လံာ်ယံးရမံယၤ 6:30 - Sgaw Karen Common Bible

³⁰ အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်ယံးရမံယၤ 6:30 Iomraidhean Croise

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

စံးထီၣ်ပတြၢၤ 119:119

ကယဲၢ်ပှၤတတီတလိၤခဲလၢာ်လၢဟီၣ်ခိၣ်ချၢန့ၣ်, နတ့ၢ်လီၤကွံာ်အီၤဒ်တၢ်ကမှံၤကမှီာ် အသိးန့ၣ်လီၤ. မၤသးဒ်န့ၣ်ဒီး ယအဲၣ်နတၢ်အုၣ်နသးတဖၣ်န့ၣ်လီၤ.

စံးထီၣ်ပတြၢၤ 53:5

ဘၣ်ဆၣ်အဝဲသ့ၣ်အိၣ်လၢတၢ်ပျံၤဖးဒိၣ် လၢအတမၤအသးဒ်အံၤနီတဘျီဘၣ်အပူၤန့ၣ်လီၤ. အဂ့ၢ်ဒ်အံၤ, ကစၢ်ယွၤကမၤလီၤပြံလီၤပြါ အပှၤဂီၢ်မုၢ်အဒုၣ်အဒါတဖၣ်အဃံအကွဲလီၤ. အဝဲသ့ၣ်တဖၣ်ကဘၣ်တၢ်မၤမဲာ်ဆှးအီၤအဂ့ၢ်မ့ၢ်လၢ ကစၢ်ယွၤညိကွံာ်တ့ၢ်လံအဝဲသ့ၣ်အဃိန့ၣ်လီၤ.

တၢ်ကတိၤဒိ. 25:4

ဟံးထီၣ်ကွံာ်တၢ်တကဆှီတဖၣ်လၢစ့အပူၤတက့ၢ်. ဒီးပှၤပိာ်စ့ဒုးကဲထီၣ်အီၤလၢတၢ်အဃံအလၤတမံၤသ့ဝဲလီၤ.

လံာ်ယၡါယၤ 1:22

ယရူၤၡလ့ၣ်ဧၢ, တဘျီန့ၣ်နလီၤဂာ်ဒ်စ့အသိး, ဘၣ်ဆၣ်အခဲအံၤနလုၢ်နပှ့ၤတအိၣ်ဘၣ်. တဘျီန့ၣ်နလီၤဂာ်ဒီးစပံး ထံလၢအဂ့ၤ, ဘၣ်ဆၣ်အခဲအံၤနမ့ၢ်ဒၣ်ထဲထံလီၤ.

လံာ်ယၡါယၤ 1:25

ယကမၤတၢ်ထီဒါသုလီၤ. ယကမၤကဆှီသုဒ်တိၢ်ဧိၤထးဧိၤဘၣ်တၢ်မၤဆှံထီၣ်အီၤအသိး ဒီးသုးကွံာ်ကယဲၢ်သုတၢ်တကဆှီခဲလၢာ်န့ၣ်လီၤ.

လံာ်ယံးရမံယၤ 14:19

ယွၤဧၢ, မ့ၢ်နညိကွံာ်ကီၢ်ယူဒၤလၢာ်လၢာ်ဆ့ဆ့လံဧါ. မ့ၢ်နသးဟ့ဝ့ၢ်စံယိၣ်အပှၤဂီၢ်မုၢ်လံဧါ. ဘၣ်မနုၤအဃိနမၤဘၣ်ဒိဘၣ်ထံးပှၤအၢအၢသီသီ တုၤဒၣ်လဲာ် တၢ်မၤဘျါက့ၤပှၤတသ့န့ၣ်လဲၣ်. ပကွၢ်လၢ်တၢ်ဃူတၢ်ဖိး, ဘၣ်ဆၣ်တၢ်အဂ့ၤတမၤအသးနီတမံၤဘၣ်. ပမုၢ်လၢ်တၢ်မၤဘျါက့ၤ, ဘၣ်ဆၣ်တၢ်မၤပျံၤမၤဖုးဟဲလၢအလီၢ်န့ၣ်လီၤ.

လံာ်ယံးရမံယၤ 23:33

ယွၤစံးဘၣ်ယၤ, “စီၤယံးရမံယၤဧၢ, ဖဲယပှၤဂီၢ်မုၢ်အကျါတဂၤမ့ၢ်ဂ့ၤ, ဝံတဂၤမ့ၢ်ဂ့ၤ, ပှၤလုၢ်တၢ်အခိၣ်တဂၤမ့ၢ်ဂ့ၤမ့ၢ်သံကွၢ်နၤ, ‘ယွၤအတၢ်ဝံတၢ်ယိးမ့ၢ်မနုၤလဲၣ်’ န့ၣ်, နဘၣ်တဲဘၣ်အီၤ, ‘နမ့ၢ်တၢ်ဝံတၢ်ယိးလၢယွၤ အဂီၢ်ဒီးအဝဲဒၣ်ကမၤဟးဂီၤကွံာ်နၤ’ န့ၣ်လီၤ.

လံာ်ယံးရမံယၤ 7:1

ယွၤဆှၢတ့ၢ်ယၤဆူယွၤအတၢ်လုၢ်ဟံၣ်အတြဲၤဖဲကီၢ်ယူဒၤ အပှၤဂီၢ်မုၢ်လဲၤနုာ်တ့ၢ်ဝဲလၢကဘူၣ်တၢ်ဘါတၢ်အဂီၢ်န့ၣ်လီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်သးသယုၢ်တၢ် 5:22

မ့တမ့ၢ်ဒီးမ့ၢ်နပာ်ကွံာ်ပှၤလီၤစိၤလီၤထီလံဧါ. နတၢ်သးဒိၣ်အဆၢအဖီတအိၣ်ဘၣ်ဧါ.

လံာ်ဟိၤၡ့ 9:17

ကစၢ်ယွၤလၢယမၤအတၢ်န့ၣ်ကစူးကွံာ်ညိကွံာ်အပှၤဂီၢ်မုၢ်, မ့ၢ်လၢအဝဲသ့ၣ်တဒိကနၣ်အီၤအဃိန့ၣ်လီၤ. အဝဲသ့ၣ်ကကဲထီၣ်ပှၤဟးဝ့ၤဝီၤတဖၣ်လၢပှၤကလုာ်တဖၣ်အကျါန့ၣ် လီၤ.

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.

လံာ်မးသဲ 5:13

သုဝဲသ့ၣ်အံၤ သုမ့ၢ်ဒ်အံသၣ်အသိးလၢပှၤဟီၣ်ခိၣ်ဖိခဲလၢာ်အဂီၢ်လီၤ. ဘၣ်ဆၣ်ဒီး အံသၣ်မ့ၢ်တဟီလၢၤဘၣ်ဒီးတၢ်မၤဟီထီၣ်က့ၤအီၤတသ့ဘၣ်. အဘျုးတအိၣ်လၢၤဘၣ်ဒီးဂ့ၤဒၣ်ထဲလၢကဘၣ်တၢ်စူးကွံာ် အီၤလၢကျဲခိၣ်ကျဲလိၤဒီးဘၣ်တၢ်ယီၢ်အီၤခါအီၤအဂီၢ်လီၤ.

ရိမ့ၤ 11:1

မ့မ့ၢ်ဒ်န့ၣ်ဒီး, ယစံး, မ့ၢ်ကစၢ်ယွၤညိကွံာ်လံအပှၤကလုာ်ဒၣ်ဝဲ န့ၣ်ဧါ. တညိကွံာ်လ့ၤတက့ၤဘၣ်. ယကစၢ်ဒၣ်ယဲယမ့ၢ်ပှၤအံၣ်စရ့လးဖိတဂၤလၢအဟဲလီၤစၢၤလီၤ သွဲၣ်လၢစီၤအၤဘြၤဟၣ်လၢအဘၣ်ဃးဒီးစီၤဘံၣ်ယၤမံၣ်အဒူၣ် န့ၣ်လီၤ.