လံာ်ယံးရမံယၤ 6:23 - Sgaw Karen Common Bible

²³ အဝဲသ့ၣ်ဟံးထီၣ်အချံၣ်တဖၣ်ဒီးအနးတဖၣ်လီၤ. အဝဲသ့ၣ်အၢဝဲသီဝဲဒီးတသးကညီၤတၢ်ဘၣ်. အဝဲသ့ၣ်အကလုၢ်သီၣ်လီၤဂာ်ဒ်ပီၣ်လဲၣ်သီၣ် ထီၣ်ရူၢ်ရူၢ်အသိး, ဖဲအဝဲသ့ၣ်ဒိးထီၣ်အကသ့ၣ် တဖၣ်န့ၣ်လီၤ. အဝဲသ့ၣ်အိၣ်ကတဲာ်ကတီၤအသးလၢတၢ်ဒုး ထီဒါဝ့ၢ်ယရူၤရှလ့ၣ်အဂီၢ်န့ၣ်လီၤ.”

လံာ်ယံးရမံယၤ 6:23 Iomraidhean Croise

လံာ်ယၡါယၤ 10:32

တနံၤအံၤ, ဒုၣ်ဒါတဖၣ်အိၣ်ဝဲလၢဝ့ၢ်နိၤဘးအပူၤ, ဒီးအဝဲသ့ၣ် တြုၤအစုခိၣ်တဖၣ်လၢကစၢၢ်စံယိၣ်, ဖဲဝ့ၢ်ယရူၤၡလ့ၣ်န့ၣ်လီၤ.

လံာ်ယၡါယၤ 13:18

ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ယၡါယၤ 17:12

ပှၤကလုာ်အိၣ်ဒီးအစိအကမီၤတဖၣ်တၢထီၣ်တၢလီၤအိၣ်ဒီး အတၢ်သီၣ်ထီၣ်လီၤဂာ်ဒ်ပီၣ်လဲၣ်သီၣ်ကညီၤထီၣ်ဝဲအသိး ဒီးဒ်လပီဖးဒိၣ်တဖၣ်ဒိဘၣ်ကၢၢ်ပၤနံၤအသီၣ်ရူၢ်ရူၢ်အသိး န့ၣ်လီၤ.

လံာ်ယၡါယၤ 19:4

ယကဟ့ၣ်လီၤပှၤအဲၤကူပတူးဖိတဖၣ်ဆူပှၤပၢတၢ်အၢအၢသီသီ တဂၤအစုပူၤ, စီၤပၤတဂၤလၢကပၢအဝဲသ့ၣ်အၢအၢသီသီန့ၣ်လီၤ. ယၤ, ယွၤသ့တၢ်လၢာ်ကစၢ်, စံးကတိၤတ့ၢ်တၢ်လီၤ.”

လံာ်ယံးရမံယၤ 25:32

ယွၤသ့တၢ်လၢာ်စံးဝဲလၢ တၢ်တတၢးတနါကလီၤ ဘၣ်လၢ ပှၤတကလုာ်ဝံၤတကလုာ်အဖီခိၣ်, ဒီးကလံၤ သဝံးဖးဒိၣ်ကအိၣ်ထီၣ်ဝဲ လၢဟီၣ်ခိၣ်အကတၢၢ်တခီ န့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 4:16

အဝဲသ့ၣ်ဟဲတ့ၢ်ဝဲလၢကဟ့ၣ်ဒုးပလီၢ်ပှၤကလုာ်တဖၣ်ဒီးကတဲဘၣ် ဝ့ၢ်ယရူၤၡလ့ၣ်လၢဒုၣ်ဒါတဖၣ်ဟဲလံဝဲလၢထံကီၢ်လၢအယံၤတဘ့ၣ် န့ၣ်လီၤ. ဒုၣ်ဒါတဖၣ်အံၤကကိးထီၣ်တၢ်ထီဒါကီၢ်ယူဒၤအဝ့ၢ်တဖၣ် န့ၣ်လီၤ.

လံာ်ယံးရမံယၤ 4:29

ဖဲပှၤဒိးကသ့ၣ်တဖၣ်ဒီးပှၤခးချံၣ်ဖိတဖၣ်အတၢ်ကလုၢ်သီၣ်ထီၣ်န့ၣ်, ပှၤကိးဂၤဒဲးကထွးထီၣ်ဃ့ၢ်ကွံာ်ဝဲလီၤ. တနီၤကဃ့ၢ်ဆူသ့ၣ်ပှၢ်ပူၤ, ဒီးအဂၤတနီၤကလဲၤထီၣ်ဆူလၢၢ်လ့တဖၣ်အကျါလီၤ. ဝ့ၢ်ကိးဝ့ၢ်ဒဲးကအိၣ်တ့ၢ်လီၤဖျဲၣ်လီၤဟိ, ဒီးပှၤတအိၣ်ကဒီးလၢၤလၢအပူၤနီတဂၤဘၣ် နီတစုလၢၤဘၣ်လီၤ.

လံာ်ယံးရမံယၤ 5:16

အဝဲသ့ၣ်အပှၤခးချံၣ်တဖၣ်မ့ၢ်သုးဖိလၢအဂံၢ်ဆူၣ်ဘါဆူၣ်တဖၣ် လၢမၤသံတၢ်တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ယံးရမံယၤ 50:41

ပှၤဂီၢ်မုၢ်ဟဲဝဲလၢ ကီၢ်တဘ့ၣ်လၢကလံၤစိးတခီ, မ့ၢ်ပှၤတကလုာ်ဖးဒိၣ်လၢလီၢ်ယံၤန့ၣ်လီၤ. စီၤပၤအါဂၤကတဲာ်ကတီၤအသး လၢတၢ်ဒုးတၢ်ယၤအဂီၢ်လီၤ.

လံာ်ယံးရမံယၤ 50:42

အဝဲသ့ၣ်ဟံးထီၣ်အချံၣ်တဖၣ်ဒီး အနးတဖၣ်လီၤ. အဝဲသ့ၣ် အၢဝဲသီဝဲတသးကညီၤတၢ်ဘၣ်. ဖဲအဝဲသ့ၣ်ဒိးအကသ့ၣ်တဖၣ်န့ၣ်, အတၢ်သီၣ်ဟူထီၣ် ဝဲဒ်ပီၣ်လဲၣ်အထံသီၣ်ရုၢ်ရုၢ်အသိးန့ၣ်လီၤ. အဝဲသ့ၣ်အိၣ်ကတဲာ်ကတီၤလံ အသးလၢ ကဒုးတၢ်ထီ ဒါကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 6:4

အဝဲသ့ၣ်ကစံးဝဲ, “ကတဲာ်ကတီၤတၢ်လၢတၢ်ဒုးဝ့ၢ်ယရူၤရှလ့ၣ် အဂီၢ်တက့ၢ်. ကတဲာ်ကတီၤသုသးတက့ၢ်. ပကလဲၤထီၣ်ဒုးအီၤဖဲမုၢ်ထူၣ်အကတီၢ်လီၤ.” ဘၣ်ဆၣ်ဒီးအဝဲသ့ၣ်ကစံးဝဲ, “စဲၤခံကဲၣ်ဆိးလံ. မုၢ်ဆါအတၢ် ကပီၤကလၢာ်တ့ၢ်ဒီးမုၢ်ဟါအကဒုတဖၣ်ဟဲအါထီၣ်လံ.

လံာ်ယံးရမံယၤ 8:16

ပဒုၣ်ပဒါတဖၣ်အိၣ်လံဝဲလၢဝ့ၢ်ဒၣ်အပူၤလံ. ပနၢ်ဟူဘၣ်အဝဲသ့ၣ်အကသ့ၣ်တဖၣ်သါ သဖှိထီၣ်အသီၣ်လီၤ. ထံကီၢ်ဒီဘ့ၣ်ကနိးကစုာ် ဝဲဖဲအဝဲသ့ၣ်အကသ့ၣ်တဖၣ်ကဟံကဟဲးထီၣ်ဝဲန့ၣ်လီၤ. ပဒုၣ်ပဒါတဖၣ်ဟဲဝဲလၢကမၤဟးဂီၤကွံာ်ပထံပကီၢ်ဒီးက ယဲၢ်တၢ်ခဲလၢာ်လၢအအိၣ်လၢအပူၤ, ပဝ့ၢ်ဒီးပပှၤဂီၢ်မုၢ်ခဲလၢာ် န့ၣ်လီၤ.”

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.