လံာ်ယံးရမံယၤ 51:6 - Sgaw Karen Common Bible

⁶ ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယံးရမံယၤ 51:6 Iomraidhean Croise

စံးထီၣ်ပတြၢၤ 94:1

ယွၤဧၢ, နမ့ၢ်ကစၢ်ယွၤလၢအသိၣ်ဃီၣ်တၢ်လီၤ. ပာ်ဖျါထီၣ်နတၢ်သးထီၣ်တက့ၢ်.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယံးရမံယၤ 25:14

ယကမၤဘၣ်က့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤတ့ၢ်ဝဲ အဃိ, ဒီးပှၤကလုာ်အါကလုာ် ဒီးစီၤပၤဖးဒိၣ်တဖၣ် ကဒုးကဲထီၣ်အဝဲသ့ၣ်လၢကုၢ်တဖၣ် န့ၣ်လီၤ.”

လံာ်ယံးရမံယၤ 25:16

ဖဲအဝဲသ့ၣ်အီဝဲန့ၣ်, အဝဲသ့ၣ်ကလဲၤတၢ်ကနူၤကပၤဒီး ကပျုၢ်ထီၣ်ဝဲ, မ့ၢ်လၢတၢ်ဒုးလၢ ယကမၢလီၤထီဒါအဝဲသ့ၣ်အဃိန့ၣ်လီၤ.”

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 48:6

အဝဲသ့ၣ် စံးဝဲဒၣ်, ‘မၤချ့ချ့ဃ့ၢ်ကွံာ်လၢသုသးသမူအဂီၢ်တက့ၢ်. ဃ့ၢ်ဒ်မဲးမုၢ်ခိၣ်ကသ့ၣ်ယီၤမံၤတဒုအသိးန့ၣ်တက့ၢ်,’

လံာ်ယံးရမံယၤ 50:15

ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်. မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.

လံာ်ယံးရမံယၤ 50:28

(ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်, ဒ်လဲၣ်အဂ့ၢ်န့ၣ်လီၤ.)

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 50:8

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ထွးထီၣ်ဃ့ၢ်ကွံာ်လၢ ကီၢ်ဘၤဘူၤလိၣ်တက့ၢ်. ပာ်တ့ၢ်ကွံာ်ကီၢ်န့ၣ်တက့ၢ်. မ်နကမ့ၢ်ဒၣ်ဝဲ ပှၤအဆိကတၢၢ်လၢ အကဟးထီၣ်န့ၣ်တက့ၢ်.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:36

မၤသးဒ်န့ၣ်ဒီး, ယွၤစံးဘၣ်ဝ့ၢ်ယရူၤရှလ့ၣ်အပှၤဂီၢ်မုၢ်, “ယကဟံးထီၣ်သုကွီၢ်, ဒီးမၢသုဒုၣ်သုဒါဟ့ၣ်ဆၢက့ၤတၢ် အပှ့ၤလၢတၢ်လၢအဝဲသ့ၣ်မၤဘၣ်တ့ၢ်သုအဂီၢ်န့ၣ်လီၤ. ယကမၤလီၤသံးကွံာ် ဝ့ၢ်ဘၤဘူၤလိၣ်အထံဟဲထီၣ် အဂံၢ်ထံးဒီး မၤဃ့ထီကွံာ်အထံကျိတဖၣ်န့ၣ်လီၤ.

လံာ်ယံးရမံယၤ 51:45

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဃ့ၢ်ထွးထီၣ်ကွံာ်ဖဲန့ၣ်တက့ၢ်. ဃ့ၢ်ထီၣ်ကွံာ်လၢ သုသးသမူအဂီၢ်ဒီး လၢယတၢ်သးကဲၤထီၣ် အအိၣ်န့ၣ်တက့ၢ်.

လံာ်ယံးရမံယၤ 51:50

ယွၤစံးဘၣ်အပှၤဂီၢ်မုၢ်လၢ ကီၢ်ဘၤဘူၤလိၣ် အပူၤ, “သုထူၣ်ဖျဲးတ့ၢ်လၢတၢ်သံလံ. အခဲကနံၣ်အံၤ လဲၤတၢ်တက့ၢ်. တဘၣ်အိၣ်ခိးတၢ်တဂ့ၤ. သုမ့ၢ်အိၣ်ယံၤ ဒီးဟံၣ်ဒၣ်လဲာ်န့ၣ်, ဆိကမိၣ်တၢ်ဘၣ်ဃးဒီးယၤ, သုကစၢ်, ဒီးသ့ၣ်နီၣ်ထီၣ်က့ၤ ဝ့ၢ်ယရူၤရှလ့ၣ်န့ၣ်တက့ၢ်.

လံာ်ယံးရမံယၤ 51:56

အဝဲသ့ၣ်ဟဲဝဲလၢ ကမၤဟးဂီၤကီၢ်ဘၤဘူၤလိၣ်အဂီၢ်လီၤ. အသုးဖိတဖၣ်ဘၣ်တၢ်ဖီၣ်န့ၢ်အီၤဒီးအချံၣ်တဖၣ်ကၢ်ကွံာ်ဝဲလံ. ယမ့ၢ်ကစၢ်ယွၤလၢ အစံၣ်ညီၣ်တၢ်အၢတၢ်သီ, ဒီးယကမၤဘၣ်ကီၢ်ဘၤဘူၤလိၣ်ဒ် တၢ်လၢအကြၢး ဒီးအီၤအသိးန့ၣ်လီၤ.

လံာ်ယံးရမံယၤ 51:9

ပှၤတခီဘီမုၢ်ဖိလၢ အအိၣ်ဆိးဖဲန့ၣ်တဖၣ် စံးဝဲဒၣ်, ‘ပကျဲးစၢးမၤစၢၤတ့ၢ်ကီၢ်ဘၤဘူၤလိၣ်, ဘၣ်ဆၣ်စဲၤခံကဲၣ်ဆိးလံ. မ်ပပာ်တီၢ်အီၤအခဲအံၤ, ဒီးက့ၤကဒါက့ၤဆူ ဟံၣ်တက့ၢ်. ကစၢ်ယွၤစံၣ်ညီၣ်လံ ကီၢ်ဘၤဘူၤလိၣ်လၢအဂံၢ်ဆူၣ်ဘါဆူၣ်အပူၤဒီး မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.’ ”

လံာ်သးသယုၢ်တၢ် 3:64

စံၣ်ညီၣ်အဝဲသ့ၣ်လၢတၢ်လၢအမၤတ့ၢ်ဝဲတဖၣ်အဃိတက့ၢ်, ယွၤဧၢ,

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

လံာ်သိၣ်လီၤသီလီၤတၢ် 32:25

တၢ်ဒုးတၢ်ယၤကဟဲစိာ်တၢ်သံလၢကျဲတဖၣ်အပူၤ, တၢ်လီၤပျံၤလီၤဖုးတဖၣ်ကမၤဒၢၣ်တၢ်လၢဟံၣ်တဖၣ်အပူၤလီၤ. ပိာ်ခွါသးစၢ်တဖၣ်ဒီးပိာ်မုၣ်သးစၢ်တဖၣ်ကသံဝဲ ဒီးဖိသၣ်ဆံးတဖၣ်မ့ၢ်ဂ့ၤ, ပှၤသးပှၢ်တဖၣ်မ့ၢ်ဂ့ၤဒၣ်လဲာ်, တၢ်တပာ်မူတ့ၢ်လၢၤအီၤဘၣ်.

လံာ်သိၣ်လီၤသီလီၤတၢ် 32:41

လၢကယကျ့အ့ၣ်ထီၣ်ယနးလၢအကတြ့ၣ်ကတြိၣ်တဘ့ၣ် ဒီးထံၣ်လၢတၢ်စံၣ်ညီၣ်တီမၤအသးန့ၣ်လီၤ. ယကဟ့ၣ်ကၣ်တၢ်လၢယဒုၣ်ယဒါတဖၣ်အလိၤ, ဒီးစံၣ်ညီၣ်ပှၤတဖၣ်လၢအသးဟ့ယၤန့ၣ်လီၤ.

လံာ်သိၣ်လီၤသီလီၤတၢ် 32:43

ပှၤကလုာ်တဖၣ်ဧၢ, သုကဘၣ်စံးထီၣ်ပတြၢၤယွၤအပှၤဂီၢ်မုၢ်, အဝဲစံၣ်ညီၣ်ကယဲၢ်ပှၤလၢအမၤသံအဝဲသ့ၣ်န့ၣ်လီၤ. အဝဲဟ့ၣ်ကၣ်တၢ်လၢအဒုၣ်အဒါတဖၣ်အလိၤ ဒီးပျၢ်ကွံာ်အဝဲအပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ.”

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.