လံာ်ယံးရမံယၤ 51:60 - Sgaw Karen Common Bible

⁶⁰ ယကွဲးလီၤတၢ်လၢလံာ်တဘ့ၣ်အပူၤန့ၣ်, ယကျဲၤလီၤတၢ်ဂ့ၢ်ဘၣ်ဃးဒီးတၢ်ဟးဂီၤခဲလၢာ်လၢ အကဘၣ်ကီၢ်ဘၤဘူၤလိၣ်, ဃုာ်ဒီးတၢ်အဂၤတဖၣ်ခဲလၢာ်ဘၣ်ဃးဒီး ကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 51:60 Iomraidhean Croise

လံာ်ယၡါယၤ 30:8

ကစၢ်ယွၤစံးဘၣ်တ့ၢ်ယၤလၢယကကွဲးလီၤတၢ်လၢလံာ်တဘ့ၣ် အပူၤလၢပှၤဂီၢ်မုၢ်မ့ၢ်တၢ်ဒ်လဲၣ်, ဒ်သိးဒီးအဝဲသ့ၣ်အၢသီဝဲ ထဲလဲၣ်န့ၣ်တၢ်ကွဲးနီၣ်ကွဲးဃါအဂၢၢ်အကျၢၤကအိၣ်ဝဲအဂီၢ်လီၤ.

လံာ်ယံးရမံယၤ 36:32

အန့ၣ်ဝံၤဒီး, ယဟံးန့ၢ်လံာ်ထူအဂၤတထူဒီးဟ့ၣ်လီၤအီၤဆူ ယပှၤကွဲးလံာ် စီၤဘၤရူးအစုပူၤ, ဒီးအဝဲကွဲးလီၤဝဲ တၢ်ခဲလၢာ် လၢယကိးထီၣ်န့ၢ်အီၤလီၤ. အဝဲကွဲးတၢ်ခဲလၢာ်လၢ အအိၣ်တ့ၢ် လံဝဲလၢ လံာ်ထူအခီၣ်ထံးအထူအပူၤ, ဒီးပာ်ဖှိၣ်အါထီၣ်တၢ်ကစီၣ် ဒ်န့ၣ်အသိးတဖၣ်လၢ ယကိးထီၣ်န့ၢ် အီၤလၢ ကကွဲးလီၤဝဲအဂီၢ်န့ၣ်လီၤ.

လံာ်ယံးရမံယၤ 51:1

ယွၤစံးဝဲဒၣ်, “ယဟဲစိာ်ကလံၤမၤဟးဂီၤတၢ်ထီဒါ ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:61

ယတဲဘၣ်တ့ၢ် စီၤစရါယၤဒ်အံၤ, “ဖဲနလဲၤတုၤဆူ ကီၢ်ဘၤဘူလိၣ်န့ၣ်, တၢ်ကိးမံၤဒဲးလၢ တၢ်ကွဲးလီၤတ့ၢ်အီၤ ဖဲအံၤန့ၣ်, ဖးန့ၢ်ပှၤဂီၢ်မုၢ်လၢ နကလုၢ်ဖးဒိၣ်သပှၢ်တၢၢ်န့ၣ်တက့ၢ်.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 1:19

ခဲကနံၣ်အံၤ, ကွဲးလီၤတၢ်သ့ၣ်တဖၣ်လၢနထံၣ်ဘၣ်နဲ, တၢ်လၢအမၤအသးခဲကနံၣ်အံၤ, ဒီးတၢ်လၢအကမၤအသးလၢခံ တဖၣ်န့ၣ်တက့ၢ်.