လံာ်ယံးရမံယၤ 51:61 - Sgaw Karen Common Bible

⁶¹ ယတဲဘၣ်တ့ၢ် စီၤစရါယၤဒ်အံၤ, “ဖဲနလဲၤတုၤဆူ ကီၢ်ဘၤဘူလိၣ်န့ၣ်, တၢ်ကိးမံၤဒဲးလၢ တၢ်ကွဲးလီၤတ့ၢ်အီၤ ဖဲအံၤန့ၣ်, ဖးန့ၢ်ပှၤဂီၢ်မုၢ်လၢ နကလုၢ်ဖးဒိၣ်သပှၢ်တၢၢ်န့ၣ်တက့ၢ်.

လံာ်ယံးရမံယၤ 51:61 Iomraidhean Croise

လံာ်ယံးရမံယၤ 51:60

ယကွဲးလီၤတၢ်လၢလံာ်တဘ့ၣ်အပူၤန့ၣ်, ယကျဲၤလီၤတၢ်ဂ့ၢ်ဘၣ်ဃးဒီးတၢ်ဟးဂီၤခဲလၢာ်လၢ အကဘၣ်ကီၢ်ဘၤဘူၤလိၣ်, ဃုာ်ဒီးတၢ်အဂၤတဖၣ်ခဲလၢာ်ဘၣ်ဃးဒီး ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 51:62

ဝံၤဒီး ဘါထုကဖၣ်တၢ်ဒီး စံးလၢ, ‘ယွၤဧၢ, နစံးတ့ၢ်လၢ နကမၤဟးဂီၤတၢ်လီၢ်အံၤ ဒ်သိးပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးလၢၤလၢအပူၤဘၣ်ဒီး ကလီၤဂာ်ဒီးတၢ်အိၣ်သယုၢ်အလီၢ်အစိၤစိၤအဃၣ်ဃၣ်န့ၣ်လီၤ.’

လံာ်မးသဲ 24:1

ဖဲယ့ၣ်ၡူးဟးထီၣ်လၢတၢ်လုၢ်ဟံၣ်ပူၤအဖၢမုၢ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ဒီးဒုးနဲၣ်အီၤလၢတၢ်လုၢ်ဟံၣ် အတၢ်သူၣ်ထီၣ်တဖၣ်လီၤ.

လံာ်မၢ်ကူး 13:1

ဖဲယ့ၣ်ၡူးဟဲက့ၤထီၣ်လၢတၢ်လုၢ်ဟံၣ်ပူၤအကတီၢ်န့ၣ်, အပျဲၢ်အဘီၣ်အကျါတဂၤစံးဘၣ်အီၤ, “ကွၢ်တက့ၢ်, သရၣ်ဧၢ, လၢၢ်သ့ၣ်တဖၣ်ဒီးတၢ်သူၣ်ထီၣ်သ့ၣ်တဖၣ်မ့ၢ်တၢ်လၢ အလီၤဘီလီၤမုၢ်မးလဲၣ်.”

ကလီးစဲ 4:16

တုၤပှၤဖးလံာ်ပရၢအံၤဝံၤဒီးမၤဒ်သိးဝ့ၢ်လီၤဒံၤကံအတၢ် အိၣ်ဖှိၣ်စ့ၢ်ကီးကဖးဘၣ်ဝဲသပှၢ်ကတၢၢ်တက့ၢ်. သုဝဲစ့ၢ်ကီးဖးဘၣ်လံာ်ပရၢလၢယကွဲးန့ၢ်အဝဲသ့ၣ်လၢအဝဲသ့ၣ် ကဆှၢလီၤန့ၢ်သုတက့ၢ်.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

၁ သ့းစၤလနံ 5:27

ယမၢန့ၢ်ဆီၣ်ခံသုလၢကစၢ်အမံၤအပူၤ, လၢသုကဖးဖျါထီၣ်လံာ်ပရၢ တဘ့ၣ်အံၤလၢဒီပုၢ်ဝဲၢ်ပှၤစူၢ်က့ၤနာ်က့ၤတၢ်ကိးဂၤဒဲးအမဲာ်ညါန့ၣ်လီၤ.

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.