လံာ်ယံးရမံယၤ 52:8 - Sgaw Karen Common Bible

⁸ ဘၣ်ဆၣ်ဒီး, ကီၢ်ဘၤဘူၤလိၣ်အသုးမုၢ် လူၤစီၤပၤစံးဒကံယၤ, ဖီၣ်န့ၢ်အီၤဖဲ ပျီပူၤဘူးဒီး ဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်ယံးရမံယၤ 52:8 Iomraidhean Croise

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 32:4

ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.

လံာ်ယံးရမံယၤ 34:21

ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 37:18

အန့ၣ်ဒီး ယသံကွၢ်အီၤ, “တၢ်ကမၣ်လၢ ယမၤဘၣ်တ့ၢ်ထီဒါနၤမ့ၢ်ဂ့ၤ, နပဒိၣ်ပပှၢ်တဖၣ်မ့ၢ်ဂ့ၤ, ပှၤဂီၢ်မုၢ်အံၤမ့ၢ်ဂ့ၤလၢ နကဒၢနုာ် ယၤ ဆူဃိာ်ပူၤမ့ၢ်တၢ်ကမၣ်မနုၤတမံၤလဲၣ်.

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 39:5

ဘၣ်ဆၣ်ဒီး, ကီၢ်ဘၤဘူၤလိၣ် အသုးမုၢ်လူၤ ထွဲအဝဲသ့ၣ်ဒီး ဖီၣ်န့ၢ်စီၤစံးဒကံယၤဖဲ ပျီပူၤဘူးဒီး ဝ့ၢ်ယရံၤဃိန့ၣ်လီၤ. အန့ၣ်ဒီၤ, အဝဲသ့ၣ်လဲၤစိာ်အီၤဆူ စီၤပၤနဘူၤကးန့စၢ်အအိၣ် လၢအအိၣ်ဖဲဝ့ၢ်ရံးဘလၤလၢ ကီၢ်ဃမါသးအပူၤ, ဖဲန့ၣ်, စီၤနဘူးကးန့စၢ် စံၣ်ညီၣ်အီၤန့ၣ်လီၤ.