လံာ်ယံးရမံယၤ 6:16 - Sgaw Karen Common Bible

¹⁶ ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ယံးရမံယၤ 6:16 Iomraidhean Croise

လံာ်စီၤပၤအခီၣ်ထံးတဘ့ၣ် 8:36

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်စီၤပၤဒီးကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဒီးယွၤဧၢ, ဒုးစူၤလီၤတၢ်လၢနကီၢ်အံၤအဖီခိၣ်, ကီၢ်လၢနဟ့ၣ်တ့ၢ်နပှၤဂီၢ်မုၢ်ဒ်အတၢ်န့ၢ်သါအဂၢၢ်အကျၢၤအသိးန့ၣ် တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 19:11

ပှၤလုၢ်တၢ်အခိၣ်အဒိၣ်ကတၢၢ်စီၤအမၤရယၤကအိၣ်ဒီးတၢ်စိ တၢ်ကမီၤလၢခံကတၢၢ်တပတီၢ်လၢကယဲၢ်တၢ်ဘူၣ်တၢ်ဘါအကွီၢ်တဖၣ်အ ဂီၢ်, ဒီးကီၢ်ယူဒၤအပဒိၣ်ဖးဒိၣ်အဒိၣ်ကတၢၢ်စီၤယံးၡမၤဧ့လးအဖိ ခွါစီၤစဘၤဒယၤကအိၣ်ဒီးတၢ်စိတၢ်ကမီၤလၢခံကတၢၢ်တပတီၢ်လၢ ကယဲၢ်ထံဖိကီၢ်ဖိအကွီၢ်တဖၣ်အဂီၢ်န့ၣ်လီၤ. ပှၤလ့ၤဝံဖိတဖၣ်အိၣ်မူအိၣ်ဒါလၢတၢ်ကွၢ်ထွဲကွီၢ်ဘျီၣ်အတၢ် စံၣ်ညီၣ်တဖၣ်မ့ၢ်အဘၣ်တၢ်မၤထွဲအီၤဧါ, တဘၣ်တၢ်မၤထွဲအီၤဘၣ်လဲၣ်အဂ့ၢ်န့ၣ်လီၤ. အိၣ်ဒီးတၢ်သူၣ်ဒူသးဒူဒီးစိာ်ထီၣ်မၤထွဲတၢ်သိၣ်လိနဲၣ်ယုၤ တဖၣ်အံၤအခံ, ဒီးမ်ယွၤအိၣ်လၢတၢ်အဘၣ်တကပၤန့ၣ်တက့ၢ်.”

စံးထီၣ်ပတြၢၤ 116:7

ယသးဧၢ, သးဒ့ဒီတဂ့ၤ အဂ့ၢ်ဒ်အံၤယွၤမၤဂ့ၤတ့ၢ်လံနၤလံ.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယၡါယၤ 57:2

ပှၤလၢအအိၣ်မူတၢ်အိၣ်မူအဂ့ၤအဝါတဖၣ်ထံၣ်န့ၢ်တၢ်ဃူ တၢ်ဖိးဒီးတၢ်အိၣ်ဘှံးအလီၢ်လၢတၢ်သံအပူၤန့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ယံးရမံယၤ 12:16

လၢအသးဒီဖျၢၣ်ညါန့ၣ်, အဝဲသ့ၣ်မ့ၢ်တူၢ်လိာ်ယပှၤဂီၢ်မုၢ်အတၢ်ဘူၣ်တၢ်ဘါဒီးမ့ၢ်ဆိၣ် လီၤအသးစံးဝဲ, ဒ်ယွၤမူဝဲအသိးဒ်တဘျီအဝဲသ့ၣ်သိၣ်လိ ယပှၤဂီၢ်မုၢ်လၢကဆိၣ်တၢ်လၢဘဧၤလးအမံၤအပူၤအသိးန့ၣ်ဒီး, အဝဲသ့ၣ်ကမၤန့ၢ်ဃုာ်တၢ်လီၢ်ဒီးယပှၤဂီၢ်မုၢ်ဒီးအဝဲသ့ၣ်ကဘီၣ် ထီၣ်ညီထီၣ်ဝဲန့ၣ်လီၤ.

လံာ်ယံးရမံယၤ 18:12

အဝဲသ့ၣ်ကစံးဆၢဝဲ, ‘ပတမၤဘၣ်. ဘၣ်မနုၤအဃိပဘၣ်မၤလဲၣ်. ပဝဲခဲလၢာ်ပခိၣ်ကကိၤဒီးပ ကအၢသီဒံးဒၣ်တၢ်ဒ်ပသးအိၣ်အၢသီအသိးန့ၣ်လီၤ.’ ”

လံာ်ယံးရမံယၤ 18:15

အန့ၣ်ဒၣ်လဲာ်ယပှၤဂီၢ်မုၢ်သးပ့ၤနီၣ်တ့ၢ်ယၤဒီးဆိၣ်ကဲၤထီၣ်တၢ်နၢမူ ဆူတၢ်ဂီၤတၢ်ဖီၣ်တဖၣ်အအိၣ်လီၤ. အဝဲသ့ၣ်အခီၣ်ဘၣ်တိၢ်လၢကျဲလၢအဝဲသ့ၣ်ကြၢးလဲၤဝဲအပူၤန့ၣ်လီၤ. အဝဲသ့ၣ်တပိာ်ထွဲလၢၤကျဲလီၢ်လံၤတဖၣ်လၢၤဘၣ်. အဝဲသ့ၣ်လဲၤတၢ်လၢကျဲဖိတဖၣ်လၢတၢ်တမၤနီၣ်ဘၣ်အီၤအပူၤန့ၣ်လီၤ.

လံာ်ယံးရမံယၤ 2:25

ကီၢ်အံၣ်စရ့လးဧၢ, မၤဘှံးမၤတီၤနခီၣ်မ့ၢ်ဂ့ၤ, ပျဲနကိာ်ယူၢ်ဃ့ထီ မ့ၢ်ဂ့ၤ, လၢတၢ်လူၤထွဲကစၢ်အဂၤတဖၣ်အခံအဃိတဂ့ၤ. ဘၣ်ဆၣ် နစံး, တမ့ၢ်ဘၣ်. ယဃၣ်ကဒါက့ၤယသးတသ့လၢၤဘၣ်. ယအဲၣ်ဘၣ်တ့ၢ်တခီဘီမုၢ်အကစၢ်တဖၣ်ဒီးယကလူၤပိာ်ထွဲအဝဲသ့ၣ် အခံန့ၣ်လီၤ.”

လံာ်ယံးရမံယၤ 22:21

ယွၤကတိၤတၢ်ဒီးနၤဖဲနဘီၣ်ထီၣ်ညီထီၣ်အခါ, ဘၣ်ဆၣ်နတဒိကနၣ်ဘၣ်. တၢ်န့ၣ်မ့ၢ်တၢ်လၢနမၤတ့ၢ်အီၤလၢနသးသမူဒီကတီၢ်ညါလီၤ. နတစူၢ်ဘၣ်ယွၤနီတစုဘၣ်.

လံာ်ယံးရမံယၤ 31:21

ပာ်ထီၣ်တၢ်ပနီၣ်တဖၣ်ဒီး မၤနီၣ်ကျဲမုၢ်န့ၣ်တက့ၢ်. ဃုက့ၤကဒီးကျဲလၢ သုဟးထီၣ်ကွံာ်န့ၣ်တက့ၢ်. ဟဲက့ၤကဒါက့ၤတက့ၢ်, ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ဟဲက့ၤဆူ ဟံၣ်ဆူဝ့ၢ်တဖၣ်လၢ သုဟးထီၣ်ဒီး ပာ်တီၢ်အီၤန့ၣ်တက့ၢ်.

လံာ်ယံးရမံယၤ 42:3

ထုကဖၣ်လၢယွၤ, ပကစၢ်ယွၤကဒုးနဲၣ်ပှၤကျဲလၢပဂ့ၤပိာ်အီၤ, ဒီးတၢ်လၢပကြၢးမၤအီၤန့ၣ်ကက့ၢ်.”

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယံးရမံယၤ 7:3

ယွၤစံးဝဲဒၣ်, “လဲလိာ်ကျဲလၢသုအိၣ်မူအီၤဒီးတၢ်တဖၣ်လၢသု မၤတ့ၢ်အီၤန့ၣ်တက့ၢ်. ဒီးယကပျဲသုအိၣ်မူဒံးဖဲအံၤဆူညါ န့ၣ်လီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်လူၤကၣ် 16:29

စီၤအၤဘြၣ်ဟၣ်စံးဝဲ, ‘နဒီပုၢ်ဝဲၢ်ပိာ်ခွါတဖၣ်အိၣ်ဒီးစီၤမိၤၡ့ ဒီးဝံအတၢ်ကွဲးတဖၣ်လၢအကဟ့ၣ်ပလီၢ်အဝဲသ့ၣ်အဂီၢ်လီၤ. မ်နဒီပုၢ်ဝဲၢ်ပိာ်ခွါတဖၣ်ဒိကနၣ်အဝဲသ့ၣ်အတၢ်ကတိၤတက့ၢ်.’

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

ရိမ့ၤ 4:12

အဝဲမ့ၢ်စ့ၢ်ကီးပှၤဒိးတၢ်ကူးတရံးခဲလၢာ်အပၢ်, အခီပညီတမ့ၢ်ထဲအဝဲသ့ၣ်ကူးတရံးအသးအဃိဘၣ်. မ့မ့ၢ်, မ့ၢ်လၢအဝဲသ့ၣ်အိၣ်မူစ့ၢ်ကီးတၢ်နာ်အတၢ်အိၣ်မူ တမံၤဃီလၢပပၢ်စီၤအၤဘြၤဟၣ်အိၣ်မူတ့ၢ်ဝဲ တချုးလၢ အဒိးတၢ်ကူးတရံးအဃိန့ၣ်လီၤ.

လံာ်သိၣ်လီၤသီလီၤတၢ် 32:7

ဆိကမိၣ်ထီၣ်တၢ်မၤအသးလၢအပူၤကွံာ်, လၢတၢ်ဆၢကတီၢ်လၢယံာ်တ့ၢ်မးလံ အဂ့ၢ်, မၢသုပၢ်တဖၣ်တဲဘၣ်သုတၢ်လၢမၤတ့ၢ်အသး, မၢပှၤသးပှၢ်တဖၣ်တဲသုတၢ်လၢအပူၤကွံာ်အဂ့ၢ် န့ၣ်တက့ၢ်.

ကလီးစဲ 2:6

ဒ်သုတူၢ်လိာ်တ့ၢ်လံယ့ၣ်ၡူးခရံာ်ဒ်သုကစၢ်တဂၤအသိးန့ၣ်, အိၣ်မူသုဝဲလၢအဝဲဒၣ်အပူၤတက့ၢ်.

ဧ့ၤဘြံၤ 11:2

ခီဖျိတၢ်စူၢ်တၢ်နာ်န့ၣ်ပှၤလၢပျၢၤတဖၣ်ဒိးန့ၢ်ဘၣ်ကစၢ်ယွၤ အတၢ်ဘၣ်သူၣ်ဘၣ်သးန့ၣ်လီၤ.

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 2:17

ဘၣ်ဆၣ်ဒီးပှၤအံၣ်စရ့လးဖိတဖၣ်တကနၣ်ဃုာ်အခိၣ်အနၢ်တဖၣ်ဘၣ်. ကီၢ်အံၣ်စရ့လးဖိအသးတတီဒီးယွၤဘၣ်ဒီးဘူၣ်ထီၣ်ဘါထီၣ်ကစၢ်အဂၤတဖၣ်န့ၣ်လီၤ. အဝဲသ့ၣ်အပၢ်တဖၣ်ဒိကနၣ်ယွၤအတၢ်မၤလိာ်တဖၣ်ဘၣ်ဆၣ်ဒီး ပှၤအသီတစိၤအံၤတမၤဘၣ်ဝဲဒ်န့ၣ်ဘၣ်လီၤ.