လံာ်ယံးရမံယၤ 6:25 - Sgaw Karen Common Bible

²⁵ ပလဲၤဆူခိခိၣ်တကပၤမ့ၢ်ဂ့ၤ, လဲၤတၢ်လၢကျဲမုၢ်တဖၣ်အလိၤမ့ၢ် ဂ့ၤတဘူၣ်ဘၣ်. အဂ့ၢ်ဒ်အံၤပဒုၣ်ပဒါတဖၣ်အိၣ် ဒီးအစုကဝဲၤကတဲာ်ကတီၤအသး, ဒီးတၢ်မၤပျံၤမၤဖုးအိၣ်ဝးဝး ပဃၢၤအဃိန့ၣ်လီၤ.”

လံာ်ယံးရမံယၤ 6:25 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:5

လၢမုၢ်နံၤတဖၣ်အပူၤန့ၣ်, ပှၤဟဲနုာ်ဟးထီၣ်လၢတၢ်ဘံၣ်တၢ်ဘၢ အပူၤသ့, တအိၣ်ဘၣ်နီတဂၤဘၣ်. အဂ့ၢ်ဒ်အံၤ, တၢ်မၤကိၢ်မၤဂီၤဒီးတၢ်တဘၣ်လိာ်ဘၣ်စးအိၣ်ဝဲဒၣ် လၢထံကီၢ်ကိးဘ့ၣ်ဒဲးအပူၤအဃိန့ၣ်လီၤ.

လံာ်စီၤယိၤဘး 18:11

တၢ်မၤပျံၤမၤဖုးတဖၣ်န့ၣ်အိၣ်ခိးဝးတရံးအီၤဒီးပိာ်ထွဲအခီၣ်ခါ ကိးခါဒဲးန့ၣ်လီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

လံာ်ယၡါယၤ 1:20

ဘၣ်ဆၣ်သုမ့ၢ်ခီၣ်ဆၢယၤဒီး, သုကဘၣ်တၢ်စံၣ်ညီၣ်ဃါမနၤ ဆူတၢ်သံလီၤ. ယၤ, ယွၤန့ၣ်, ကတိၤလံတၢ်လံ.”

လံာ်ယံးရမံယၤ 14:18

ဖဲယလဲၤဟးထီၣ်လၢစံာ်ပျီတဖၣ်အပူၤဒီး, ယထံၣ်ဘၣ်ပှၤလၢအသံလၢတၢ်ဒုး တၢ်ယၤအပူၤတဖၣ်အစိၣ်န့ၣ်လီၤ. ဖဲယလဲၤနုာ်ဆူဝ့ၢ်တဖၣ်အပူၤဒီး, ယထံၣ်ဘၣ်ပှၤဂီၢ်မုၢ်သၣ်ဝံၤလီၤဒိဘူးလၢ အကသံန့ၣ်လီၤ. အဂ့ၢ်ဒ်အံၤ, ဝံတဖၣ်ဒီးပှၤလုၢ်တၢ်အခိၣ်တဖၣ် မၤဒံးဒၣ်အဝဲသ့ၣ်အတၢ်မၤ, ဘၣ်ဆၣ်ဒီးမၤတၢ်မနုၤလဲၣ်န့ၣ်အဝဲသ့ၣ်, တသ့ၣ်ညါဝဲဘၣ်.”

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 30:5

“ယနၢ်ဟူတ့ၢ်တၢ်မၤပျံၤမၤဖုး အတၢ်ကိးထီၣ်, တၢ်ကိးထီၣ် လၢတၢ်ပျံၤတၢ်ဖုးအပူၤဒီး တမ့ၢ်ဘၣ် တၢ်ကိးထီၣ်လၢ တၢ်ဃူတၢ်ဖိးအပူၤဘၣ်.

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ယံးရမံယၤ 4:5

အူထီၣ်ကွဲၤသကုၤထံကီၢ်ဒီဘ့ၣ်ညါတက့ၢ်. ကိးထီၣ်ဒိၣ်ဒိၣ် ဒီးဆှံဆှံတက့ၢ်. တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢအကဃ့ၢ်ဆူ ဝ့ၢ်အိၣ်ဒီးအတိာ်ဧိၤတာ်ဧိၤတဖၣ်န့ၣ်တက့ၢ်.

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 49:29

ဟံးန့ၢ်အဒဲတဖၣ်ဒီး အသိအဖုအဂီၢ်တဖၣ်, အဒဲအယၣ်ဘျးသဒၢတဖၣ်ဒီး တၢ်ခဲလၢာ်လၢအအိၣ်လၢအဒဲတဖၣ်အပူၤန့ၣ်တက့ၢ်. စိာ်ကွံာ်အဝဲသ့ၣ်အကီၤလၤအူးတဖၣ်ဒီးတဲဘၣ်ပှၤဂီၢ်မုၢ်လၢ, တၢ်ပျံၤတၢ်ဖုးအိၣ်ဝးတရံးအီၤန့ၣ်တက့ၢ်.

လံာ်ယံးရမံယၤ 49:5

ယကဒုးလီၤဘၣ်တၢ်ပျံၤတၢ်ဖုးလၢ အဟဲလၢတၢ်လီၢ်ကိးကပၤဒဲးန့ၣ်လၢသုလိၤလီၤ. သုကဃ့ၢ်ကွံာ်ခဲလၢာ်လီၤ. ပှၤတဂၤဘၣ်တဂၤ ကဃ့ၢ်လၢ အသးသမူအဂီၢ်ဒီးပှၤကထၢဖှိၣ်ပာ်ဖှိၣ်က့ၤ ကဒီးသုးမုၢ်သံၣ်ဘိတဖၣ်တအိၣ်နီတဂၤလၢၤဘၣ်.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်ယံးရမံယၤ 8:15

ပမုၢ်လၢ်တ့ၢ်တၢ်လၢတၢ်ဃူတၢ်ဖိးဒီးတၢ်မၤဘျါက့ၤအဆၢကတီၢ်အဂီၢ်လီၤ. ဘၣ်ဆၣ်ဒီးအဘျုးတအိၣ်ဘၣ်. အခိၣ်တလိာ်, တၢ်မၤပျံၤမၤဖုးဟဲဝဲတခီန့ၣ်လီၤ.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်ယဃ့းစက့လး 21:17

ယဲစ့ၢ်ကီးယကဒဲယစုတဖၣ်ဒီးယတၢ်သးဒိၣ် ကကတၢၢ်ကွံာ်ဝဲဒၣ်န့ၣ်လီၤ.” ယၤ, ယွၤအံၤကတိၤလံတၢ်လံ.

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်လူၤကၣ် 19:43

မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.