လံာ်ယံးရမံယၤ 6:9 - Sgaw Karen Common Bible

⁹ ယွၤသ့တၢ်လၢာ်စံးဘၣ်ယၤ, “ကီၢ်အံၣ်စရ့လးကဘၣ်တၢ်ဘ့ၣ်ကွံာ် အီးကွံာ်အီၤစီဖ့ကလ့ၤဒ်စပံးလီၢ်တလီၢ်လၢစပံးသၣ်ကိးဖျၢၣ်ဒဲး ဘၣ်တၢ်ဒ့ကွံာ်ဒဲးကွံာ်အီၤအသိးန့ၣ်လီၤ. အဃိဒီး, ဖဲတၢ်ဆၢကတီၢ်အိၣ်ဒံးအဖၢမုၢ်ဒီး ဖဲနမၤသ့န့ၣ်နကဘၣ်မၤပူၤဖျဲးပှၤကိးဂၤဒဲးလီၤ.”

လံာ်ယံးရမံယၤ 6:9 Iomraidhean Croise

လံာ်ယံးရမံယၤ 11:23

ယပာ်လီၤတၢ်ဆၢကတီၢ်အကတီၢ်လၢယကဟဲစိာ်တၢ်တတၢးတနါ လၢဧၤနသိးအပှၤဂီၢ်မုၢ်အဖီခိၣ်, ဒီးဖဲတၢ်ဆၢကတီၢ်န့ၣ်ဟဲတုၤ ဝဲဒီး, အဝဲသ့ၣ်တအိၣ်လီၤတဲာ်နီတဂၤဘၣ်.”

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 49:9

ဖဲပှၤပိာ်ခွါတဖၣ် ဒဲးစပံးသၣ်တဖၣ်န့ၣ်, အဝဲသ့ၣ်ပာ်တီၢ်ဝဲစှၤဖျၢၣ်လၢ စပံးမုၢ်အလိၤ, ဒီးဖဲတမျိၤတမျာ်တဖၣ်ဟဲဝဲလၢ မနၤခီအဆၢကတီၢ်န့ၣ်, အဝဲသ့ၣ်ဟံးန့ၢ်ဝဲ ထဲဒၣ်တၢ်လၢ အသးလီၤဝဲန့ၣ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်လီၣ်ဖျါ 14:18

တုၤနုၤတစုကလူးအဂၤတဂၤ, လၢအဒိၣ်စိလၢမ့ၣ်အူအဖီခိၣ်ဟဲထီၣ်လၢတၢ်လုၢ်လီၢ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလၢအအိၣ်ဒီးထးဂဲာ် အကနၣ်အ့ၣ်တဂၤန့ၣ်, “သူနထးဂဲာ်ဒီးကူးကွံာ်စပံးသၣ်လၢဟီၣ်ခိၣ်အစပံးလီၢ် တဖၣ်န့ၣ်တက့ၢ်. အဂ့ၢ်ဒ်အံၤ, စပံးသၣ်တဖၣ်မံလံဝဲလံ.”