လံာ်ယံးရမံယၤ 51:57 - Sgaw Karen Common Bible

⁵⁷ ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 51:57 Iomraidhean Croise

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 13:13

အန့ၣ်ဒီး, တဲဘၣ်အဝဲသ့ၣ်လၢယၤ, ယွၤအံၤ, ယကမၤပှဲၤပှၤဂီၢ်မုၢ်လၢထံကီၢ်အံၤအ ပူၤဒီးစပံးထံကအိမူၤအသး, ပှၤတဖၣ်လၢအမ့ၢ်စီၤပၤတဖၣ်လၢ အလီၤစၢၤလီၤသွဲၣ်လၢစီၤဒၤဝံး, ပှၤလုၢ်တၢ်အခိၣ်တဖၣ်, ဝံတဖၣ်ဒီးပှၤဂီၢ်မုၢ်လၢဝ့ၢ်ယ ရူၤၡလ့ၣ်ပူၤခဲလၢာ်န့ၣ်လီၤ.

လံာ်ယံးရမံယၤ 25:27

အန့ၣ်ဝံၤဒီး, ယွၤစံးဘၣ်ယၤ, “တဲဘၣ်ပှၤဂီၢ်မုၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယမၤလိာ်အဝဲသ့ၣ် လၢကအီဝဲတုၤ အဝဲသ့ၣ်မူၤဒီးဘှီးဝဲ, တုၤလၢအလီၤဃံၤဒီး ဆၢထၢၣ်က့ၤတန့ၢ်လၢၤဘၣ်, လၢတၢ်ဒုးလၢ ယဆှၢလီၤထီဒါအဝဲသ့ၣ်အဃိန့ၣ်လီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်ယံးရမံယၤ 50:30

လၢတၢ်န့ၣ်အဃိ, အပှၤပိာ်ခွါသးစၢ်တဖၣ်ကဘၣ်တၢ်မၤသံအီၤ လၢဝ့ၢ်အကျဲဘိတဖၣ်အပူၤ, ဒီးသုးဖိခဲလၢာ်ကဘၣ်တၢ်မၤဟးဂီၤအီၤလၢ မုၢ်နံၤအဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:39

မ့ၢ်အဝဲသ့ၣ်သးကွံအီၣ်တၢ်အီတၢ်ဧါ. ယကတဲာ်ကတီၤန့ၢ် အဝဲသ့ၣ်တၢ်အီၣ်အမူး တမူးဒီးဒုးအီမူၤအီဘှီးအဝဲသ့ၣ်ဒီး မၤသူၣ်ဖှံသးညီအီၤလီၤ. အဝဲသ့ၣ်ကမံဝဲဒီးတပၢၢ်ထီၣ်နီတစုလၢၤဘၣ်.

လံာ်ယဃ့းစက့လး 20:33

ဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်နီၢ်နီၢ်ကစၢ်ယွၤလၢ အမူဝဲအသိး, ယစံးယဲ, ယဟ့ၣ်ပလီၢ်သုလၢ, လၢယတၢ်သးဒိၣ်အပူၤယကပၢဘၣ်သုလၢယစုဆူၣ်ဒီးလၢယစိ ကမီၤခဲလၢာ်အပူၤန့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.

လံာ်မၤလကံ 1:14

ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.