လံာ်ယံးရမံယၤ 52:11 - Sgaw Karen Common Bible

¹¹ အန့ၣ်ဝံၤဒီး, အဝဲမၢပှၤအူခွဲးထီၣ်ကွံာ်စီၤစံးဒကံယၤအမဲာ်ချံတဖၣ်, မၢပှၤစၢဃာ်အီၤလၢထးသွဲတဖၣ်ဒီး က့ၤစိာ်ကွံာ်အီၤဆူ ကီၢ်ဘၤဘူၤလိၣ်န့ၣ်လီၤ. စီၤစံးဒကံယၤအိၣ်ဝဲလၢ ကီၢ်ဘၤဘူၤလိၣ်အဃိာ်ပူၤတုၤမုၢ်တနံၤလၢ အသံဝဲတစုန့ၣ်လီၤ.

လံာ်ယံးရမံယၤ 52:11 Iomraidhean Croise

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 39:7

အန့ၣ်ဝံၤဒီး, အဝဲအူခွဲးထီၣ်ကွံာ် စီၤစံးဒကံယၤ အမဲာ်ချံတဖၣ်ဒီး စၢဃာ်အီၤလၢ ထးသွဲတိၢ်ဘီဒ် သိး တၢ်ကက့ၤစိာ်အီၤဆူ ကီၢ်ဘၤဘူၤလိၣ်အဂီၢ်န့ၣ်လီၤ.

လံာ်သးသယုၢ်တၢ် 2:6

ဒိလီၤသဘှံးကွံာ်ဝဲတၢ်လုၢ်ဟံၣ်ဖဲပဘူၣ်ထီၣ်ဘါထီၣ်တ့ၢ်အီၤ န့ၣ်လီၤ. ဆိကတီၢ်ကွံာ်ဝဲမုၢ်နံၤစီဆှံတဖၣ်ဒီးမုၢ်အိၣ်ဘှံးအနံၤတဖၣ် လီၤ. စီၤပၤဒီးပှၤလုၢ်တၢ်အခိၣ်ကလၢၢ်ဘၣ်အတၢ်သးဒိၣ် အသဟီၣ်ဒ်သိးသိးလီၤ.

လံာ်ယဃ့းစက့လး 12:13

ဘၣ်ဆၣ်ဒီး, ယကသလၣ်ထီၣ်ယစၤဒီးဖီၣ်န့ၢ်အီၤလၢအပူၤန့ၣ်လီၤ. ဝံၤဒီး, ယကလဲၤစိာ်အီၤဆူဝ့ၢ်ဘၤဘူၤလိၣ်, တၢ်လီၢ်ဖဲအဝဲကသံဝဲ လၢတၢ်တထံၣ်ဘၣ်ဝ့ၢ်အံၤဘၣ်န့ၢ်လီၤ.

လံာ်ယဃ့းစက့လး 17:16

ယွၤပၢဘၣ်တၢ်ခဲလၢာ်ကစၢ်စံးဝဲ, ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိးန့ၣ်, ယစံးယဲလၢစီၤပၤအံၤကသံလၢကီၢ်ဘၤဘူၤလိၣ်အပူၤ မ့ၢ်လၢအဝဲမၤဟးဂီၤကွံာ်အတၢ်ဆိၣ်ဒီးအတၢ်အၢၣ်လီၤလၢအမၤတ့ၢ်ဝဲဒီးကီၢ်ဘၤဘူၤလိၣ်အစီၤပၤ, ပှၤတဂၤလၢအပာ်ထီၣ်အီၤလၢစီၤပၤအလီၢ်ပစိာ်အဃိန့ၣ်လီၤ.

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.