လံာ်ယံးရမံယၤ 52:15 - Sgaw Karen Common Bible

¹⁵ ဝံၤဒီး, စီၤနဘူစၢ်ရဒၣ်က့ၤ ကိးကွံာ်ပှၤဂီၢ်မုၢ်လၢအအိၣ်လီၤတဲာ် လၢဝ့ၢ်အပူၤ, ပှၤမၤတၢ်ဖိအသ့အဘၣ်လၢ အအိၣ်တီၢ်တဖၣ်, ဒီးပှၤအဂၤတဖၣ်လၢ အပာ်လီၤတဲာ်အကီၢ်ဒီး ခီနုာ်ဆူပှၤဘၤဘူၤလိၣ်ဖိတဖၣ်အကျါန့ၣ်လီၤ.

လံာ်ယံးရမံယၤ 52:15 Iomraidhean Croise

လံာ်စီၤပၤခံဘ့ၣ်တဘ့ၣ် 25:11

ဝံၤဒီးစီၤနဘူစၢ်ရဒၣ်စိာ်ထီၣ်ကွံာ်, ပှၤဂီၢ်မုၢ်လၢအအိၣ်လီၤ တဲာ်ဒံးလၢဝ့ၢ်ပူၤခဲလၢာ်, ပှၤမၤတၢ်သ့ဂ့ၤဂ့ၤလၢအအိၣ်လီၤတဲာ်ဒံးတဖၣ်, ဒီးပှၤတဖၣ်လၢအပာ်လီၤတဲာ်အကီၢ်ဒီးခီနုာ်ဆူပှၤဘၤဘူၤလိၣ် ဖိတဖၣ်အကျါ, န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:8

လၢကီၢ်ဘၤဘူၤလိၣ်အစီၤပၤနဘူၤကးန့စၢ်, အနံၣ်တဆံခွံနံၣ်တနံၣ်လါယဲၢ်လါတလါထီၣ်နွံသီတသီ အနံၤန့ၣ်, စီၤပၤအပှၤဟ့ၣ်ကူၣ်တၢ်ဒီးအသုးမုၢ်အသုးခိၣ်ကျၢၢ် စီၤနဘူစၢ်ရဒၣ်လဲၤနုာ်လီၤဝဲဆူဝ့ၢ်ယရူၡလ့ၣ်အပူၤန့ၣ်လီၤ.

လံာ်ယံးရမံယၤ 1:3

ဒီးအဝဲကတိၤကဒီးတၢ်ဒီးအီၤဖဲစီၤယိၤၡံယၤအဖိခွါစီၤယဟိယါကံၣ် ကဲထီၣ်စီၤပၤအခါန့ၣ်လီၤ. အန့ၣ်ဝံၤအလီၢ်ခံ, ယွၤကတိၤတၢ်ဒီးအီၤအါဘျီတုၤလီၤလၢ စီၤယိၤၡံယၤအဖိခွါစီၤစံးဒကံယၤပၢတၢ်တဆံတနံၣ်အကတီၢ်န့ၣ်လီၤ. လၢနံၣ်အဝဲန့ၣ်ယဲၢ်လါတလါအပူၤန့ၣ်, ပှၤဂီၢ်မုၢ်လၢဝ့ၢ်ယရူၤ ၡလ့ၣ်တဖၣ်ဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ယဃ့းစက့လး 12:11

တဲဘၣ်အဝဲသ့ၣ်လၢ, တၢ်လၢနမၤတ့ၢ်န့ၣ်, မ့ၢ်တၢ်ပနီၣ်တမံၤလၢတၢ် လၢယဟဲဘၣ်အဝဲသ့ၣ်အဂီၢ်န့ၣ်တက့ၢ်. အဝဲသ့ၣ်ကကဲထီၣ်ပှၤဘၣ်ဃ့ၢ်ကွံာ်ဆူထံဂၤကီၢ်ဂၤတဖၣ်ဒီးပှၤလၢ အဘၣ်တၢ်ဖီၣ်န့ၢ်အီၤတဖၣ်န့ၣ်လီၤ.

လံာ်စကၤရယၤ 14:2

ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.