လံာ်ယံးရမံယၤ 52:22 - Sgaw Karen Common Bible

²² လၢထူၣ်တထူၣ်စုာ်စုာ်အခိၣ်စိးန့ၣ် အိၣ်ဒီးတိၢ်ဘိအခိၣ်ထိးလၢ အထီအိၣ်ယဲၢ်ပျၢ်, ဒီးဝးတရံးအီၤန့ၣ် အိၣ်ဒီးတၢ်ထ့ဃ့တၢ်လၢ ထးဘိလၢအဘၣ်တၢ်ကယၢကယဲအီၤဒီး သလဲသၣ်တဖၣ်လၢ အဘၣ်တၢ်မၤအီၤလၢတိၢ်ဘီခဲလၢာ်န့ၣ်လီၤ.

လံာ်ယံးရမံယၤ 52:22 Iomraidhean Croise

လံာ်စီၤပၤအခီၣ်ထံးတဘ့ၣ် 7:20

ဒီးဘၣ်တၢ်မၤအီၤကဝီၤကျီၤလၢတၢ်အက့ၢ်အဂီၤထးသွဲ တဖၣ်အဖီခိၣ်န့ၣ်လီၤ. တၢ်အခိၣ်ထိးတခါစုာ်စုာ်အလိၤအိၣ်ဒီးသလဲသၣ်အဖျၢၣ်ခံကယၤ ရဲၣ်လီၤအသးခံဂ့ၢ်ဝးတရံးန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:42

တိၢ်ဘီသလဲသၣ်အဖျၢၣ်လွံၢ်ကယၤ, အိၣ်ဝဲခံဂ့ၢ်, တဂ့ၢ်အဖျၢၣ်တကယၤစုာ်စုာ်, ဘၣ်တၢ်ရဲၣ်လီၤအီၤဝးတရံးလၢတၢ်အခိၣ်ထိးတဖၣ်အလိၤ,

လံာ်စီၤပၤခံဘ့ၣ်တဘ့ၣ် 25:17

ထူၣ်ခံထူၣ်န့ၣ်လီၤဂာ်လိာ်အသးလီၤ. တထူၣ်စုာ်စုာ်န့ၣ်အထီ အိၣ်ဝဲတဆံဃိးပျၢ်အိၣ်ဒီးတိၢ်ဘီအခိၣ်ထိးတခါလၢအထိးနါ, လၢအထီဝဲသၢပျၢ်န့ၣ်လီၤ. ဝးတရံးတၢ်အခိၣ်ထိးတခါစုာ်စုာ် အလိၤန့ၣ်, တိၢ်ဘီအတၢ်ထ့ဃ့အသးလၢအဘၣ်တၢ်ကယၢကယဲ အီၤဒီးတိၢ်ဘီသလဲသၣ်တဖၣ်အိၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:15

လၢယွၤအတၢ်လုၢ်ဟံၣ်အမဲာ်ညါန့ၣ်, စီၤပၤမၢပှၤမၤဒီးပာ်လီၤ ထူၣ်ခံထူၣ်လၢ, တထူၣ်စုာ်စုာ်န့ၣ်အထီအိၣ်ဝဲသၢဆံ သၢပျၢ်လီၤ. ဒီးထူၣ်တထူၣ်ဘၣ်တထူၣ်န့ၣ်အိၣ်ဒီးအခိၣ်ထိးတခါ စုာ်စုာ်လၢအထီအိၣ်ဝဲယဲၢ်ပျၢ်န့ၣ်လီၤ.

လံာ်တၢ်ဟးထီၣ်ကွံာ် 28:25

စၢတံၢ်သွဲထူခံဘိအထိးနါလၢအဂၤတခီန့ၣ်ဖဲလၢၢ်တၢ်မျၢ်သူ ခံဖျၢၣ်အကနူၤတဖၣ်ဒီးလၢကျဲဒ်အံၤဘျးစဲအီၤဖဲအ့ဖိးအဖံထံ ခိၣ်အပျံၤခံဘိအမဲာ်ညါန့ၣ်တက့ၢ်.