လံာ်ယံးရမံယၤ 6:6 - Sgaw Karen Common Bible

⁶ ယွၤသ့တၢ်လၢာ်ဟ့ၣ်လီၤတ့ၢ်အကလုၢ်လၢစီၤပၤတဖၣ်အံၤကကူာ် လီၤသ့ၣ်တဖၣ်ဒီးမၤထီၣ်စိဟီၣ်ခိၣ်တဖၣ်လၢတၢ်ဝီၤတရံးဒုး ဝ့ၢ်ယရူၤရှလ့ၣ်အဂီၢ်န့ၣ်လီၤ. အဝဲစံးတ့ၢ်ဝဲ, “ယကစံၣ်ညီၣ်ဝ့ၢ်အံၤ မ့ၢ်လၢဝ့ၢ်အံၤပှဲၤဝဲဒီးတၢ်မၤအၢမၤနးအဃိလီၤ.

လံာ်ယံးရမံယၤ 6:6 Iomraidhean Croise

လံာ်ယၡါယၤ 37:33

အအံၤမ့ၢ်တၢ်လၢယွၤစံးတ့ၢ်ဝဲဘၣ်ဃးဒီးပှၤအၤၡူၢ်ဖိအစီၤပၤ ဖးဒိၣ်န့ၣ်လီၤ. အဝဲတဟဲနုာ်ဘၣ်ဆူဝ့ၢ်အံၤအပူၤမ့ၢ်ဂ့ၤ, တခးထီဒါဘၣ်ပျၢ်နီတဘ့ၣ်မ့ၢ်ဂ့ၤဘၣ်. သုးဖိလၢအအိၣ်ဒီးကတီၤတဖၣ်တဟဲဘူးဘၣ်ဒီးဝ့ၢ်အံၤနီတဂၤ ဘၣ်. ဒီးတၢ်ဒုးတၢ်ယၤအဟီၣ်ခိၣ်ထီၣ်ထီတဖၣ်တဘၣ်တၢ်မၤထီၣ်ဝး တရံးအီၤနီတခါဘၣ်.

လံာ်ယံးရမံယၤ 20:8

ဖဲယကတိၤတၢ်တဘျီဂ့ၤတဘျီဂ့ၤန့ၣ်, ယဘၣ်ကိးထီၣ်ဒီးကိးသတြီထီၣ်, “တၢ်မၤဆူၣ်မၤစိးဒီးတၢ်မၤလီၤပှီၢ်ဟးဂီၤ” န့ၣ်လီၤ. ယွၤဧၢ, ယဘၣ်တၢ်ကတိၤဒုၣ်ဒွဲၣ်စံးအၢယၤဒီး တၢ်တပာ်ကဲဘၣ်ယၤထီဘိတထံၣ်ဃီ မ့ၢ်လၢယစံးကတိၤနတၢ်ကစီၣ်အဃိန့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 32:31

ဝ့ၢ်အံၤ အပှၤဂီၢ်မုၢ် မၤသးဒိၣ်ဒီး မၤသးကဲၤထီၣ်ယၤစးထီၣ် မုၢ်တနံၤလၢ ဝ့ၢ်အံၤဘၣ်တၢ်သူၣ်ထီၣ်ဘှီထီၣ်အီၤန့ၣ်လီၤ. ယပာ်လီၤတ့ၢ်ယသးလၢ ယကမၤဟးဂီၤကွံာ်အီၤ,

လံာ်ယံးရမံယၤ 33:4

ယၤ, ယွၤ, အံၣ်စရ့လးအကစၢ်ယွၤစံး, လၢဝ့ၢ်ယရူၤၡလ့ၣ် အဟံၣ်တဖၣ်ဒီး ကီၢ်ယူဒၤအစီၤပၤအနူၢ်အစီၤကဘၣ်တၢ်ရူၢ် လီၤကွံာ်အီၤခီဖျိတၢ်ကဝီၤဃာ်ဒီး တၢ်ဟဲထီၣ်ဒုးအီၤအဃိန့ၣ်လီၤ.

လံာ်ယံးရမံယၤ 39:1

လၢစီၤစံးဒကံယၤ ကဲစီၤပၤလၢ ကီၢ်ယူဒၤပှဲၤထီၣ် ခွံနံၣ်တနံၣ်, လါဆံဆဲၣ်လါတလါအပူၤန့ၣ်, ကီၢ်ဘၤဘူၤလိၣ်အစီၤပၤ နဘူၤကးန့ စၢ်ဟဲဝဲဒီၤ အသုးမုၢ်ဒီ ဖုညါဒီး ဒုးဝ့ၢ်ယရူၤရှလ့ၣ်န့ၣ်လီၤ.

လံာ်ယံးရမံယၤ 5:29

ဘၣ်ဆၣ်ဒီး, ယၤယွၤအံၤယကစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိလီၤ. ယကဟ့ၣ်ကၣ်တၢ်လၢပှၤတကလုာ်အံၤ အဖီခိၣ်လီၤ.

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ယဃ့းစက့လး 4:2

ဝံၤဒီး, လၢတၢ်ဒုးနဲၣ်တၢ်ကဝီၤဃာ်တၢ်အဂီၢ်န့ၣ်, ခူၣ်လီၤတၢ်ကျိၤတဖၣ်, ပူၣ်ထီထီၣ်ဟီၣ်ခိၣ်တဖၣ်, သူၣ်ဒဲတဖၣ်, ဒီးပာ်လီၤစုကဝဲၤလၢအဆဲးတိၢ်လီၤပှီၢ်တၢ်တဖၣ် ဝးတရံးအီၤတက့ၢ်.

လံာ်ယဃ့းစက့လး 5:5

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, ကွၢ်ဃီၤတၢ်ဆူဝ့ၢ်ယရူၤရှလ့ၣ်တက့ၢ်. ယပာ်အီၤလၢဟီၣ်ခိၣ်ဒီဘ့ၣ်အသးကံၢ်ပူၤ, အိၣ်ဒီးထံကီၢ်အဂၤတဖၣ်ဝးတရံးအီၤန့ၣ်လီၤ.

လံာ်ဒၤနံးယ့လး 11:15

မၤသးဒ်န့ၣ်ဒီးကီၢ်စူၤရံအစီၤပၤကမၤထီၣ်ထီဟီၣ်ခိၣ်လၢတိာ်ခၢၣ် သနၢၣ်အဝ့ၢ်တဖျၢၣ်အခိၣ်ဒူအဃၢၤဒီးမၤန့ၢ်မၤနၢၤအီၤလီၤ. ကီၢ်အဲၤကူပတူးအသုးဖိတဖၣ်အဂံၢ်အဘါကလီၤစၢ်လၢကဒုး တၢ်ဆူညါအဂီၢ်ဒီးပှၤအဆူၣ်ကတၢၢ်လၢအကျါဒၣ်လဲာ်အဂံၢ် အဘါတအိၣ်လၢၤလၢလၢလီၣ်လီၣ်ဘၣ်န့ၣ်လီၤ.

လံာ်စဖါနယၤ 3:1

ဝ့ၢ်ယရူၤၡလ့ၣ်လၢအတတီတတြၢ်, ပူထီၣ်လီထီၣ်ဒီးမၤနးမၤဖှီၣ်အပှၤဂီၢ်မုၢ်ဒၣ်ဝဲန့ၣ်ဘၣ်တၢ် စံၣ်ညီၣ်ဃါမနၤလီၤ.

လံာ်လူၤကၣ် 19:43

မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.