လံာ်ယံးရမံယၤ 7:13 - Sgaw Karen Common Bible

¹³ သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်ယံးရမံယၤ 7:13 Iomraidhean Croise

တၢ်ကတိၤဒိ. 1:24

ယကိးတ့ၢ်သုဒီးကွဲသုလၢသုကဟဲ, ဘၣ်ဆၣ်သုတဒိကနၣ်ဘၣ်. သုတကနၣ်ဃုာ်ယၤဘၣ်.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယံးရမံယၤ 11:7

ဖဲယဒုးဟးထီၣ်ကွံာ်အဝဲသ့ၣ်အမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤအခါန့ၣ်, ယဟ့ၣ်ပလီၢ်အဝဲသ့ၣ်လၢတၢ်သမှံၤသပှၢ်အပူၤလၢကစူၢ်ယၤအဂီၢ်, ဒီးတုၤလီၤလၢမုၢ်မဆါတနံၤအံၤဒၣ်လဲာ်န့ၣ် ယဟ့ၣ်ပလီၢ်ဒံးဒၣ်ပှၤဂီၢ်မုၢ်အဖၢမုၢ်န့ၣ်လီၤ.

လံာ်ယံးရမံယၤ 11:8

ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 13:10

ပှၤဂီၢ်မုၢ်လၢအအၢအသီတဖၣ်အံၤတစူၢ်ယၤဘၣ်. အဝဲသ့ၣ် အခိၣ်ကိၤဒီးအၢဝဲသီဝဲဒၣ်ဒ်အမၤညီနုၢ်ဝဲလၢညါအသိးဒီးဘူၣ်ထီၣ် ဘါထီၣ်ဒီးမၤကစၢ်အဂၤတဖၣ်အတၢ်လီၤ. လၢတၢ်န့ၣ်အဃိဒီး, အဝဲသ့ၣ်ကကဲထီၣ်ဒ်ဖျီၣ်ခံအဖုၣ်တဖၣ်အံၤလၢအတဂ့ၤလၢၤဘၣ် အသိးန့ၣ်လီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 25:3

လၢခံဆံသၢနံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ကီၢ်ယူဒၤ အစီၤပၤ, စီၤယိၤၡံယၤ ပၢတၢ်ပှဲၤထီၣ်တဆံသၢနံၣ်တနံၣ်ဒီး တုၤလီၤလၢ မုၢ်မဆါတနံၤအံၤန့ၣ်, ယွၤကတိၤတ့ၢ်တၢ်ဒီးယၤ, ဒီးတၢ်လၢအဝဲစံးဘၣ်တ့ၢ်ယၤန့ၣ်, ယတတဲဘၣ်သုဒီး ယတအိၣ်နီတစုဘၣ်. ဘၣ်ဆၣ်သုတပာ်သူၣ်ပာ်သးလၢ အဂ့ၢ်နီၤတစဲးဘၣ်.

လံာ်ယံးရမံယၤ 26:5

ဒီးခီဖျိသုတၢ်ဒိကနၣ် တၢ်ကတိၤတဖၣ်လၢ ယခ့ယပှၤဝံ တဖၣ်လၢ ယဆှၢလီၤတ့ၢ်ဆူ သုအိၣ်တထံၣ်ဃီ, စံးဝဲန့ၣ်လီၤ. သုတစူၢ်တၢ်လၢ အဝဲသ့ၣ်စံးတ့ၢ်ဝဲန့ၣ် နီတစုဘၣ်.

လံာ်ယံးရမံယၤ 29:19

တၢ်အံၤကမၤအသးဒီး အဝဲသ့ၣ်, မ့ၢ်လၢအဝဲသ့ၣ် တစူၢ်ဘၣ် တၢ်ကစီၣ်လၢ ယဆှၢန့ၢ် အဝဲသ့ၣ်တထံၣ်ဃီခီဖျိ ယခ့ယပှၤဝံတဖၣ် အဃိန့ၣ်လီၤ. အဝဲသ့ၣ်ဂ့ၢ်လိာ်တ့ၢ်ဝဲလၢ ကဒိကနၣ်အီၤန့ၣ်လီၤ.

လံာ်ယံးရမံယၤ 32:33

အဂ့ၢ်ဒ်အံၤ, အဝဲသ့ၣ်ဃၣ်ဒူချၢကွံာ် အသးလၢယၤ, ဒီးယသိၣ်လိ ဒံးအဝဲသ့ၣ်ဒၣ်လဲာ်န့ၣ်, အဝဲသ့ၣ်တဒိကနၣ်ဝဲဒီး တမၤလိတၢ်ဘၣ်.

လံာ်ယံးရမံယၤ 35:14

စီၤယိၤနဒာ်အစၢၤတဖၣ် စူၢ်တ့ၢ်အဝဲအတၢ်မၤလိာ် ဒ်သိးအသုတအီစပံးအထံတဂ့ၤဒီး တုၤလီၤလၢ မုၢ်တနံၤအံၤဒၣ်လဲာ်, အဝဲသ့ၣ်တအီဝဲနီတဂၤဘၣ်. ဘၣ်ဆၣ်ဒီး ယကတိၤဒံးတၢ်ဒီး သုဒီးသုတစူၢ် ဘၣ်ယကလုၢ်ဘၣ်.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်ယံးရမံယၤ 44:23

တၢ်တတၢးတနါလၢအလီၤဘၣ်သုခဲအံၤန့ၣ်, မ့ၢ်လၢသုလုၢ်ထီၣ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်ဒီး မၤတ့ၢ်တၢ်ဒဲးဘးထီဒါ ယွၤခီဖျိတၢ်တစူၢ်အတၢ်မၤလိာ်တဖၣ်အဃိန့ၣ်လီၤ.”

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ယံးရမံယၤ 5:21

သုဝဲပှၤဂီၢ်မုၢ်လၢအမၢးဒီးအသးတဆးတဖၣ်, ပှၤတဖၣ်လၢအအိၣ်ဒီးအမဲာ်ချံတဖၣ်ဘၣ်ဆၣ်ထံၣ်တၢ်တသ့ဘၣ်, ပှၤတဖၣ်လၢအအိၣ်ဒီးနၢ်တဖၣ်ဘၣ်ဆၣ်နၢ်ဟူတၢ်တသ့ဘၣ်သ့ၣ်ဧၢ, ပာ်သူၣ်ပာ်သးတက့ၢ်.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယံးရမံယၤ 7:25

စးထီၣ်မုၢ်တနံၤလၢသုမိၢ်ပၢ်ဖံဖုလၢပျၢၤတဖၣ်ဟးထီၣ်ကွံာ်လၢ အဲၤကူပတူးဒီးတုၤလီၤလၢမုၢ်မဆါတနံၤအံၤန့ၣ်, ယဆှၢလီၤ ယခ့ယပှၤ, ဝံတဖၣ်ထီဘိတထံၣ်ဃီဆူသုအိၣ်န့ၣ်လီၤ.

လံာ်ဟိၤၡ့ 11:2

ဘၣ်ဆၣ်ယကိးအီၤဒံးအါထီၣ်အဝဲဃၣ်ကပၤကွံာ်အသးလၢယၤဒံးဒိၣ် ထီၣ်လီၤ. ယပှၤဂီၢ်မုၢ်လုၢ်ထီၣ်တ့ၢ်တၢ်ဆူဘဧၤလး, အဝဲသ့ၣ်ဆိၣ်ကဲၤထီၣ်တ့ၢ်တၢ်နၢမူဆူတၢ်ဂီၤတၢ်ဖီၣ်တဖၣ်လီၤ.

လံာ်ဟိၤၡ့ 11:7

အဝဲသ့ၣ်ဃၣ်ကပၤကွံာ်အသးသပှၢ်ပှၢ်လၢယအိၣ်လီၤ. အဝဲသ့ၣ်ကဟီၣ်တၢ်ယၢၤတၢ်လၢနီၣ်ယိးဘိလၢအအိၣ်လၢအလိၤအဃိ, ဘၣ်ဆၣ်ပှၤတစိာ်ထီၣ်ကွံာ်ဘၣ်တၢ်န့ၣ်လၢအဝဲသ့ၣ်အလိၤနီတဂၤဘၣ်.

လံာ်ဟိၤၡ့ 9:17

ကစၢ်ယွၤလၢယမၤအတၢ်န့ၣ်ကစူးကွံာ်ညိကွံာ်အပှၤဂီၢ်မုၢ်, မ့ၢ်လၢအဝဲသ့ၣ်တဒိကနၣ်အီၤအဃိန့ၣ်လီၤ. အဝဲသ့ၣ်ကကဲထီၣ်ပှၤဟးဝ့ၤဝီၤတဖၣ်လၢပှၤကလုာ်တဖၣ်အကျါန့ၣ် လီၤ.

လံာ်စကၤရယၤ 7:13

မ့ၢ်လၢအဝဲသ့ၣ်တဒိကနၣ်တၢ်ဖဲယကတိၤတၢ်အခါဘၣ်အဃိ, ဖဲအဝဲသ့ၣ်ဘါထုကဖၣ်န့ၣ်, ယတစံးဆၢဘၣ်အဝဲသ့ၣ်အတၢ်ထု ကဖၣ်ဘၣ်.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.