လံာ်ယံးရမံယၤ 52:17 - Sgaw Karen Common Bible

¹⁷ ထူၣ်တိၢ်ဘီတဖၣ်ဒီး လ့ၣ်တဖၣ်လၢအအိၣ်လၢယွၤအတၢ်လုၢ်ဟံၣ်ပူၤ ဃုာ်ဒီးတိၢ်ဘီထံဒၢဖးဒိၣ်န့ၣ်, ပှၤဘၤဘူၤလိၣ်ဖိတဖၣ် မၤကၢ်လီၤကလဲကွံာ်ဝဲ, ဒီးအဝဲသ့ၣ်စိာ်ကွံာ်တိၢ်ဘီခဲလၢာ်ဆူ ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 52:17 Iomraidhean Croise

လံာ်စီၤပၤအခီၣ်ထံးတဘ့ၣ် 7:50

လီခီတဖၣ်, နီၣ်တံာ်လၢကမၤကဆှီမ့ၣ်အူဒၢအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢ တၢ်ကစိာ်မ့ၣ်အူအ့ၣ်တဖၣ်, သံၣ်ကျိၤတဖၣ်လၢတၢ်အလီၢ်စီဆှံကတၢၢ်အတြဲၤတဖၣ်ဒီးယွၤအတၢ် လုၢ်ဟံၣ်အကျဲစၢၤဆူတၢ်ချၢအတြဲၤတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:17

တၢ်ဆၢကတီၢ်ဟဲလံဝဲလၢတၢ်ကိးမံၤလၢနနူၢ်ပူၤစီၤပူၤ, တၢ်ကိးမံၤဒဲးလၢနပၢ်ဖးဒိၣ်လၢပျၢၤတဖၣ်ပာ်ဖှိၣ်အီၤတုၤမုၢ် မဆါတနံၤအံၤ, ကဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်န့ၣ်လီၤ. တၢ်တအိၣ်လီၤတဲာ်ဘၣ်နီတမံၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်ယံးရမံယၤ 52:20

တၢ်ပီးတၢ်လီတဖၣ် လၢစီၤပၤၡလိၤမိၤမၤတ့ၢ်ဝဲ လၢတိၢ်ဘီလၢ ယွၤအတၢ်လုၢ်ဟံၣ်အဂီၢ်လၢ အမ့ၢ်ဝဲ, ထူၣ်ခံထူၣ်, လ့ၣ်ကဟၣ်တဖၣ်, ထံဒၢ ဖးဒိၣ်, ဒီးဂီၤဖံးတဆံခံဒုလၢ အပၢၢ်ဃာ်အီၤန့ၣ်, အတယၢၢ်ဃၢကဲၣ်ဆိးလၢ တၢ်ကစီၤကွၢ်အီၤအဂီၢ် န့ၣ်လီၤ.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်ယဃ့းစက့လး 40:49

ဃီသွါတဖၣ်လၢအလဲၤထီၣ်ဆူကျဲစၢၤထံးအဒၢးန့ၣ်အလဲၢ် အိၣ်ဝဲအပျၢ်ခံဆံဒီးကစီၤထီၣ်ထီဝဲတဆံခံပျၢ်န့ၣ်လီၤ. တၢ်အထူၣ် အိၣ်ဝဲခံထူၣ်လၢကျဲစၢၤကျိၤထံးတခီတကပၤစုာ်စုာ်န့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.