လံာ်ယံးရမံယၤ 6:7 - Sgaw Karen Common Bible

⁷ ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်ယံးရမံယၤ 6:7 Iomraidhean Croise

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

လံာ်ယၡါယၤ 1:6

စးထီၣ်လၢခိၣ်ဒီးတုၤလၢခီၣ်န့ၣ်, လၢသုနီၢ်ခိအဖီခိၣ်တၢ်အ မုာ်အဂ့ၤတအိၣ်နီတတီၤလၢၤဘၣ်. သုဘၣ်တၢ်ကးဘၢသုဒီး တၢ်ဘၣ်တီၢ်အလီၢ်, တၢ်ပူၤလီၢ်ပူၤကျဲ, ဒီးတၢ်ဘၣ်ဒိဘၣ်ထံးသ့ၣ်မုၢ်သ့ၣ် ဖးတဖၣ်လီၤ. သုပူၤလီၢ်ပူၤကျဲတဖၣ်တဘၣ်တၢ်မၤကဆှဲ ကဆှီအီၤဒီးဘိၣ်ဘံၣ်ဘၢအီၤဘၣ်. တဘၣ်တၢ်ဖူ အီၤလၢကသံၣ်ဖူစ့ၢ်ကီးဘၣ်.

လံာ်ယၡါယၤ 57:20

မ့မ့ၢ်ပှၤအၢပှၤသီတဖၣ်လီၤဂာ်ဒ်ပီၣ်လဲၣ်လၢတအိၣ်ဂၢၢ်ဘၣ်, လၢအလပီတဖၣ်တဆိကတီၢ်စံၣ်ပီပုနီတဘျီအသိး, ဟဲစိာ်ဃုာ်ဒီးတၢ်ဘၣ်အၢဘၣ်သီဒီးတၢ်အ့ၣ်တၢ်ဆံၣ်တဖၣ်န့ၣ်လီၤ.

လံာ်ယၡါယၤ 59:6

ဘၣ်ဆၣ်ဒီးသုတၢ်ကူၣ်အၢကူၣ်သီတဖၣ်န့ၣ်, တမၤဂ့ၤသုနီတမံၤ ဘၣ်. အဝဲသ့ၣ်န့ၣ်အသူတဂိာ်ဘၣ်, ဒ်သိးဒၣ်တၢ်ကူတၢ်ကၤလၢအဘၣ်တၢ်ထါအီၤဒီးကပီၤလုၤတဖၣ်န့ၣ်လီၤ.

လံာ်ယံးရမံယၤ 20:8

ဖဲယကတိၤတၢ်တဘျီဂ့ၤတဘျီဂ့ၤန့ၣ်, ယဘၣ်ကိးထီၣ်ဒီးကိးသတြီထီၣ်, “တၢ်မၤဆူၣ်မၤစိးဒီးတၢ်မၤလီၤပှီၢ်ဟးဂီၤ” န့ၣ်လီၤ. ယွၤဧၢ, ယဘၣ်တၢ်ကတိၤဒုၣ်ဒွဲၣ်စံးအၢယၤဒီး တၢ်တပာ်ကဲဘၣ်ယၤထီဘိတထံၣ်ဃီ မ့ၢ်လၢယစံးကတိၤနတၢ်ကစီၣ်အဃိန့ၣ်လီၤ.

လံာ်ယံးရမံယၤ 30:12

ယွၤစံးဘၣ် အပှၤဂီၢ်မုၢ်, “သုပူၤလီၢ်ပူၤကျဲတဖၣ် တၢ်မၤဘျါအီၤတန့ၢ်ဘၣ်, သုတၢ်ဘၣ်ဒိဘၣ်ထံးတဖၣ် တၢ်မၤဘျါအီၤတသ့ဘၣ်.

လံာ်ယံးရမံယၤ 30:13

ပှၤကကွၢ်သုတအိၣ်နီတဂၤဘၣ်, ကသံၣ်ဖီၣ်တအိၣ်လၢ သုပူၤလီၢ်တဖၣ် အဂီၢ်ဘၣ်, သုကဘျါက့ၤအဂီၢ်တၢ်မုၢ်လၢ်တအိၣ်ဘၣ်.

လံာ်ယံးရမံယၤ 30:15

ကဒူးကဒ့ၣ်လၢၤလၢ သုတၢ်ဘၣ်ဒိဘၣ်ထံးတဖၣ်အဃိန့ၣ် တဂ့ၤ, တၢ်မၤဘျါက့ၤသုတအိၣ်နီတမံၤဘၣ်. ယစံၣ်ညီၣ်သုဒ်သိးအံၤ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 32:31

ဝ့ၢ်အံၤ အပှၤဂီၢ်မုၢ် မၤသးဒိၣ်ဒီး မၤသးကဲၤထီၣ်ယၤစးထီၣ် မုၢ်တနံၤလၢ ဝ့ၢ်အံၤဘၣ်တၢ်သူၣ်ထီၣ်ဘှီထီၣ်အီၤန့ၣ်လီၤ. ယပာ်လီၤတ့ၢ်ယသးလၢ ယကမၤဟးဂီၤကွံာ်အီၤ,

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်ယဃ့းစက့လး 21:29

တၢ်ထံၣ်လၢညါတဖၣ်လၢသုထံၣ်ဘၣ်န့ၣ်မ့ၢ်တၢ်ကဘျံး ကဘျၣ်ဒီးတၢ်ကတိၤဆိပာ်စၢၤတဖၣ်လၢသုမၤအီၤန့ၣ်မ့ၢ်တၢ်လီ တၢ်ဝ့ၤတဖၣ်လီၤ. သုမ့ၢ်ပှၤတတီတလိၤဒီးပှၤအၢပှၤသီ, ဒီးသုမုၢ်နံၤမုၢ်သီန့ၣ်ဟဲဝဲ, မုၢ်တနံၤလၢသုတၢ်စံၣ်ညီၣ်လၢခံ ကတၢၢ်အဂီၢ်န့ၣ်လီၤ. နးတဘ့ၣ်ကလီၤလၢသုကိာ်တဖၣ်အလိၤန့ၣ်လီၤ.

လံာ်ယဃ့းစက့လး 24:7

တၢ်မၤသံအိၣ်ဝဲလၢဝ့ၢ်ပူၤ, ဘၣ်ဆၣ်တၢ်သွံၣ်တလီၤဂၢ်ဘၣ်လၢဟီၣ် ခိၣ်လိၤ, တၢ်လီၢ်ဖဲဖၣ်ကမူၣ်မၤဘၢအီၤသ့ဝဲန့ၣ်ဘၣ်. တၢ်သွံၣ်န့ၣ်လီၤဂၢ်လၢလၢၢ်လ့ၤကဒိတဖျၢၣ်အလိၤန့ၣ်လီၤ.

လံာ်ယဃ့းစက့လး 45:9

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “သုဝဲကီၢ်အံၣ်စရ့လးအပှၤပၢတၢ်သ့ၣ်ဧၢ, သုမၤတ့ၢ်တၢ်ဒဲးဘး ယံာ်တ့ၢ်မးလံ. ဆိကတီၢ်သုတၢ်မၤဆူၣ်မၤစိးဒီး တၢ်မၤနးမၤဖှီၣ်န့ၣ်တက့ၢ်. မၤတၢ်လၢအဘၣ်ဒီးအမ့ၢ်အ တီန့ၣ်တက့ၢ်. သုတဘၣ်နီၣ်ဟးထီၣ်ကွံာ်လၢၤယပှၤဂီၢ်မုၢ် လၢအကီၢ်ပူၤနီတဘျီဘၣ်. ယၤ, ယွၤပၢဘၣ်တၢ်ခဲလၢာ် ကစၢ်တဲဘၣ်သုတၢ်အံၤန့ၣ်လီၤ.

လံာ်ယဃ့းစက့လး 7:11

တၢ်မၤဆူၣ်မၤစိးဒုးဒိၣ်ထီၣ်အါထီၣ်တၢ်အၢတၢ်သီန့ၣ်လီၤ. အဝဲသ့ၣ်အတၢ်ထူးတၢ်တီၤ, အတၢ်ဃံဒိၣ်လၤဒိၣ်, အတၢ်လၤကပီၤလၢအမ့ၢ်အဝဲသ့ၣ်အတၢ်တဖၣ်န့ၣ်, တအိၣ်လီၤတဲာ်နီတမံၤလၢၤဘၣ်.

လံာ်ယဃ့းစက့လး 7:23

တၢ်ကိးမံၤဒဲးန့ၣ်အိၣ်လၢတၢ်မရံၢ်ဘံဘူအပူၤန့ၣ်လီၤ. ထံဧိၤကီၢ်ဧိၤန့ၣ်ပှဲၤဒီးတၢ်မၤသံမၤဝီတဖၣ်ဒီးဝ့ၢ်တဖၣ် န့ၣ်ပှဲၤဒီးတၢ်မၤဆူၣ်မၤစိးန့ၣ်လီၤ.

လံာ်စဖါနယၤ 3:1

ဝ့ၢ်ယရူၤၡလ့ၣ်လၢအတတီတတြၢ်, ပူထီၣ်လီထီၣ်ဒီးမၤနးမၤဖှီၣ်အပှၤဂီၢ်မုၢ်ဒၣ်ဝဲန့ၣ်ဘၣ်တၢ် စံၣ်ညီၣ်ဃါမနၤလီၤ.