လံာ်ယံးရမံယၤ 52:24 - Sgaw Karen Common Bible

²⁴ အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.

လံာ်ယံးရမံယၤ 52:24 Iomraidhean Croise

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:18

လၢန့ၣ်အမဲာ်ညါ, ပှၤသုးမုၢ်အသုးခိၣ်ကျၢၢ်စီၤနဘူစၢ်ရဒၣ်က့ၤ ကိးပှၤလုၢ်တၢ်အခိၣ်အဒိၣ်ကတၢၢ်စီၤစရါယၤ, ပှၤလုၢ်တၢ်အခိၣ်အဒိၣ်ကတၢၢ်ခံဂၤတဂၤစီၤစဖါနယၤဒီးယွၤအတၢ် လုၢ်ဟံၣ်အပဒိၣ်လၢအကါဒိၣ်အဂၤသၢဂၤဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

လံာ်ယံးရမံယၤ 20:4

ယွၤအကစၢ်ဒၣ်ဝဲစံးဝဲဒၣ်, “ယကဒုးကဲထီၣ်နၤလၢတၢ်ပျံၤတၢ် ဖုးတမံၤလၢနဂီၢ်ဒၣ်နဲဒီးလၢနတံၤသကိးတဖၣ်အဂီၢ်, ဒီးနကထံၣ်ဘၣ် အဝဲသ့ၣ်ခဲလၢာ်ဘၣ်တၢ်မၤသံအီၤလၢအဒုၣ်အဒါတဖၣ်အါမးန့ၣ်လီၤ. ယကပာ်ကီၢ်ယူဒၤအပှၤဂီၢ်မုၢ်ခဲလၢာ်လၢကီၢ်ဘၤဘူၤလိၣ်အစီၤပၤ အစိကမီၤအဖီလာ်လီၤ. အဝဲကက့ၤစိာ်ကွံာ်အဝဲသ့ၣ်တနီၤဆူ အထံအကီၢ်ဒ်ပှၤဘၣ်တၢ်စိာ်မၢကဲကုၢ်တဖၣ်အသိးဒီးပှၤအဂၤ တဖၣ်န့ၣ်ကမၤသံကွံာ်ဝဲလီၤ.

လံာ်ယံးရမံယၤ 21:1

ကီၢ်ယူဒၤအစီၤပၤစီၤစံးဒကံယၤမၢလီၤစီၤမၤလကံယၤအဖိခွါ စီၤပၣ်ၡဃူၢ်ဒီးစီၤမၤစ့ယၤအဖိခွါပှၤလုၢ်တၢ်အခိၣ်စီၤစဖါနယၤဆူ ယအိၣ်, အိၣ်ဒီးတၢ်ဃ့ကညးဒ်လၢလာ်အံၤ, န့ၣ်လီၤ.

လံာ်ယံးရမံယၤ 29:25

အဝဲဆှၢလီၤတ့ၢ်လံာ်ပရၢတဘ့ၣ်လၢအကစၢ် ဒၣ်ဝဲအမံၤအပူၤ, ဆူကယဲၢ်ပှၤဂီၢ်မုၢ်လၢ ဝ့ၢ်ယရူၤ ရှလ့ၣ်အအိၣ်ဒီး ဆူစီၤမၤစ့ယၤအဖိခွါ ပှၤလုၢ်တၢ်အခိၣ် စီၤစဖါနယၤအအိၣ်, ဒီးဆူပှၤလုၢ်တၢ်အခိၣ်အဂၤ တဖၣ်ခဲလၢာ်အအိၣ်လီၤ. လၢလံာ်အံၤအပူၤန့ၣ်, စီၤၡမါယၤကွဲးတၢ်ဆူ စီၤစဖါနယၤအအိၣ်ဒီးစံးဝဲဒၣ်,

လံာ်ယံးရမံယၤ 29:29

စီၤစဖါနယၤဖးန့ၢ် ယၤလံာ်ပရၢန့ၣ်လီၤ, အန့ၣ်ဝံၤဒီး ယွၤစံးဘၣ်ယၤလၢ,

လံာ်ယံးရမံယၤ 34:21

ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

လံာ်ယံးရမံယၤ 37:3

စီၤပၤစံးဒကံယၤမၢလီၤ စီၤၡလ့မယၤအဖိခွါစီၤယဟူၤကၤလး ဒီးပှၤလုၢ်တၢ်အခိၣ်စီၤစဖါနယၤလၢ အမ့ၢ်စီၤမၤစ့ယၤ အဖိခွါဆူ ယအိၣ်လၢ ကမၢယၤဒ်သိးယကဃ့ထုကဖၣ်ဆူယွၤ, ပကစၢ်ယွၤအအိၣ်လၢပပှၤကလုာ်အခၢၣ်စးန့ၣ်လီၤ.

လံာ်ယံးရမံယၤ 52:12

လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

လံာ်ယံးရမံယၤ 52:15

ဝံၤဒီး, စီၤနဘူစၢ်ရဒၣ်က့ၤ ကိးကွံာ်ပှၤဂီၢ်မုၢ်လၢအအိၣ်လီၤတဲာ် လၢဝ့ၢ်အပူၤ, ပှၤမၤတၢ်ဖိအသ့အဘၣ်လၢ အအိၣ်တီၢ်တဖၣ်, ဒီးပှၤအဂၤတဖၣ်လၢ အပာ်လီၤတဲာ်အကီၢ်ဒီး ခီနုာ်ဆူပှၤဘၤဘူၤလိၣ်ဖိတဖၣ်အကျါန့ၣ်လီၤ.

လံာ်သးသယုၢ်တၢ် 4:16

ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်ယဃ့းစက့လး 11:7

လၢတၢ်န့ၣ်အဃိဒီး, အအံၤမ့ၢ်တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်သုန့ၣ်လီၤ. ဝ့ၢ်အံၤမ့ၢ်တၢ်တ့ၤအီၣ်ဖီအီၣ်အသပၢၤတဖျၢၣ်ကစီဒီ, ဘၣ်ဆၣ်တၢ်ညၣ်မ့ၢ်တၢ်မနုၤလဲၣ်. မ့ၢ်တၢ်အစိၣ်တဖၣ်လၢသုမၤသံ တ့ၢ်န့ၣ်လီၤ. သုတအိၣ်ဘၣ်ဖဲအံၤလၢၤဘၣ်. ယကကွံာ်ထီၣ်သုလၢဝ့ၢ်အံၤအချၢလီၤ.

လံာ်ယဃ့းစက့လး 24:5

သူသိအဂ့ၤကတၢၢ်အညၣ်တက့ၢ်. ဖှိၣ်ထီၣ်သ့ၣ်မုၣ်လၢသပၢၤအဖီလာ်တက့ၢ်. ပျဲထံချီကလာ်ထီၣ်တက့ၢ်. ချီတၢ်အဃံတဖၣ်ဒီးတၢ်ညၣ်တက့ၢ်.”

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.