လံာ်ယံးရမံယၤ 7:30 - Sgaw Karen Common Bible

³⁰ ကီၢ်ယူဒၤအပှၤဂီၢ်မုၢ်မၤတ့ၢ်တၢ်အၢတၢ်သီတမံၤလီၤ. အဝဲသ့ၣ်ပာ်ထီၣ်အတၢ်ဂီၤတၢ်ဖီၣ်တဖၣ်လၢယသးဟ့အီၤလၢယတၢ်လုၢ်ဟံၣ် အပူၤဒီးမၤဘၣ်အၢအီၤန့ၣ်လီၤ.

လံာ်ယံးရမံယၤ 7:30 Iomraidhean Croise

လံာ်စီၤပၤခံဘ့ၣ်တဘ့ၣ် 21:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်ဝဲလၢ, အဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:7

အဝဲပာ်လီၤကစၢ်မုၣ်အၡ့ရၤအပနီၣ်လၢယွၤအတၢ်လုၢ်ဟံၣ်ပူၤ, တၢ်လီၢ်လၢယွၤစံးဘၣ်တ့ၢ်စီၤဒၤဝံးဒီးအဖိခွါစီၤၡလိၤမိၤ လၢအဂ့ၢ်, စံးဝဲ, “ဖဲအံၤ, ဖဲဝ့ၢ်ယရူၤၡလ့ၣ်အပူၤ, တၢ်လီၢ်ဖဲ ယွၤအတၢ်လုၢ်ဟံၣ်အပူၤအံၤ, မ့ၢ်တၢ်လီၢ်လၢယဃုထၢတ့ၢ်ယဲလၢ ကယဲၢ်လီၢ်ကဝီၤခဲလၢာ်လၢအံၣ်စရ့လးအဒူၣ်တဆံခံဒူၣ်အပူၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:12

တၢ်လုၢ်လီၢ်တဖၣ်လၢကီၢ်ယူဒၤအစီၤပၤတဖၣ်မၤထီၣ်က့ၤဝဲ လၢနူၢ်ဧိၤစီၤဧိၤအခိၣ်ဒုးလိၤ, လၢအအိၣ်ဝဲလၢစီၤပၤအၤဃး အိၣ်ဆိးအလီၢ်အဖီခိၣ်န့ၣ်, စီၤပၤယိၤၡံယၤမၤလီၤပှီၢ်ကွံာ်အီၤဃုာ်ဒီးတၢ်လုၢ်လီၢ်တဖၣ် လၢအဘၣ်တၢ်ပာ်ထီၣ်လၢစီၤပၤမနၤၡ့ၤ, လၢယွၤအတၢ်လုၢ်ဟံၣ်အဂၢၤအဂၤခံတီၤအပူၤန့ၣ်လီၤ. အဝဲမၤလီၤကလဲကွံာ်တၢ်လုၢ်လီၢ်တဖၣ်အံၤဆူအက့က့အခီခီ ဒီးတ့ၢ်လီၤအီၤဆူကံဒြိၣ်အတၢ်တြီၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:15

အဝဲသုးကွံာ်ပှၤတခီဘီမုၢ်ဖိအယွၤတဖၣ်ဒီးတၢ်ဂီၤတၢ်ဖီၣ်လၢ အဝဲပာ်လီၤဝဲဖဲန့ၣ်, လၢယွၤအတၢ်လုၢ်ဟံၣ်အပူၤ, ဒီးပှၤတစူၢ်တနာ်ယွၤအတၢ်လုၢ်လီၢ်တဖၣ်လၢအအိၣ်လၢယွၤ အတၢ်လုၢ်ဟံၣ်အိၣ်ဆၢထၢၣ်အတၢ်လူၢ်ဒီခိၣ်မ့ၢ်ဂ့ၤဒီးလၢ တၢ်လီၢ်အဂၤတဖၣ်လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လီၤ. အဝဲစိာ်ကွံာ်တၢ်တဖၣ်အံၤခဲလၢာ်ဆူဝ့ၢ်အချၢဒီးစူးကွံာ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအပၢ်စီၤဃံးစကံယၤမၤဟးဂီၤတ့ၢ်ဝဲန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ဒီးမၤကစၢ်မုၢ်အၡ့ရၤအဂီၤတဖၣ်ဒီးဘူၣ်ထီၣ်ဘါထီၣ်ဆၣ်ဧိၤဖီဧိၤ တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:7

အဝဲပာ်လီၤတၢ်ဂီၤတၢ်ဖီၣ်တခါလၢယွၤအတၢ်လုၢ်ဟံၣ်အပူၤလီၤ. တၢ်လီၢ်န့ၣ်မ့ၢ်တၢ်လီၢ်ဖဲကစၢ်ယွၤစံးဘၣ်တ့ၢ်စီၤဒၤဝံးဒီးအဖိခွါ စီၤၡလိၤမိၤ, “လၢယွၤအတၢ်လုၢ်ဟံၣ်အပူၤ, ဖဲဝ့ၢ်ယရူၤၡလ့ၣ်အပူၤအံၤ, မ့ၢ်တၢ်လီၢ်တတီၤလၢယဃုထၢတ့ၢ်အီၤလၢကယဲၢ်အံၣ်စရ့လးတဆံခံ ဒူၣ်အလီၢ်ကဝီၤအကျါ, ဒ်တၢ်လီၢ်လၢတၢ်ကဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 23:11

ယွၤစံးဝဲဒၣ်, “ဝံတဖၣ်ဒီးပှၤလုၢ်တၢ်အခိၣ်တဖၣ်န့ၣ် တယူးယီၣ်ဘၣ်ယွၤဘၣ်. ယထံၣ်ဘၣ်တ့ၢ်အဝဲသ့ၣ်မၤတၢ်အၢလၢ ယတၢ်လုၢ်ဟံၣ်အပူၤဒၣ်လဲာ်န့ၣ်လီၤ.

လံာ်ယံးရမံယၤ 32:34

အဝဲသ့ၣ် ပာ်ထီၣ်ဒၣ်လဲာ် အတၢ်ဂီၤတၢ်ဖီၣ် တဖၣ်လၢအလီၤသးဘၣ် အၢလၢယွၤအ တၢ်လုၢ်ဟံၣ်လၢ တၢ်သူၣ်ထီၣ်အီၤလၢ တၢ် ဘူၣ်ထီၣ်ဘါထီၣ်ယၤအဂီၢ်အပူၤ, ဒီးအဝဲသ့ၣ် မၤဘၣ်အၢကွံာ်အီၤန့ၣ်လီၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”