လံာ်ယံးရမံယၤ 52:12 - Sgaw Karen Common Bible

¹² လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

လံာ်ယံးရမံယၤ 52:12 Iomraidhean Croise

လံာ်တၢ်ကဲထီၣ်အခီၣ်ထံး 37:36

အကတီၢ်ဖဲန့ၣ်, လၢကီၢ်အဲၤကူပတူးအပူၤ, ပှၤမံးဒယၣ်ဖိတဖၣ်ဆါလီၤကွံာ်လံစီၤယိၤသးဆူစီၤပိၤတံၤ ဖၢ်, ပှၤပၢၤနီအခိၣ်တဂၤလၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤအစု ပူၤလီၤ.

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 25:8

လၢကီၢ်ဘၤဘူၤလိၣ်အစီၤပၤနဘူၤကးန့စၢ်, အနံၣ်တဆံခွံနံၣ်တနံၣ်လါယဲၢ်လါတလါထီၣ်နွံသီတသီ အနံၤန့ၣ်, စီၤပၤအပှၤဟ့ၣ်ကူၣ်တၢ်ဒီးအသုးမုၢ်အသုးခိၣ်ကျၢၢ် စီၤနဘူစၢ်ရဒၣ်လဲၤနုာ်လီၤဝဲဆူဝ့ၢ်ယရူၡလ့ၣ်အပူၤန့ၣ်လီၤ.

လံာ်စီၤဧ့စြၤ 5:12

ဘၣ်ဆၣ်ဒီးမ့ၢ်လၢပမိၢ်ပၢ်ဖံဖုလၢပျၢၤတဖၣ်မၤဒိၣ်ထီၣ်တ့ၢ် ကစၢ်ယွၤလၢမူခိၣ်အသးအဃိ, အဝဲပျဲကီၢ်ဘၤဘူၤလိၣ်အစီၤပၤနဘူၤကးန့စၢ်, စီၤပၤအစၢၤအသွဲၣ်တဂၤလၢပှၤက့ၤစ့းဖိအဘီအမုၢ်အပူၤမၤနၢၤ ကွံာ်အဝဲသ့ၣ်န့ၣ်လီၤ. တၢ်လုၢ်ဟံၣ်ဘၣ်တၢ်မၤဟးဂီၤကွံာ်အီၤဒီးပှၤဂီၢ်မုၢ်ဘၣ်တၢ်စိာ် မၢကဲကုၢ်ကွံာ်အီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤနဃ့မယၤ 2:3

ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

စံးထီၣ်ပတြၢၤ 79:1

ကစၢ်ယွၤဧၢ, ပှၤတဘူၣ်ထီၣ်ဘါထီၣ်နၤတဖၣ်ဟဲနုာ်တ့ၢ်လံလၢ နတၢ်န့ၢ်သါအပူၤလံ. အဝဲသ့ၣ်မၤဘၣ်အၢဘၣ်သီနတၢ်လုၢ်ဟံၣ်စီဆှံလံ. အဝဲသ့ၣ်ပာ်တ့ၢ်ကွံာ်ဝ့ၢ်လံယရူၤၡလ့ၣ်လၢအတၢ်ဟးဂီၤအပူၤ လံ.

လံာ်ယံးရမံယၤ 1:3

ဒီးအဝဲကတိၤကဒီးတၢ်ဒီးအီၤဖဲစီၤယိၤၡံယၤအဖိခွါစီၤယဟိယါကံၣ် ကဲထီၣ်စီၤပၤအခါန့ၣ်လီၤ. အန့ၣ်ဝံၤအလီၢ်ခံ, ယွၤကတိၤတၢ်ဒီးအီၤအါဘျီတုၤလီၤလၢ စီၤယိၤၡံယၤအဖိခွါစီၤစံးဒကံယၤပၢတၢ်တဆံတနံၣ်အကတီၢ်န့ၣ်လီၤ. လၢနံၣ်အဝဲန့ၣ်ယဲၢ်လါတလါအပူၤန့ၣ်, ပှၤဂီၢ်မုၢ်လၢဝ့ၢ်ယရူၤ ၡလ့ၣ်တဖၣ်ဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်ယံးရမံယၤ 32:29

ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 39:11

ဘၣ်ဆၣ်ဒီး စီၤပၤနဘူၤကးန့ စၢ်မၤလိာ်ဃီၤ သုးခိၣ်ဖးဒိၣ် စီၤနဘူစၢ်ရဒၣ်လၢ ကဟ့ၣ်လီၤ အကလုၢ်ဒ်လၢ လာ်အံၤအသိးန့ၣ်လီၤ.

လံာ်ယံးရမံယၤ 39:9

လၢခံကတၢၢ်, စီၤနဘူစၢ်ရဒၣ်လၢ အမ့ၢ်သုးခိၣ်ကျၢၢ်န့ၣ်, စိာ်ကွံာ်ပှၤဂီၢ်မုၢ်လၢ အိၣ်လီၤတဲာ်လၢ ဝ့ၢ်ပူၤတဖၣ် အဟဲဃ့ၢ်ခီနုာ်ဆူ အဝဲသ့ၣ်အအိၣ်, ဒ်ကုၢ်တဖၣ်အသိးဆူ ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 52:14

ဒီးအသုးဖိတဖၣ် မၤလီၤပှီၢ်ကွံာ် ဝ့ၢ်အခိၣ်ဒူတဖၣ်န့ၣ်လီၤ.

လံာ်ယံးရမံယၤ 52:29

လၢအဝဲပၢတၢ်ဃိးနံၣ်တနံၣ်န့ၣ်, ပှၤ ဃိးကယၤသၢဆံခံဂၤလၢ ဝ့ၢ်ယရူၤၡလ့ၣ်လီၤ.

လံာ်ဒၤနံးယ့လး 1:1

လၢကီၢ်ယူဒၤအပူၤဖဲစီၤပၤစီၤယဟိၤယါကံၣ်ပၢတၢ်သၢနံၣ်တနံၣ် န့ၣ်ကီၢ်ဘၤဘူၤလိၣ်အစီၤပၤစီၤနဘူၤကးန့စၢ်ဟဲကဝီၤဃာ်ဝ့ၢ် ယရူၤရှလ့ၣ်ဒီးဒုးတၢ်ဒ်သိးကမၤန့ၢ်အီၤန့ၣ်လီၤ.

လံာ်ဒၤနံးယ့လး 2:14

တုၤနုၤတစုစီၤဒၤနံးယ့လးလဲၤဆူပှၤပၢၤစီၤပၤအသးသမူအသုး ခိၣ်စီၤအၤရယိးပှၤတဂၤလၢကဘၣ်မၤသံပှၤဟ့ၣ်ကူၣ်တၢ်တဖၣ်န့ၣ် အအိၣ်ဒီးကတိၤတၢ်လၢတၢ်ကူၣ်ဘၣ်ဖးသ့ဒီးတၢ်သးဆးအပူၤ,

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”