လံာ်ယံးရမံယၤ 51:64 - Sgaw Karen Common Bible

⁶⁴ ဒီးစံး, ‘တၢ်အံၤမ့ၢ် တၢ်လၢအကမၤအသးဒီး ကီၢ်ဘၤဘူၤလိၣ်န့ၣ် လီၤ. ကလီၤဒးဝဲဒီၤ တထီၣ်ဖီကဒီးလၢၤ နီတစုဘၣ်, မ့ၢ်လၢတၢ်ဟးဂီၤလၢ ယွၤကဒုးလီၤဘၣ်အီၤလၢအလိၤအဃိန့ၣ်လီၤ.’ ” စီၤယံးရမံယၤ အတၢ်ကတိၤတဖၣ် ကတၢၢ်ကဝဲဖဲအံၤလီၤ.

လံာ်ယံးရမံယၤ 51:64 Iomraidhean Croise

လံာ်စီၤယိၤဘး 31:40

လၢဘုကၠူၣ်ဒီးဘုမုယီၤအလီၢ်န့ၣ်မ်တၤဆှုၣ်တၤမဲဒီးနီၣ် ဧိၤမံၤဧိၤမဲထီၣ်တက့ၢ်. စီၤယိၤဘးအတၢ်ကတိၤတဖၣ်လၢာ်လံ

စံးထီၣ်ပတြၢၤ 72:20

စီၤယံးၡဲအဖိခွါစီၤဒၤဝံးအတၢ်ထုကဖၣ်န့ၣ်ဝံၤလံ.

စံးထီၣ်ပတြၢၤ 76:12

အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.

လံာ်ယၡါယၤ 47:13

နဒိးန့ၢ်ဘၣ်တၢ်ဟ့ၣ်ကူၣ်ဟ့ၣ်ဖးတဖၣ်ဒၣ်လဲာ်, တၢ်စိတၢ်ကမီၤတအိၣ်ဘၣ်ဒီးနၤဘၣ်. ပျဲနပှၤဖးဆၣ်ဧိၤဖီဧိၤတဖၣ်, ဟဲထီၣ်ဆူညါဒီးမၤပူၤဖျဲးနၤ, ပှၤတဖၣ်လၢအမၤလိဆၣ်ဧိၤဖီဧိၤ, ပှၤတဖၣ်လၢအတ့နီၣ်ကူၣ်ဖးမူ ခိၣ်မူကပိာ်လိၤအလီၢ်အကျဲန့ၣ် ဒီးစံးဘၣ်တဲဘၣ်နၤတၢ်လၢအကမၤအသးဒီးနၤတလါဝံၤတလါန့ၣ်တ က့ၢ်.

လံာ်ယံးရမံယၤ 13:4

“လဲၤဆူထံကျိဖးဒိၣ်ဖရၤသးဒီးပာ်ခူသူၣ်ဖျီၣ်ခံအဖုၣ်တဖၣ်န့ၣ် လၢတၢ်ပူၤတပူၤလၢလၢၢ်ကျါလ့ကျါန့ၣ်တက့ၢ်.”

လံာ်ယံးရမံယၤ 19:10

အန့ၣ်ဒီး, ယွၤတဲဘၣ်ယၤလၢယကမၤသ့ၣ်ဖးသပၢၤဟီၣ်ခိၣ်လၢ ပှၤလၢအလဲၤဃုာ်တၢ်ဒီးယၤတဖၣ်အမဲာ်ညါလီၤ.

လံာ်ယံးရမံယၤ 25:27

အန့ၣ်ဝံၤဒီး, ယွၤစံးဘၣ်ယၤ, “တဲဘၣ်ပှၤဂီၢ်မုၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယမၤလိာ်အဝဲသ့ၣ် လၢကအီဝဲတုၤ အဝဲသ့ၣ်မူၤဒီးဘှီးဝဲ, တုၤလၢအလီၤဃံၤဒီး ဆၢထၢၣ်က့ၤတန့ၢ်လၢၤဘၣ်, လၢတၢ်ဒုးလၢ ယဆှၢလီၤထီဒါအဝဲသ့ၣ်အဃိန့ၣ်လီၤ.

လံာ်ယံးရမံယၤ 51:42

ပီၣ်လဲၣ်ထွၣ်တလ့ၣ်ထီၣ်အသးလၢ ဘၤဘူၤလိၣ် အဖီခိၣ်ဒီး လုၣ်ဘၢအီၤဒီးလပီလၢအသီၣ်ထီၣ်ရုၢ် ရုၢ်တဖၣ်န့ၣ်လီၤ.

လံာ်ယံးရမံယၤ 51:58

ဝ့ၢ်ဘၤဘူၤလိၣ်အခိၣ်ဒူဖးလဲၢ် ကဘၣ်တၢ်မၤလီၤ ပှီၢ်အီၤဆူဟီၣ်ခိၣ်လိၤ ဒီးအတြဲၤဖးထီတဖၣ်မ့ၣ်အူကအီၣ်ကွံာ်အီၤလီၤ. ပှၤကလုာ်တဖၣ်အတၢ်မၤကကဲထီၣ်တၢ်ကလီကလီ ဒီးအတၢ်ကျဲးစၢးခဲလၢာ်ကကဲထီၣ်မ့ၣ်အူဆၣ်န့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံၤ. ”

လံာ်ယံးရမံယၤ 9:5

အဝဲသ့ၣ်ခဲလၢာ်ဆှၢကမၣ်အတံၤသကိးတဖၣ် ဒီးပှၤတတဲတၢ်မ့ၢ်တၢ်တီနီတဂၤဘၣ်. အဝဲသ့ၣ်သိၣ်လိအပျ့ၤတဖၣ်လၢကကတိၤလီတၢ်, ဒီးတပျဲစုပျၢ်ခီၣ်ဘၣ်လၢအဝဲသ့ၣ်အတၢ်မၤတၢ်ဒဲးဘး တဖၣ်န့ၣ်ဘၣ်.

လံာ်ယဃ့းစက့လး 28:19

နတအိၣ်လၢၤဘၣ်. နဟါမၢ်ကွံာ်လံလီၤစိၤလီၤထီလံ, ဒီးကယဲၢ်ပှၤကလုာ်လၢအသ့ၣ်ညါတ့ၢ်နၤတဖၣ် ပျံၤတၢ်ဖုးတၢ်, ဒီးဘၣ်ယိာ်ဝဲလၢနတၢ်ဟဲဝံဟဲစိာ်အံၤကဘၣ်ဘၣ်ဖုးအဝဲသ့ၣ်န့ၣ်လီၤ.”

လံာ်ဃဘးကူာ် 2:13

ပှၤကလုာ်တဖၣ်လၢသုမၤနၢၤတ့ၢ်အီၤန့ၣ်မၤလီၤ ဘှံးလီၤဘှါအသးလၢတၢ်မၤတဂိာ်တသီၣ်ဘၣ်အပူၤ, ဒီးကယဲၢ်တၢ်လၢအသူၣ်ထီၣ်ဝဲတဖၣ်န့ၣ်လၢာ်ကွံာ်လၢမ့ၣ်အူ အပူၤလီၤ. ယွၤသ့တၢ်လၢာ်မၤတ့ၢ်လံတၢ်အံၤလံ.

လံာ်လီၣ်ဖျါ 14:8

ကလူးခံဂၤတဂၤပိာ်ထီၣ်တၢတဂၤအခံဒီးစံးဝဲ, “အဝဲ ဒၣ်လီၤပှီၢ်ကွံာ်ဝဲလံ, ဝ့ၢ်ဘၤဘူၤလိၣ်ဖးဒိၣ်လီၤပှီၢ်ကွံာ်ဝဲလံ. အဝဲဒၣ်မၢတ့ၢ်ပှၤကိးကလုာ်ဒဲးအီစပံးထံ, စပံးထံအဆူၣ်ဘၣ်ဃးဒီးအတၢ်ကလုာ်ကလိၤအတဂ့ၤ တဝါန့ၣ်လီၤ.”

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.