လံာ်ယံးရမံယၤ 7:26 - Sgaw Karen Common Bible

²⁶ အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယံးရမံယၤ 7:26 Iomraidhean Croise

လံာ်စီၤပၤအခီၣ်ထံးတဘ့ၣ် 14:22

ကီၢ်ယူဒၤအပှၤဂီၢ်မုၢ်မၤတ့ၢ်တၢ်ဒဲးဘးထီဒါယွၤဒီးထိၣ်ဂဲၤ ယွၤအတၢ်သးထီၣ်ဒိၣ်အါန့ၢ်ဒံးကယဲၢ်အဝဲသ့ၣ်အမိၢ်ပၢ်ဖံဖုလၢ ပျၢၤတဖၣ်မၤတ့ၢ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:14

ဘၣ်ဆၣ်အဝဲသ့ၣ်တစူၢ်ဝဲဒၣ်ဘၣ်. အဝဲသ့ၣ်အခိၣ်ကိၤဝဲဒ်အမိၢ်ပၢ် ဖံဖုလၢပျၢၤတဖၣ်အသိး, ပှၤလၢအတနာ်ဘၣ်ယွၤအဝဲသ့ၣ်အကစၢ်ယွၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 33:10

ယွၤဟ့ၣ်ပလီၢ်တ့ၢ်စီၤမနၤၡ့ၤဒီးအပှၤဂီၢ်မုၢ်သနာ်က့, အဝဲသ့ၣ်တဒိကနၣ်ဝဲဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 33:23

ဘၣ်ဆၣ်အဝဲတဆီၣ်လီၤအသးဒီးဃၣ်က့ၤအသးဆူယွၤအအိၣ်ဒ်အပၢ်မၤ တ့ၢ်ဝဲအသိးန့ၣ်ဘၣ်. အဝဲမၤတၢ်ဒဲးဘးဒိၣ်န့ၢ်ဒံးအပၢ်ဒၣ်လဲာ်တက့ၢ်လီၤ.

လံာ်စီၤနဃ့မယၤ 9:29

နဟ့ၣ်ပလီၢ်တ့ၢ်အဝဲသ့ၣ်လၢကစူၢ်နတၢ်သိၣ်လိတဖၣ်, ဘၣ်ဆၣ်လၢတၢ်ပာ်ကဖၢလၢသးအပူၤ, အဝဲသ့ၣ်တၢၤကွံာ်နတၢ်သိၣ်တၢ်သီတဖၣ်ဖဲ တၢ်တိၢ်န့ၢ်ဖံးဃာ်နတၢ်သိၣ်တၢ်သီလၢ ပှၤယူဒၤဖိအဂီၢ်မ့ၢ်ကျဲဆူတၢ်မူအခါန့ၣ်လီၤ. အဝဲသ့ၣ်ထီဒါနၤ, လၢအတၢ်သးကိၤဒီးအခိၣ်ကိၤ အပူၤဂ့ၢ်လိာ်လၢကစူၢ်နၤအဂီၢ်န့ၣ်လီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 48:4

ယသ့ၣ်ညါတ့ၢ်လၢသုကမၤသုသးသုခိၣ်ကိၤကနံ ထဲသိးသိးဒီးထး, ဒီးတဆုးလီၤပိာ်လီၤဘၣ်အသး ဒ်တိၢ်ဘီအသိးဘၣ်န့ၣ်လီၤ.

လံာ်ယၡါယၤ 5:4

မ့ၢ်တၢ်လၢယဂ့ၤမၤဒီးယတမၤဘၣ်န့ၣ်အိၣ်တမံၤမံၤဧါ. မ့မ့ၢ်ဒ်န့ၣ်ဒီး, စပံးလီၢ်အံၤဟ့ၣ်ထီၣ်စပံးသၣ်လၢအဆံၣ်ဒီး တမ့ၢ်ဘၣ်စပံးသၣ်လၢအဂ့ၤဒ်ယမုၢ်လၢ်အသိးန့ၣ်, မ့ၢ်အဘၣ်မနုၤလဲၣ်.

လံာ်ယံးရမံယၤ 11:8

ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 16:12

ဘၣ်ဆၣ်ဒီးသုမၤတ့ၢ်တၢ်အၢဒိၣ်န့ၢ် ဒၣ်လဲာ်သုမိၢ်ပၢ်ဖံဖုလၢပျၢၤတဖၣ်န့ၣ်လီၤ. သုဝဲခဲလၢာ်သုခိၣ်ကိၤဒီးအၢ ဝဲသီဝဲဒီးသုတစူၢ်ဘၣ်ယၤဘၣ်.

လံာ်ယံးရမံယၤ 17:23

အဝဲသ့ၣ်အမိၢ်ပၢ်ဖံဖုလၢပျၢၤတဖၣ်တဒိကနၣ်ယၤမ့ၢ်ဂ့ၤ, တကနၣ်ဃုာ်ယၤမ့ၢ်ဂ့ၤန့ၣ်ဘၣ်. အခိၣ်တလိာ်အဝဲသ့ၣ် အခိၣ်ကိၤထီၣ်န့ၣ်လီၤ. အဝဲသ့ၣ်တအဲၣ်ဒိးစူၢ်ယၤမ့ၢ်ဂ့ၤ, မၤလိန့ၢ်တၢ်လၢယၤမ့ၢ်ဂ့ၤန့ၣ်ဘၣ်.

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 22:21

ယွၤကတိၤတၢ်ဒီးနၤဖဲနဘီၣ်ထီၣ်ညီထီၣ်အခါ, ဘၣ်ဆၣ်နတဒိကနၣ်ဘၣ်. တၢ်န့ၣ်မ့ၢ်တၢ်လၢနမၤတ့ၢ်အီၤလၢနသးသမူဒီကတီၢ်ညါလီၤ. နတစူၢ်ဘၣ်ယွၤနီတစုဘၣ်.

လံာ်ယံးရမံယၤ 25:3

လၢခံဆံသၢနံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ကီၢ်ယူဒၤ အစီၤပၤ, စီၤယိၤၡံယၤ ပၢတၢ်ပှဲၤထီၣ်တဆံသၢနံၣ်တနံၣ်ဒီး တုၤလီၤလၢ မုၢ်မဆါတနံၤအံၤန့ၣ်, ယွၤကတိၤတ့ၢ်တၢ်ဒီးယၤ, ဒီးတၢ်လၢအဝဲစံးဘၣ်တ့ၢ်ယၤန့ၣ်, ယတတဲဘၣ်သုဒီး ယတအိၣ်နီတစုဘၣ်. ဘၣ်ဆၣ်သုတပာ်သူၣ်ပာ်သးလၢ အဂ့ၢ်နီၤတစဲးဘၣ်.

လံာ်ယံးရမံယၤ 25:7

ဘၣ်ဆၣ်ဒီး, ယွၤအကစၢ်ဒၣ်ဝဲစံးဝဲလၢ, သုတအၢၣ်လီၤလၢ သုကဒိကနၣ်အီၤဘၣ်. အခိၣ်တလိာ်, သုမၤသးဒိၣ်ထီၣ်အီၤ ခီဖျိသုတၢ်ဂီၤတၢ်ဖီၣ်တဖၣ်ဒီး ဟဲစိာ်အဝဲအတၢ်စံၣ်ညီၣ်လၢ သုဖီခိၣ်ဒၣ်ဝဲန့ၣ်လီၤ.

လံာ်ယံးရမံယၤ 26:5

ဒီးခီဖျိသုတၢ်ဒိကနၣ် တၢ်ကတိၤတဖၣ်လၢ ယခ့ယပှၤဝံ တဖၣ်လၢ ယဆှၢလီၤတ့ၢ်ဆူ သုအိၣ်တထံၣ်ဃီ, စံးဝဲန့ၣ်လီၤ. သုတစူၢ်တၢ်လၢ အဝဲသ့ၣ်စံးတ့ၢ်ဝဲန့ၣ် နီတစုဘၣ်.

လံာ်ယံးရမံယၤ 29:19

တၢ်အံၤကမၤအသးဒီး အဝဲသ့ၣ်, မ့ၢ်လၢအဝဲသ့ၣ် တစူၢ်ဘၣ် တၢ်ကစီၣ်လၢ ယဆှၢန့ၢ် အဝဲသ့ၣ်တထံၣ်ဃီခီဖျိ ယခ့ယပှၤဝံတဖၣ် အဃိန့ၣ်လီၤ. အဝဲသ့ၣ်ဂ့ၢ်လိာ်တ့ၢ်ဝဲလၢ ကဒိကနၣ်အီၤန့ၣ်လီၤ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယံးရမံယၤ 34:14

နွံနံၣ်တဘျီ, နွံနံၣ်တဘျီန့ၣ်, အဝဲသ့ၣ်ကဘၣ်ပျၢ်ဖျဲး ပှၤဧ့ၤဘြံၤဖိ ကုၢ်တဂၤဂ့ၤတဂၤဂ့ၤလၢ အကဲတ့ၢ်အကုၢ်ဃုနံၣ် န့ၣ်လီၤ. ဘၣ်ဆၣ်ဒီး သုမိၢ်ပၢ်ဖံဖုလၢပျၢၤတဖၣ် တကနၣ်ဃုာ်ယၤဒီး ဒိကနၣ်တၢ်လၢ ယစံးဘၣ်တ့ၢ်အဝဲသ့ၣ်န့ၣ်ဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယံးရမံယၤ 6:17

အန့ၣ်ဒီး, ယွၤဃုထၢပာ်လီၤပှၤပၢၤတၢ်ဖိတဖၣ်လၢအဝဲသ့ၣ်အဖီခိၣ်, ဒ်သိးအဝဲသ့ၣ်ကကနၣ်တၢ်ဟ့ၣ်ပလီၢ်အကွဲၤကသီၣ်ထီၣ်အဂီၢ်လီၤ. ဘၣ်ဆၣ်အဝဲသ့ၣ်စံးဝဲ, “ပတကနၣ်ဘၣ်.”

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယံးရမံယၤ 9:13

ယွၤစံးဆၢတၢ်ဒီးစံးဝဲ, “တၢ်အံၤမၤတ့ၢ်အသးမ့ၢ်လၢယပှၤ ဂီၢ်မုၢ်ပာ်လီၤတဲာ်ကွံာ်တၢ်သိၣ်လိလၢယဟ့ၣ်တ့ၢ်အဝဲသ့ၣ်အဃိလီၤ. အဝဲသ့ၣ်တစူၢ်ယၤမ့ၢ်ဂ့ၤတမၤတ့ၢ်တၢ်လၢယစံးဘၣ်တဲဘၣ်အဝဲသ့ၣ် မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 12:3

ပှၤကညီလၢအသံသ့ဧၢ, ခဲကနံၣ်အံၤဘိၣ်ထီၣ်တၢ်ဘိၣ်တဘိၣ်ဒ်ပှၤဘၣ် ဃ့ၢ်ကွံာ်ဆူထံဂၤကီၢ်ဂၤကမၤဝဲအသိး, ဒီးတချုးတၢ်ခံးလီၤဒံးဘၣ်န့ၣ်, ဟးထီၣ်နဲတက့ၢ်. ပျဲပှၤကိးဂၤဒဲးထံၣ်ထွဲနတၢ်ဟးထီၣ်ဒီးလဲၤဆူတၢ်လီၢ်အဂၤ တတီၤန့ၣ်တက့ၢ်. ဘၣ်သ့ၣ်သ့ၣ်, ပှၤပူထီၣ်တၢ်တဖၣ်န့ၣ်ကပာ်သူၣ်ပာ်သးလၢနၤလီၤ.

လံာ်ယဃ့းစက့လး 20:30

ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢ, တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲတက့ၢ်. ဘၣ်မနုၤလၢသုဘၣ်မၤတၢ်ဒဲးဘးတမံၤဃီလၢသုပၢ်တဖၣ် မၤတ့ၢ်အီၤဒီးလူၤပိာ်ထွဲအဝဲသ့ၣ်အတၢ်ဂီၤတၢ်ဖီၣ်တဖၣ် အခံန့ၣ်လဲၣ်.

လံာ်ဒၤနံးယ့လး 9:6

ပတဒိကနၣ်တ့ၢ်ဘၣ်နခ့နပှၤဝံသ့ၣ်တဖၣ်လၢအကတိၤတ့ၢ်တၢ်လၢ နမံၤအပူၤဆူပစီၤပၤတဖၣ်, ပပှၤပၢတၢ်တဖၣ်, ပမိၢ်ပၢ်ဖံဖုလၢပျၢၤတဖၣ်ဒီး ပပှၤဒီကလုာ်ညါန့ၣ်ဘၣ်.

လံာ်ဟိၤၡ့ 11:7

အဝဲသ့ၣ်ဃၣ်ကပၤကွံာ်အသးသပှၢ်ပှၢ်လၢယအိၣ်လီၤ. အဝဲသ့ၣ်ကဟီၣ်တၢ်ယၢၤတၢ်လၢနီၣ်ယိးဘိလၢအအိၣ်လၢအလိၤအဃိ, ဘၣ်ဆၣ်ပှၤတစိာ်ထီၣ်ကွံာ်ဘၣ်တၢ်န့ၣ်လၢအဝဲသ့ၣ်အလိၤနီတဂၤဘၣ်.

လံာ်စကၤရယၤ 7:11

ဘၣ်ဆၣ်ယပှၤဂီၢ်မုၢ်ဂ့ၢ်လိာ်ဒိကနၣ်တၢ်အံၤလၢတၢ်ခိၣ်ကိၤအပူၤလီၤ. အဝဲသ့ၣ်ကးတံာ်အသးတဖၣ်,

လံာ်မၤလကံ 3:7

ဒ်သုမိၢ်ပၢ်ဖံဖုလၢပျၢၤလၢသုမဲာ်ညါသ့ၣ်တဖၣ်အသိး, သုဃၣ်ကွံာ်သုသးလၢယတၢ်သိၣ်တၢ်သီဒီးတတိၢ်န့ၢ်ဘၣ်အီၤဘၣ်. ဟဲက့ၤဆူယအိၣ်တက့ၢ်. ဒီးယကဟဲက့ၤဆူသုအိၣ်န့ၣ်လီၤ. ဘၣ်ဆၣ်သုသံကွၢ်, ‘ပကဟဲက့ၤကဒါက့ၤဒ်လဲၣ်.’

လံာ်မးသဲ 21:38

ဘၣ်ဆၣ်ဒီး, တုၤပှၤဒိးလဲစပံးလီၢ်တဖၣ်ထံၣ်အဖိခွါန့ၣ်, အဝဲသ့ၣ် စံးလိာ်အသး, ‘အအံၤမ့ၢ်စပံးလီၢ်အကစၢ်အဖိခွါလၢအကန့ၢ်သါတၢ် တဂၤလီၤ. ဟဲ, မ်ပကမၤသံကွံာ်အီၤ, ဒီးပကန့ၢ်ဘၣ်အတၢ်န့ၢ်သါလီၤ.’

လံာ်မးသဲ 23:32

မ့မ့ၢ်ဒ်န့ၣ်ဒီး, မၤဝံၤက့ၤတၢ်မၤလၢသုဖံသုဖုတဖၣ်စးထီၣ်မၤတ့ၢ်လံဝဲန့ၣ် တက့ၢ်.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်သိၣ်လီၤသီလီၤတၢ် 8:20

သုမ့ၢ်တစူၢ်ယွၤဘၣ်ဒီး, အန့ၣ်တစု, သုကဘၣ်တၢ်မၤဟးဂီၤကွံာ် သုဒ်သိးဒၣ်ပှၤကလုာ်တဖၣ်လၢအဝဲကမၤဟးဂီၤကွံာ်ဝဲ, ဖဲသုလဲၤ ဒုးတၢ်အခါန့ၣ်လီၤ.