လံာ်ယံးရမံယၤ 7:14 - Sgaw Karen Common Bible

¹⁴ လၢတၢ်န့ၣ်အဃိ, ဒ်တၢ်လၢယမၤဘၣ်တ့ၢ်ဝ့ၢ်ၡံလိၤအသိးန့ၣ်, ယကမၤစ့ၢ်ကီးယတၢ်လုၢ်ဟံၣ်ဒၣ်ယဲအံၤလၢသုပာ်သုတၢ်နာ်လၢ အပူၤန့ၣ်လီၤ. ဖဲတၢ်လီၢ်အဝဲအံၤ, လၢယဟ့ၣ်လီၤတ့ၢ်သုမိၢ်ပၢ် ဖံဖုလၢပျၢၤဒီးသုအပူၤန့ၣ်ယကမၤတၢ်တမံၤဃီလၢယမၤတ့ၢ်အီၤ ဖဲဝ့ၢ်ၡံလိၤန့ၣ်လီၤ.

လံာ်ယံးရမံယၤ 7:14 Iomraidhean Croise

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:21

ခဲကနံၣ်အံၤယွၤအတၢ်လုၢ်ဟံၣ်အံၤဘၣ်တၢ်ပာ်ကပီၤအီၤဒိၣ်မးဘၣ်ဆၣ်, အန့ၣ်တစု, ပှၤတဂၤလၢ်လၢ်လၢအလဲၤခီတြူာ်ဘၣ်အီၤန့ၣ်, ကကမၢကမၣ်ဒီးကသံကွၢ်ဝဲ, ဘၣ်မနုၤအဃိ ယွၤမၤထံကီၢ်အံၤဒီးယွၤအတၢ်လုၢ်ဟံၣ်အံၤဒ်န့ၣ်လဲၣ်.

စံးထီၣ်ပတြၢၤ 78:60

အဝဲလဲၤသဒၣ်ကွံာ် အတၢ်အိၣ်တၢ်ဆိးအလီၢ်လၢၡံလိၤ, ဒဲလၢအဝဲအိၣ်ဝဲလၢပှၤကညီအကျါန့ၣ်လီၤ.

လံာ်ယၡါယၤ 64:11

ဒီးပတၢ်လုၢ်ဟံၣ်, တၢ်အလီၢ်စီဆှံဒီးဃံဝဲလၤဝဲဖဲပမိၢ်ပၢ် ဖံဖုလၢပျၢၤတဖၣ်စံးထီၣ်ပတြၢၤတ့ၢ်နၤန့ၣ်, ဘၣ်တၢ်မၤဟးဂီၤကွံာ်အီၤလၢမ့ၣ်အူလံ. ကယဲၢ်တၢ်လီၢ်တဖၣ် လၢပအဲၣ်တ့ၢ်အီၤအိၣ်လၢတၢ်ဟးဂီၤအပူၤလံ.

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်ယံးရမံယၤ 23:39

ယကဟံးထီၣ်ကွံာ်အဝဲသ့ၣ်သပှၢ်ကတၢၢ်ဒီးကွံာ်ယံၤကွံာ်အဝဲသ့ၣ် ဒီးယၤ, အဝဲသ့ၣ်ဒီးဝ့ၢ်လၢယဟ့ၣ်လီၤတ့ၢ်အဝဲသ့ၣ် ဒီးအမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ယံးရမံယၤ 26:4

ယွၤမၢယစံးဘၣ် အပှၤဂီၢ်မုၢ်, “ယၤ, ယွၤအံၤ, စံးတ့ၢ်ဝဲလၢသုကဘၣ်စူၢ်ယၤခီဖျိသုတၢ်လူၤပိာ်ထွဲ တၢ်သိၣ်လိသီလိလၢယဟ့ၣ်လီၤတ့ၢ်သု,

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယံးရမံယၤ 7:12

လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်သးသယုၢ်တၢ် 2:7

ယွၤစူးကွံာ်ညိကွံာ်အတၢ်လုၢ်လီၢ်ဒီးကွံာ်တ့ၢ်ကွံာ်အတၢ်လုၢ် ဟံၣ်စီဆှံန့ၣ်လီၤ. ပျဲတ့ၢ်ဝဲဒုၣ်ဒါတဖၣ်လၢကဖှီယာ်ကွံာ်အတၢ်ဒူၣ်တဖၣ်လီၤ. အဝဲသ့ၣ်ကိးပသူထီၣ်တ့ၢ်ဝဲလၢတၢ်မၤနၢၤအပူၤဖဲတၢ်လီၢ်လၢ တဘျီပဘူၣ်ထီၣ်ဘါထီၣ်တ့ၢ်တၢ်အိၣ်ဒီးတၢ်သးခုန့ၣ်လီၤ.

လံာ်သးသယုၢ်တၢ် 4:1

ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.

လံာ်ယဃ့းစက့လး 23:31

နပိာ်တ့ၢ်နဒီပုၢ်ဝဲၢ်မုၣ်အခီၣ်လီၢ်တဖၣ်, ဒီးလၢတၢ်န့ၣ်အဃိ, ယကဟ့ၣ်လီၤနၤတၢ်စံၣ်ညီၣ်အလီခီတမံၤဃီလၢနကအီအီၤအဂီၢ်န့ၣ်လီၤ.”

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 28:52

အဝဲသ့ၣ်ကဟဲထီၣ်ဒုးဝ့ၢ်ကိးဖျၢၣ်ဒဲးလၢထံကီၢ်လၢယွၤ, သုကစၢ်ယွၤဟ့ၣ်လီၤသုအပူၤ, ဒီးတၢ်ဒူၣ်တဖၣ်လၢအထီ ဒီးအိၣ်ခၢၣ်သနၢၣ်လၢသုနာ်န့ၢ်အီၤန့ၣ်ကလီၤပှီၢ်ကွံာ်ဝဲလီၤ.