လံာ်ယံးရမံယၤ 6:19 - Sgaw Karen Common Bible

¹⁹ ဒိကနၣ်တၢ်တက့ၢ်, ဟီၣ်ခိၣ်ဧၢ, ယဟဲစိာ်တၢ်ဟးဂီၤလၢပှၤဂီၢ် မုၢ်သ့ၣ်တဖၣ်အံၤအဖီခိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကူၣ် အကျဲတဖၣ်အဂီၢ်အသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်ညိကွံာ်ယတၢ် သိၣ်လိသီလိဒီးတစူၢ်တ့ၢ်ဘၣ်ယတၢ်ကတိၤတဖၣ်ဘၣ်.

လံာ်ယံးရမံယၤ 6:19 Iomraidhean Croise

တၢ်ကတိၤဒိ. 15:26

ယွၤသးဟ့တၢ်ဆိကမိၣ်အအၢအသီတဖၣ်လီၤ. မ့မ့ၢ်အဝဲဘၣ်အသးလၢတၢ်ဒီသိၣ်ဒီမှံၤအတၢ်ကတိၤအမုာ်တဖၣ်လီၤ.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယၡါယၤ 66:18

ယသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးအတၢ်မၤတဖၣ် န့ၣ်လီၤ. ယဟဲယဲဒ်သိးယကပာ်ဖှိၣ်ကယဲၢ်ပှၤကလုာ်တဖၣ် အပှၤဂီၢ်မုၢ်န့ၣ်လီၤ. ဖဲအဝဲသ့ၣ်ဟဲပာ်ဖှိၣ်အသးခဲလၢာ်န့ၣ်, အဝဲသ့ၣ်ကထံၣ်ယတၢ်စိကမီၤမၤတၢ်မနုၤသ့,

လံာ်ယံးရမံယၤ 11:11

အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 15:6

သုဝဲပှၤဂီၢ်မုၢ်အံၤ, သုညိကွံာ်လံယၤလံ. သုဒီယၤလၢသုချၢန့ၣ်လီၤ. လၢတၢ်န့ၣ်အဃိယယၤထီၣ်ယစုဒီးမၤလီၤသဘှံးသု, မ့ၢ်လၢတၢ်ဘှံးယသးလၢတၢ်ပၢၤဃာ်ယတၢ်သးထီၣ်အဃိန့ၣ်လီၤ.

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ယံးရမံယၤ 19:15

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒၣ်, “ကယဲၢ်တၢ်စံၣ်ညီၣ်လၢယစံးတ့ၢ်လၢယကမၤယဲန့ၣ်, ယကဒုးလီၤဘၣ်လၢဝ့ၢ်အံၤဒီးဝ့ၢ်ဖိဝ့ၢ်ဆၣ်လၢအအိၣ်ဘူး အိၣ်တံၢ်ခဲလၢာ်အလိၤ, မ့ၢ်လၢသုခိၣ်ကိၤဒီးတဒိကနၣ်ဘၣ်တၢ် လၢယစံးယဲအဃိန့ၣ်လီၤ.”

လံာ်ယံးရမံယၤ 19:3

ယွၤတဲဘၣ်ယၤလၢယကစံး, “ကီၢ်ယူဒၤအစီၤပၤတဖၣ်ဒီး ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးကတိၤအီၤန့ၣ်တက့ၢ်. ယကဒုးလီၤဘၣ်တၢ်တတၢးတနါဒ်န့ၣ်အသိးလၢတၢ်လီၢ်အံၤအလိၤ, ဒ်သိးပှၤကိးဂၤဒဲးလၢအနၢ်ဟူဘၣ်တၢ်ဂ့ၢ်အံၤအသးကလီၤ ကတုၤဝဲန့ၣ်လီၤ.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 22:29

အိဟီၣ်ခိၣ်ဧၢ, ဟီၣ်ခိၣ်ဧၢ, ဒိကနၣ်တၢ်လၢယွၤစံးတ့ၢ်ဝဲန့ၣ်တက့ၢ်.

လံာ်ယံးရမံယၤ 29:19

တၢ်အံၤကမၤအသးဒီး အဝဲသ့ၣ်, မ့ၢ်လၢအဝဲသ့ၣ် တစူၢ်ဘၣ် တၢ်ကစီၣ်လၢ ယဆှၢန့ၢ် အဝဲသ့ၣ်တထံၣ်ဃီခီဖျိ ယခ့ယပှၤဝံတဖၣ် အဃိန့ၣ်လီၤ. အဝဲသ့ၣ်ဂ့ၢ်လိာ်တ့ၢ်ဝဲလၢ ကဒိကနၣ်အီၤန့ၣ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယံးရမံယၤ 4:16

အဝဲသ့ၣ်ဟဲတ့ၢ်ဝဲလၢကဟ့ၣ်ဒုးပလီၢ်ပှၤကလုာ်တဖၣ်ဒီးကတဲဘၣ် ဝ့ၢ်ယရူၤၡလ့ၣ်လၢဒုၣ်ဒါတဖၣ်ဟဲလံဝဲလၢထံကီၢ်လၢအယံၤတဘ့ၣ် န့ၣ်လီၤ. ဒုၣ်ဒါတဖၣ်အံၤကကိးထီၣ်တၢ်ထီဒါကီၢ်ယူဒၤအဝ့ၢ်တဖၣ် န့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 49:37

ယကဒုးပျံၤဘၣ်ဖုးဘၣ်ကီၢ်ဧ့ၤလၣ်အပှၤဂီၢ်မုၢ်လၢအဒုၣ်အဒါတဖၣ်လၢ အသးအိၣ်မၤသံအဝဲသ့ၣ်န့ၣ်လီၤ. လၢယတၢ်သးဒိၣ်ထီၣ် အပူၤန့ၣ်, ယကမၤဟးဂီၤကွံာ်ကီၢ်ဧ့ၤလၣ်အပှၤဂီၢ်မုၢ်ဒီး ဆှၢလီၤသုးမုၢ်တဖၣ်ထီဒါ အဝဲသ့ၣ်တုၤယမၤလၢာ်ကွံာ်အဝဲသ့ၣ်တစုန့ၣ်လီၤ.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယံးရမံယၤ 6:18

အန့ၣ်ဒီးယွၤစံးဝဲ, “ဒိကနၣ်တၢ်တက့ၢ်, သုဝဲပှၤကလုာ်သ့ၣ် ဧၢ, ဒီးမၤလိန့ၢ်တၢ်လၢအကမၤအသးဒီးယပှၤဂီၢ်မုၢ်န့ၣ်တက့ၢ်.

လံာ်ယံးရမံယၤ 8:5

မ့မ့ၢ်ဒ်န့ၣ်ဒီးယပှၤဂီၢ်မုၢ်သ့ၣ်ဧၢ, ဘၣ်မနုၤအဃိသုဃၣ်ကွံာ် သုသးလၢယၤတအိၣ်ဒီးတၢ်ဃၣ်ကဒါ က့ၤသုသးဆူယအိၣ်နီတစုဘၣ်န့ၣ်လဲၣ်. သုဟံးဃာ်ဖီၣ်ဃာ်သုတၢ် ဂီၤတၢ်ဖီၣ်တဖၣ်ဒီးသုဂ့ၢ်လိာ်လၢသုကဟဲက့ၤကဒါက့ၤဆူ ယအိၣ်န့ၣ်လီၤ.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်ဟိၤၡ့ 10:13

ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်မံကၤ 1:2

ပှၤကလုာ်ခဲလၢာ်သ့ၣ်ဧၢ, နၢ်ဟူတၢ်အံၤတက့ၢ်. ပှၤလၢအမူဝဲလၢဟီၣ်ခိၣ်အဖီခိၣ်ခဲလၢာ်သ့ၣ်ဧၢ, ဒိကနၣ်တက့ၢ်. ယွၤလၢအစိကမီၤဒိၣ်ကအုၣ်အသးထီဒါသုလီၤ. ဒိကနၣ်တက့ၢ်. ယွၤကတိၤတၢ်လၢမူခိၣ်အတၢ်လုၢ်လီၢ်လီၤ.

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

မၤတၢ် 8:22

နအိၣ်ဒီးနတၢ်ကူၣ်အအၢတမံၤအံၤအဃိနဘၣ်ပီၢ်ယၢ်ဒီးဃၣ်လိၤ က့ၤနသး, ဒီးဃ့ထုကဖၣ်ကစၢ်လၢကပျၢ်နတၢ်ကမၣ်မ့ၢ်လၢ နဆိကမိၣ်ထီၣ်တၢ်ဒ်သိးအံၤအဃိန့ၣ်လီၤ.

လံာ်သိၣ်လီၤသီလီၤတၢ် 30:19

ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

လံာ်သိၣ်လီၤသီလီၤတၢ် 32:1

ဟီၣ်ခိၣ်ဒီးမူကပိာ်လိၤဧၢ, နၢ်ဟူယတၢ်ကတိၤတဖၣ်, ဒိကနၣ်တၢ်လၢယတဲအီၤလီၤတံၢ်လီၤဆဲးတက့ၢ်.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:23

တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:26

စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”