လံာ်ယံးရမံယၤ 7:11 - Sgaw Karen Common Bible

¹¹ မ့ၢ်သုဆိကမိၣ်လၢယတၢ်လုၢ်ဟံၣ်အံၤမ့ၢ်တၢ်အိၣ်ခူသူၣ်အလီၢ်လၢ တမျိၤတမျာ်တဖၣ်အဂီၢ်န့ၣ်ဧါ. ယထံၣ်တ့ၢ်တၢ်လၢသုမၤအီၤန့ၣ်လီၤ.

လံာ်ယံးရမံယၤ 7:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:33

ဒိကနၣ်လၢ်အတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်ဝဲဆိးဝဲအလီၢ်န့ၣ်ဒိကနၣ်လၢ်အီၤဒီးမၤတၢ် လၢအဝဲဃ့ဝဲလၢနကမၤန့ၢ်အီၤ, ဒ်သိးကယဲၢ်ပှၤဂီၢ်မုၢ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးကစူၢ်နၤ, ဒ်နပှၤဂီၢ်မုၢ်အံၣ်စရ့လးမၤဝဲအသိးန့ၣ်တက့ၢ်. အန့ၣ်ဒီးအဝဲသ့ၣ်ကသ့ၣ်ညါဝဲလၢယွၤအတၢ်လုၢ် ဟံၣ်လၢယဘှီထီၣ်အီၤအံၤ, မ့ၢ်တၢ်လီၢ်ဖဲနကဘၣ်တၢ်ဘူၣ်ထီၣ်ဘါထီၣ်နၤန့ၣ်လီၤ.

လံာ်ယၡါယၤ 1:12

မ့ၢ်မတၤမၢသုလၢသုကဘၣ်ဟဲစိာ်တၢ်သ့ၣ်တဖၣ် အံၤဖဲသုဟဲဘူၣ်ထီၣ်ဘါထီၣ်ယၤအကတီၢ်န့ၣ်လဲၣ်. မ့ၢ်မတၤမၢသုလၢသုကဝ့ၤဝီၤဟးထီၣ်ဟးလီၤတၢ်လၢ ယတၢ်လုၢ်ဟံၣ်ပူၤအံၤန့ၣ်လဲၣ်.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယဃ့းစက့လး 35:13

ယနၢ်ဟူဘၣ်သုတၢ်ကတိၤထီဒါယၤ” အရၢၢ်အစၢၢ်လၢတၢ်ပာ်ကဖၢလၢသးအပူၤန့ၣ်လီၤ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.

လံာ်မးသဲ 21:13

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံစံးဝဲလၢကစၢ်ယွၤစံးဝဲဒၣ်, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီး, သုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ်ခူ သူၣ်အလီၢ်တပူၤလီၤ” (ၡါ. ၅၆:၇; ယံး ၇:၁၁).

လံာ်မၢ်ကူး 11:17

အန့ၣ်ဝံၤအဝဲဒၣ်သိၣ်လီၤသီလီၤပှၤသ့ၣ်တဖၣ်ဒီးစံး, “တၢ်ကွဲးအသးစီဆှံပာ်ဖျါထီၣ်ကစၢ်ယွၤစံးဝဲ, ယတၢ်လုၢ်ဟံၣ်ကဘၣ်မ့ၢ်ပှၤကလုာ်ခဲလၢာ်အတၢ်ထုကဖၣ်အဟံၣ်လီၤ. ဘၣ်ဆၣ်ဒီးသုမၤကဲထီၣ်အီၤလၢတၢ်လီၢ်တပူၤလၢတမျိးတမျာ်တဖၣ်ကအိၣ် ခူသူၣ်အဂီၢ်လံ.”

လံာ်ယိၤဟၣ် 2:16

ဒီးအဝဲမၢဆူၣ်ပှၤလၢအဆါထိၣ်လွံၢ်တဖၣ်ဒီးစံးဝဲ, “စိာ်ထီၣ်ကွံာ်တၢ်တဖၣ်အံၤလၢတၢ်လီၢ်အံၤတက့ၢ်. တဘၣ်ဒုးကဲထီၣ်ယပၢ်အဟံၣ်လၢတၢ်ဆါတၢ်ပှ့ၤ အလီၢ်လၢၤတဂ့ၤ.”

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.