လံာ်ယံးရမံယၤ 51:62 - Sgaw Karen Common Bible

⁶² ဝံၤဒီး ဘါထုကဖၣ်တၢ်ဒီး စံးလၢ, ‘ယွၤဧၢ, နစံးတ့ၢ်လၢ နကမၤဟးဂီၤတၢ်လီၢ်အံၤ ဒ်သိးပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးလၢၤလၢအပူၤဘၣ်ဒီး ကလီၤဂာ်ဒီးတၢ်အိၣ်သယုၢ်အလီၢ်အစိၤစိၤအဃၣ်ဃၣ်န့ၣ်လီၤ.’

လံာ်ယံးရမံယၤ 51:62 Iomraidhean Croise

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 33:12

ယွၤသ့တၢ်လၢာ်စံးဝဲဒၣ်, “လၢကီၢ်လၢအလီၤဂာ်ဒီး မဲးမုၢ်ခိၣ်တတီၤအံၤအပူၤ, ဒီးလၢတၢ်လီၢ်ဖဲပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဘၣ်လၢအပူၤအံၤန့ၣ်, တၢ်အီၣ်ဆၣ်အလီၢ်လါဟ့ တဖၣ်လၢပှၤကွၢ်သိတဖၣ် ကဒုးကိာ်လီၤအသိန့ၣ် ကအိၣ်ထီၣ်က့ၤကဒီးဝဲလီၤ.

လံာ်ယံးရမံယၤ 50:12

ဘၣ်ဆၣ်ဒီး, သုကစၢ်ဒၣ်ဝဲသုဝ့ၢ်ဖးဒိၣ်ကဘၣ်တၢ်ဆီၣ်လီၤအီၤ, ဒီးမၤမဲာ်ဆှးကွံာ်အီၤလီၤ. ကီၢ်ဘၤဘူၤလိၣ်ကကဲထီၣ်ကီၢ်အဆံးကတၢၢ်လၢ တဒိၣ်တမုၢ်ဘၣ်လၢ ထံကီၢ်တဖၣ်အကျါ, ဒီးကကဲထီၣ်မဲးမုၢ်ခိၣ်လၢ အဃ့ထီတတီၤဖဲ ထံတအိၣ်ဘၣ်န့ၣ်လီၤ.

လံာ်ယံးရမံယၤ 50:13

မ့ၢ်လၢယသးဒိၣ်ထီၣ်အဃိ, ပှၤတအိၣ်ဆိးဘၣ်လၢ ကီၢ်ဘၤဘူၤလိၣ်အပူၤနီတဂၤဘၣ်. ကအိၣ်တ့ၢ်လၢတၢ်ဟးဂီၤ အပူၤဒီးပှၤလၢအလဲၤတြူာ်ဘၣ်အီၤခဲလၢာ် ကကမၢကမၣ်ဒီးအသးကလီၤကတုၤဝဲလီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 51:29

ဟီၣ်ခိၣ်ကနိးကစုာ်ဒီး ဟူးဝးဝဲ, မ့ၢ်လၢယွၤမၤထွဲအတၢ်ကူၣ်ကျဲၤ ဒ်သိးကဒုးကဲထီၣ်ကီၢ်ဘၤဘူၤလိၣ်လၢမဲးမုၢ်ခိၣ်တတီၤဖဲပှၤ တအိၣ်တဆိးနီတဂၤဘၣ်အဃိန့ၣ်လီၤ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယံးရမံယၤ 51:43

ဝ့ၢ်တဖၣ်ကဲထီၣ်တၢ်ထံၣ်ဘၣ်လၢ အလီၤပျံၤလီၤ ဖုးဒီး မၤအသးဒ် မဲးမုၢ်ခိၣ်လၢ ထံတအိၣ်ဘၣ်, ဖဲပှၤတအိၣ်ဆိးနီတဂၤမ့ၢ်ဂ့ၤ, ပှၤတလဲၤတၢ် က့ၤတၢ်ဒၣ်လဲာ်လၢ အပူၤမ့ၢ်ဂ့ၤအသိးန့ၣ်လီၤ.

လံာ်ယံးရမံယၤ 51:61

ယတဲဘၣ်တ့ၢ် စီၤစရါယၤဒ်အံၤ, “ဖဲနလဲၤတုၤဆူ ကီၢ်ဘၤဘူလိၣ်န့ၣ်, တၢ်ကိးမံၤဒဲးလၢ တၢ်ကွဲးလီၤတ့ၢ်အီၤ ဖဲအံၤန့ၣ်, ဖးန့ၢ်ပှၤဂီၢ်မုၢ်လၢ နကလုၢ်ဖးဒိၣ်သပှၢ်တၢၢ်န့ၣ်တက့ၢ်.

လံာ်ယဃ့းစက့လး 35:9

ယကဒုးအိၣ်သယုၢ်လီၤဃီနၤတစိၤသးဒီးပှၤတအိၣ်ဆိးကဒီး ဘၣ်လၢနဝ့ၢ်ပူၤနီတဂၤလၢၤဘၣ်. အန့ၣ်တစုသုကသ့ၣ်ညါလၢ ယမ့ၢ်ယွၤန့ၣ်လီၤ.