လံာ်ယံးရမံယၤ 7:10 - Sgaw Karen Common Bible

¹⁰ သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယံးရမံယၤ 7:10 Iomraidhean Croise

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်ဝဲလၢ, အဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်လၢအဝဲကဘၣ်တၢ်ဘူၣ်ထီၣ်ဘါထီၣ် အီၤလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:7

အဝဲပာ်လီၤတၢ်ဂီၤတၢ်ဖီၣ်တခါလၢယွၤအတၢ်လုၢ်ဟံၣ်အပူၤလီၤ. တၢ်လီၢ်န့ၣ်မ့ၢ်တၢ်လီၢ်ဖဲကစၢ်ယွၤစံးဘၣ်တ့ၢ်စီၤဒၤဝံးဒီးအဖိခွါ စီၤၡလိၤမိၤ, “လၢယွၤအတၢ်လုၢ်ဟံၣ်အပူၤ, ဖဲဝ့ၢ်ယရူၤၡလ့ၣ်အပူၤအံၤ, မ့ၢ်တၢ်လီၢ်တတီၤလၢယဃုထၢတ့ၢ်အီၤလၢကယဲၢ်အံၣ်စရ့လးတဆံခံ ဒူၣ်အလီၢ်ကဝီၤအကျါ, ဒ်တၢ်လီၢ်လၢတၢ်ကဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

လံာ်ယၡါယၤ 48:2

အန့ၣ်ဒၣ်လဲာ်, သုပာ်ကဖၢလၢလီၤသုသးလၢသုကစံး လၢသုမ့ၢ်ဝ့ၢ်စီဆှံအထံဖိကီၢ်ဖိတဖၣ် ဒီးလၢသုသန့ၤသုသးလၢ ကီၢ်အံၣ်စရ့လးအကစၢ်ယွၤလၢ အမံၤမ့ၢ်ဝဲသ့တၢ်လၢာ်အယွၤအဂီၢ်န့ၣ်လီၤ.

လံာ်ယံးရမံယၤ 32:34

အဝဲသ့ၣ် ပာ်ထီၣ်ဒၣ်လဲာ် အတၢ်ဂီၤတၢ်ဖီၣ် တဖၣ်လၢအလီၤသးဘၣ် အၢလၢယွၤအ တၢ်လုၢ်ဟံၣ်လၢ တၢ်သူၣ်ထီၣ်အီၤလၢ တၢ် ဘူၣ်ထီၣ်ဘါထီၣ်ယၤအဂီၢ်အပူၤ, ဒီးအဝဲသ့ၣ် မၤဘၣ်အၢကွံာ်အီၤန့ၣ်လီၤ.

လံာ်ယံးရမံယၤ 34:15

ပူၤကွံာ်စှၤနံၤစှၤသီအံၤန့ၣ်, သုပီၢ်ယၢ်လီၤက့ၤသုသးဒီး မၤတ့ၢ်တၢ်လၢအမၤမုာ်ယသးလီၤ. သုဝဲခဲလၢာ်သးလီၤပလိာ်လၢ သုကပျၢ်ဖျဲးသုကုၢ်ပှၤအံၣ်စရ့လးဖိ ကဒဲကဒဲဒီး သုမၤတၢ် အၢၣ်လီၤအီၤလီၤတမံၤလၢ ယမဲာ်ညါ, လၢယတၢ်လုၢ်ဟံၣ်လၢယဘၣ် တၢ်ဘူၣ်ထီၣ်ဘါထီၣ်ယၤအပူၤန့ၣ်လီၤ.

လံာ်ယံးရမံယၤ 44:9

မ့ၢ်သုသးပ့ၤနီၣ်ကွံာ် ကယဲၢ်တၢ်အၢတၢ်သီခဲလၢာ်လၢ အမၤတ့ၢ်အသးလၢကီၢ်ယူဒၤအဝ့ၢ်တဖၣ်အပူၤဒီၤ လၢဝ့ၢ်ယရူၤရှလ့ၣ်အကျဲမုၢ်ကျဲဘိတဖၣ်အပူၤ, လၢအဘၣ်တၢ်မၤတ့ၢ်အီၤလၢ သုမိၢ်ပၢ်ဖံဖုလၢပျၢၤတဖၣ်ဒီး လၢကီၢ်ယူဒၤအစီၤပၤတဖၣ်ဒီး အမါတဖၣ်, ဒီးလၢသုဝဲဒီး သုမါတဖၣ်န့ၣ်လံဧါ.

လံာ်ယံးရမံယၤ 7:11

မ့ၢ်သုဆိကမိၣ်လၢယတၢ်လုၢ်ဟံၣ်အံၤမ့ၢ်တၢ်အိၣ်ခူသူၣ်အလီၢ်လၢ တမျိၤတမျာ်တဖၣ်အဂီၢ်န့ၣ်ဧါ. ယထံၣ်တ့ၢ်တၢ်လၢသုမၤအီၤန့ၣ်လီၤ.

လံာ်ယံးရမံယၤ 7:14

လၢတၢ်န့ၣ်အဃိ, ဒ်တၢ်လၢယမၤဘၣ်တ့ၢ်ဝ့ၢ်ၡံလိၤအသိးန့ၣ်, ယကမၤစ့ၢ်ကီးယတၢ်လုၢ်ဟံၣ်ဒၣ်ယဲအံၤလၢသုပာ်သုတၢ်နာ်လၢ အပူၤန့ၣ်လီၤ. ဖဲတၢ်လီၢ်အဝဲအံၤ, လၢယဟ့ၣ်လီၤတ့ၢ်သုမိၢ်ပၢ် ဖံဖုလၢပျၢၤဒီးသုအပူၤန့ၣ်ယကမၤတၢ်တမံၤဃီလၢယမၤတ့ၢ်အီၤ ဖဲဝ့ၢ်ၡံလိၤန့ၣ်လီၤ.

လံာ်ယံးရမံယၤ 7:30

ကီၢ်ယူဒၤအပှၤဂီၢ်မုၢ်မၤတ့ၢ်တၢ်အၢတၢ်သီတမံၤလီၤ. အဝဲသ့ၣ်ပာ်ထီၣ်အတၢ်ဂီၤတၢ်ဖီၣ်တဖၣ်လၢယသးဟ့အီၤလၢယတၢ်လုၢ်ဟံၣ် အပူၤဒီးမၤဘၣ်အၢအီၤန့ၣ်လီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ယဃ့းစက့လး 23:29

ဒီးမ့ၢ်လၢအဝဲသ့ၣ်သးဟ့နၤအဃိ, ဒီးဘ့ၣ်ကွံာ်နကူနသိးဒီး ပာ်တ့ၢ်နၤအိၣ်ဘ့ၣ်ဆ့, အိၣ်ဖျါဒ်ပှၤဃဲသဲမုၣ်တဂၤအသိးန့ၣ်လီၤ. နတၢ်သးကတၢဒီးနတၢ်မၤပှၤဃဲသဲမုၣ်အတၢ်မၤ, ဒုးလီၤဘၣ်တၢ်အံၤလၢနလိၤန့ၣ်လီၤ.

လံာ်ယဃ့းစက့လး 23:37

အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါအတၢ်မၤဒီးတၢ်မၤသံလၢ အမ့ၢ်တၢ်မၤကမၣ်မုၣ်ကမၣ်ခွါဒီးတၢ်ဂီၤတၢ်ဖီၣ်တဖၣ်ဒီးတၢ်မၤ သံကွံာ်ဖိခွါတဖၣ်လၢအအိၣ်ဖျဲၣ်ထီၣ်န့ၢ်ယၤန့ၣ်လီၤ. အဝဲသ့ၣ်လုၢ်ထီၣ်ယဖိခွါတဖၣ်ဆူတၢ်ဂီၤတၢ်ဖီၣ်တဖၣ်အအိၣ်န့ၣ် လီၤ.

လံာ်ယဃ့းစက့လး 23:39

ဖဲမုၢ်တနံၤဃီလၢအဝဲသ့ၣ်မၤသံယဖိတဖၣ်ဒ်တၢ်လုၢ်တၢ်ပာ်တဖၣ် ဆူတၢ်ဂီၤတၢ်ဖီၣ်တဖၣ်အဂီၢ်အသိးန့ၣ်, အဝဲသ့ၣ်ဟဲဆူယတၢ်လုၢ်ဟံၣ်ဒီးမၤတရီတပါအတၢ်စီတၢ်ဆှံန့ၣ်လီၤ.

လံာ်ယဃ့းစက့လး 33:25

တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. သုအီၣ်တၢ်ညၣ်လၢတၢ်သွံၣ်အိၣ်ဒံးလၢအပူၤန့ၣ်လီၤ. သုဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. သုမၤသံတၢ်န့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သုတၢ်န့ၣ်လဲၣ်.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ယဃ့းစက့လး 5:11

လၢတၢ်န့ၣ်အဃိ, ဒ်ယမ့ၢ်ကစၢ်ယွၤလၢအမူဝဲအသိး, အအံၤမ့ၢ်ယွၤသ့တၢ်လၢာ်ကစၢ်အတၢ်ကတိၤန့ၣ်လီၤ. မ့ၢ်လၢသုမၤဘၣ်အၢတ့ၢ်ယတၢ်လုၢ်ဟံၣ်ဒီးတၢ်အၢတၢ်သီခဲလၢာ်တၢ် လီၤသးဘၣ်အၢတဖၣ်လၢသုမၤတ့ၢ်အီၤအဃိ, ယကဒီၣ်တဲာ်ကွံာ်သု တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်ဧၤမိၣ် 4:5

ဒီးလုၢ်ထီၣ်သုကိၣ်လၢတၢ်စံးဘျုးစံးဖှိၣ်အပူၤဆူကစၢ်ယွၤ, ဒီးကတိၤကဖၢလၢလီၤသုသးလၢသုတၢ်လုၢ်လီၤဆီတဖၣ်အဃိန့ၣ်တက့ၢ်. အအံၤမ့ၢ်တၢ်လၢသုအဲၣ်မၤအီၤန့ၣ်လီၤ.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.