လံာ်ယံးရမံယၤ 6:11 - Sgaw Karen Common Bible

¹¹ ယွၤဧၢ, နတၢ်သးဒိၣ်ထီၣ်ထီဒါအဝဲသ့ၣ်န့ၣ်, အီၣ်ဂီၤတၢ်လၢယပူၤစ့ၢ်ကီး, ဒီးယပၢၤအီၤတန့ၢ်ယံာ်ယံာ်လၢၤဘၣ်.” အန့ၣ်ဒီးယွၤစံးဘၣ်တ့ၢ်ယၤ, “လူလီၤယတၢ် သးကဲၤထီၣ်လၢဖိသၣ်တဖၣ်လၢအအိၣ် လၢကျဲဘိတဖၣ်အပူၤအလိၤဒီးလၢပှၤပိာ်ခွါ သးစၢ်တဖၣ်လၢအပာ်ဖှိၣ်အသးအလိၤန့ၣ်တက့ၢ်. ဝၤတဖၣ်ဒီးမါတဖၣ်ကဘၣ်တၢ်စိာ်ယံၤကွံာ်အီၤ, ဒီးပှၤအသးပှၢ်ဒၣ်လဲာ်တဘၣ်တၢ်ပျဲပူၤအီၤဘၣ်.

လံာ်ယံးရမံယၤ 6:11 Iomraidhean Croise

လံာ်ယၡါယၤ 40:30

ပှၤလၢအသးစၢ်တဖၣ်ဒၣ်လဲာ်အဂံၢ်အဘါလီၤစၢ်ဝဲလီၤ. ပှၤပိာ်ခွါသးစၢ်တဖၣ်အဂံၢ်အဘါလၢာ်ကွံာ်ဝဲသ့လီၤ.

လံာ်ယံးရမံယၤ 15:17

ယတမၤလၢာ်ယတၢ်ဆၢကတီၢ်ဒီးပှၤအဂၤတဖၣ်လၢတၢ်နံၤကဝဲၤ ပျီၢ်ကဒီဒီးတၢ်မၤမုာ်လၤယသးအပူၤန့ၣ်ဘၣ်. လၢယတၢ်စူၢ်နတၢ်ဟ့ၣ်လီၤနကလုၢ်တဖၣ်အပူၤန့ၣ်, ယအိၣ်ဒၣ်ယတၢ်ဒၣ်ယဲဒီးယပှဲၤဆၢၣ်ကလာ်ဒီးတၢ်သူၣ်ဒိၣ်သးဖျိးန့ၣ်လီၤ.

လံာ်ယံးရမံယၤ 15:6

သုဝဲပှၤဂီၢ်မုၢ်အံၤ, သုညိကွံာ်လံယၤလံ. သုဒီယၤလၢသုချၢန့ၣ်လီၤ. လၢတၢ်န့ၣ်အဃိယယၤထီၣ်ယစုဒီးမၤလီၤသဘှံးသု, မ့ၢ်လၢတၢ်ဘှံးယသးလၢတၢ်ပၢၤဃာ်ယတၢ်သးထီၣ်အဃိန့ၣ်လီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယံးရမံယၤ 9:20

ယစံးတ့ၢ်ယဲ, “သုဝဲပိာ်မုၣ်သ့ၣ်ဧၢ, ဒိကနၣ်ယွၤ ဒီးပာ်သူၣ်ပာ်သးလၢအဝဲအတၢ်ကတိၤတဖၣ်န့ၣ်တက့ၢ်. သိၣ်လိသုဖိမုၣ်တဖၣ်လၢကဘၣ်ဟီၣ်ဝဲယၢၤဝဲဒ်လဲၣ်, ဒီးသုတံၤသကိးတဖၣ်လၢကဘၣ်သးဝံၣ်တၢ်သံအတၢ်သးဝံၣ်တယုၢ် ဒ်လဲၣ်န့ၣ်တက့ၢ်.

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်သးသယုၢ်တၢ် 1:15

ယွၤနံၤဘၣ်ဖၣ်လဲတ့ၢ်ကယဲၢ်ယသုးမုၢ်သံၣ်ဘိလၢအဆူၣ်ကတၢၢ်တဖၣ် လီၤ. ဆှၢလီၤတ့ၢ်ဝဲသုးမုၢ်တဖုဒ်သိးကမၤဟးဂီၤယပှၤသးစၢ်တဖၣ်န့ၣ် လီၤ. မၤဟးဂီၤတ့ၢ်ကီၢ်ယူဒၤအကဟုကညီၢ်ဒ်စပံးသၣ်တဖၣ်အိၣ်လၢနီၣ် စံၢ်စပံးသၣ်အကျိးပူၤအသိးန့ၣ်လီၤ.

လံာ်သးသယုၢ်တၢ် 2:21

ပှၤသးစၢ်ဒီးပှၤသးပှၢ်လီၤဃံၤသံဒ်သိးသိးလၢကျဲတဖၣ် အပူၤလီၤ. ပှၤသးစၢ်ပိာ်ခွါဒီးပိာ်မုၣ်တဖၣ်ဘၣ်တၢ်မၤသံအီၤလၢ ဒုၣ်ဒါအနးတဖၣ်လီၤ. လၢနတၢ်သးထီၣ်အမုၢ်တနံၤန့ၣ်နမၤသံအဝဲသ့ၣ်တအိၣ်ဒီးတၢ်သး ကညီၤဘၣ်.

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယဃ့းစက့လး 3:3

အဝဲစံးဝဲဒၣ်, “ပှၤကညီအသံသ့ဧၢ, အီၣ်လံာ်ထူလၢ ယဟ့ၣ်လီၤနၤအံၤတက့ၢ်. မၤပှဲၤနဟၢဖၢဒီး အီၤတက့ၢ်.” ယအီၣ်အီၤဒီး ဆၢဝဲလၢ ယကိာ်ပူၤ ဒ်ကနဲစီအသိးန့ၣ်လီၤ.

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်မံကၤ 3:8

မ့မ့ၢ်ယဲဒၣ်အံၤ, ယွၤမၤပှဲၤယၤလၢအသးဒီးတၢ်စိတၢ်ကမီၤ, ဒီးဟ့ၣ်ယၤတၢ်သ့ၣ်ညါဘၣ်ဃးဒီးတၢ်စံၣ်ညီၣ်တီဒီးတၢ်သူၣ်ဒူ သးဒူလၢယကစံးဘၣ်တဲဘၣ်အံၣ်စရ့လးအပှၤဂီၢ်မုၢ်လၢ အတၢ်ဒဲးဘးတဖၣ်န့ၣ်လီၤ.

လံာ်လူၤကၣ် 17:34

ဖဲမုၢ်တနၤန့ၣ်, ယစံးဘၣ်တဲဘၣ်သု, ပှၤကအိၣ်ဝဲဒၣ်ခံဂၤလၢအမံလၢလီၢ်မံတပူၤဃီ, ဒီးတဂၤကဘၣ်တၢ်စိာ်ကွံာ်အီၤ, တဂၤကဘၣ်တၢ်ပာ်လီၤတဲာ်တ့ၢ်အီၤလီၤ.

မၤတၢ် 17:16

ဖဲစီၤပီလူးအိၣ်ခိးစီၤစံလၤဒီးစီၤတံၤမသ့းဖဲဝ့ၢ်အၤသ့ၣ်အဖၢ မုၢ်န့ၣ်, ထံၣ်ဘၣ်ဝဲလၢတၢ်ဂီၤတၢ်ဖီၣ်အိၣ်ပှဲၤလၢဝ့ၢ်တဖျၢၣ်န့ၣ် အပူၤအဃိအသးဘၣ်တံာ်တာ်ဝဲဒၣ်အဒိၣ်အအါလီၤ.

မၤတၢ် 18:5

ဖဲစီၤစံလၤဒီးစီၤတံၤမသ့းလၢအဟးထီၣ်လၢကီၢ်မၤက့းဒနံ ဟဲတုၤဝဲန့ၣ်, စီၤပီလူးဟ့ၣ်လီၤအဆၢကတီၢ်လၢာ်လၢာ်ဆ့ဆ့ လၢတၢ်စံၣ်တဲၤတဲလီၤတၢ်သးခုအကစီၣ်အဂီၢ်, ဒီးအုၣ်အသးလၢပှၤယူဒၤဖိတဖၣ်အမဲာ်ညါလၢယ့ၣ်ၡူးမ့ၢ်ခရံာ် န့ၣ်လီၤ.

မၤတၢ် 4:20

အဂ့ၢ်ဒ်လဲၣ်န့ၣ်, တၢ်လၢပထံၣ်ဘၣ်တ့ၢ်ဒီး နၢ်ဟူဘၣ်တ့ၢ်တဖၣ်န့ၣ်, ပဆိတ့ၢ်စံးကတိၤလၢအဂ့ၢ်တသ့ဘၣ်.”

လံာ်လီၣ်ဖျါ 16:1

တုၤနုၤတစုယနၢ်ဟူတၢ်ကလုၢ်ဖးဒိၣ်သီၣ်ထီၣ်လၢတၢ်လုၢ်ဟံၣ် ပူၤဒီးစံးဘၣ်ကလူးနွံဂၤ “လဲၤ ဒီးဂၢ်လီၤကစၢ်ယွၤအတၢ်သးထီၣ်အသလၢနွံဖျၢၣ် လၢဟီၣ်ခိၣ်ချၢတက့ၢ်.”