၢ်အဂၤ လၢကခူၣ်လီၤအဝဲသ့ၣ်တအိၣ်ဘၣ်အဃိန့ၣ်လီၤ.

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 19:2

ဒီးလဲၤနုာ်ခီဖျိတြဲၤသပၢၤက့ဆူဟံၣ်နိၣ်အတြီၤပူၤတက့ၢ်. ဖဲန့ၣ်, ယကဘၣ်စံးဘၣ်တၢ်ကစီၣ်လၢယွၤကဟ့ၣ်ယၤန့ၣ်လီၤ.

လံာ်ယံးရမံယၤ 19:6

လၢတၢ်န့ၣ်အဃိဒီး, တၢ်အကတီၢ်ကဟဲဝဲလၢ, တၢ်လီၢ်အံၤ တဘၣ်တၢ်ကိးအီၤလၢတိဖ့းမ့ၢ်ဂ့ၤ, ဟံၣ်နိၣ်အတြဲၤမ့ၢ်ဂ့ၤနီ တစုလၢၤဘၣ်. အခိၣ်တလိာ်, ကဘၣ်တၢ်သ့ၣ်ညါအီၤဒ်တၢ်မၤသံ တၢ်အတြီၤန့ၣ်လီၤ.

လံာ်ယံးရမံယၤ 31:40

တၢ်တြီၤဒီတြီၤညါ, ဖဲပှၤအသံတဖၣ်ဘၣ်တၢ်ခူၣ်လီၤကွံာ်အီၤ ဒီး တၢ်တဂိာ်တသီၣ်ဘၣ်တၢ်စူးကွံာ်အီၤ, ဒီးစံာ်ပျီခဲလၢာ်လၢ ထံကျိကံဒြိၢ်ပၢၢ်တုၤလၢ ကသ့ၣ်အတြဲၤလၢ မုၢ်ထီၣ်တခီန့ၣ်, ကမ့ၢ်တၢ်လီၢ်စီဆှံလၢ ယဂီၢ်န့ၣ်လီၤ. ဝ့ၢ်အံၤတဘၣ်တၢ်မၤ လီၤပှီၢ်ကဒီးလၢၤအီၤမ့ၢ်ဂ့ၤ, မၤဟးဂီၤကွံာ်လၢၤအီၤမ့ၢ်ဂ့ၤ နီတစုဘၣ်.”

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.

လံာ်ယဃ့းစက့လး 6:4

တၢ်လုၢ်လီၢ်တဖၣ်ကဘၣ်တၢ်ဂုၤလီၤပှီၢ်ကွံာ်အီၤဒီးတၢ်လုၢ်ထီၣ်တၢ် နၢမူအလီၢ်တဖၣ်ကဘၣ်တၢ်မၤကၢ်ကွံာ်အီၤလီၤ. ပှၤဂီၢ်မုၢ်ဖဲန့ၣ်တဖၣ်ခဲလၢာ်ကဘၣ်တၢ်မၤသံအီၤလၢအတၢ်ဂီၤတၢ် ဖီၣ်တဖၣ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:30

ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ.