လံာ်ယံးရမံယၤ 7:12 - Sgaw Karen Common Bible

¹² လဲၤဆူဝ့ၢ်ၡံလိၤ, တၢ်လီၢ်အဆိကတၢၢ်လၢယဃုထၢတ့ၢ်အီၤ လၢပှၤကဘူၣ်ထီၣ်ဘါထီၣ်ယၤအဂီၢ်, ဒီးကွၢ်တၢ်လၢယမၤဘၣ်တ့ၢ် အီၤ, လၢယပှၤဂီၢ်မုၢ်အံၣ်စရ့လးအတၢ်ဒဲးဘးတဖၣ်အဃိ န့ၣ်တက့ၢ်.

လံာ်ယံးရမံယၤ 7:12 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်ယံးရမံယၤ 26:6

သုမ့ၢ်တစူၢ်ဒံးဒၣ်တၢ်ဆူညါန့ၣ်, ယကမၤယွၤအတၢ်လုၢ်ဟံၣ် အံၤ ဒ်ယမၤတ့ၢ်ဝ့ၢ်ၡံလိၣ်အသိး, ဒီးပှၤကလုာ်လၢဟီၣ်ခိၣ်ချၢခဲလၢာ် ကသူဝ့ၢ်အံၤ အမံၤဒ်တၢ်ဆိၣ်အၢတမံၤအသိးန့ၣ်လီၤ.”

လံာ်ယံးရမံယၤ 7:14

လၢတၢ်န့ၣ်အဃိ, ဒ်တၢ်လၢယမၤဘၣ်တ့ၢ်ဝ့ၢ်ၡံလိၤအသိးန့ၣ်, ယကမၤစ့ၢ်ကီးယတၢ်လုၢ်ဟံၣ်ဒၣ်ယဲအံၤလၢသုပာ်သုတၢ်နာ်လၢ အပူၤန့ၣ်လီၤ. ဖဲတၢ်လီၢ်အဝဲအံၤ, လၢယဟ့ၣ်လီၤတ့ၢ်သုမိၢ်ပၢ် ဖံဖုလၢပျၢၤဒီးသုအပူၤန့ၣ်ယကမၤတၢ်တမံၤဃီလၢယမၤတ့ၢ်အီၤ ဖဲဝ့ၢ်ၡံလိၤန့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်စီၤယိၤၡူ 18:10

ဒီးစီၤယိၤၡူဖးတၢ်လၢအဝဲသ့ၣ်အဂီၢ်လၢယွၤအမဲာ်ညါဖဲ ဝ့ၢ်ၡံလိၤန့ၣ်လီၤ. ဒီးဖဲန့ၣ်န့ၣ်စီၤယိၤၡူနီၤဖးလီၤထံကီၢ်လၢပှၤအံၣ်စရ့လး ဖိအဂီၢ်ဒ်အတၢ်နီၤဖးအိၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 18:31

ဒီးစီၤမံၤကါအတၢ်ဂီၤစိးပျၤအသးအိၣ်ဝဲဖဲန့ၣ်ယံာ်ထဲသိးဒီးဒဲစီဆှံ အိၣ်ဖဲဝ့ၢ်ၡံလိၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:3

ကိးနံၣ်ဒဲးန့ၣ်စီၤအ့ကါနၤလဲၤလၢဝ့ၢ်ရၤမါဆူဝ့ၢ်ၡံလိၤ ဒ်သိးအကဘူၣ်တၢ်ဘါတၢ်ဒီးမၤဘူၣ်တၢ်လုၢ်တၢ်ပာ်တဖၣ်ဆူ ယွၤသ့တၢ်လၢာ်အအိၣ်န့ၣ်လီၤ. ဖဲန့ၣ်စီၤဧ့လံၤအဖိခွါစီၤဃၤဖနံၤဒီးစီၤဖံနဃၤခံဂၤ န့ၣ်မ့ၢ်ဝဲပှၤလုၢ်တၢ်အခိၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:22

အဝဲဒၣ်စံးဝဲ, “ကစၢ်ယွၤအလၤကပီၤပာ်တ့ၢ်ကွံာ်ကီၢ်အံၣ်စရ့လးလံ. အဂ့ၢ်ဒ်အံၤကစၢ်ယွၤအတၢ်အၢၣ်လီၤအီလီၤအတလါ စီဆှံဘၣ်တၢ်မၤန့ၢ်အီၤလံ.”