လံာ်ယံးရမံယၤ 51:56 - Sgaw Karen Common Bible

⁵⁶ အဝဲသ့ၣ်ဟဲဝဲလၢ ကမၤဟးဂီၤကီၢ်ဘၤဘူၤလိၣ်အဂီၢ်လီၤ. အသုးဖိတဖၣ်ဘၣ်တၢ်ဖီၣ်န့ၢ်အီၤဒီးအချံၣ်တဖၣ်ကၢ်ကွံာ်ဝဲလံ. ယမ့ၢ်ကစၢ်ယွၤလၢ အစံၣ်ညီၣ်တၢ်အၢတၢ်သီ, ဒီးယကမၤဘၣ်ကီၢ်ဘၤဘူၤလိၣ်ဒ် တၢ်လၢအကြၢး ဒီးအီၤအသိးန့ၣ်လီၤ.

လံာ်ယံးရမံယၤ 51:56 Iomraidhean Croise

လံာ်တၢ်ကဲထီၣ်အခီၣ်ထံး 49:24

ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ.

စံးထီၣ်ပတြၢၤ 137:8

ဘၤဘူၤလိၣ်ဧၢ, နကဘၣ်တၢ်မၤဟးဂီၤန့ၣ်လီၤ. ပှၤလၢအဟ့ၣ်ကၣ်က့ၤနၤလၢ တၢ်လၢနမၤဘၣ်တ့ၢ်ပှၤအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 37:15

အနးတဖၣ်ကဆဲးဘၣ်က့ၤအသးဒၣ်ဝဲ ဒီးအချံၣ်တဖၣ်ကဘၣ်တၢ်မၤကၢ်ကွံာ်အီၤန့ၣ်လီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

စံးထီၣ်ပတြၢၤ 76:3

အဝဲမၤကၢ်ကွံာ်အဒုၣ်အဒါတဖၣ်အပျၢ်, အကတီၤဒီးအနးတဖၣ်ဒီးကယဲၢ်အဝဲသ့ၣ် အစုကဝဲၤခဲလၢာ်ဖဲန့ၣ်လီၤ. စ့လၤ

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 34:8

ခဲအံၤကမ့ၢ်တၢ်ဆၢကတီၢ်လၢယွၤကအုၣ်က့ၤခီၣ်က့ၤဝ့ၢ်စံယိၣ် ဒီးဟ့ၣ်ကၣ်အဒုၣ်အဒါတဖၣ်န့ၣ်လီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယံးရမံယၤ 49:35

အဝဲစံးဝဲဒၣ်, “ယကမၤသံကွံာ်ပှၤခးချံၣ်ဖိတဖၣ်ခဲလၢာ်လၢ အဒုးဒိၣ်စိဒိၣ်ကမီၤထီၣ် ကီၢ်ဧ့ၤလၣ်အဃိန့ၣ်လီၤ.

လံာ်ယံးရမံယၤ 50:10

ကီၢ်ဘၤဘူၤလိၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပှၤတဖၣ်လၢ အဂုာ်ဆူၣ်ပျီဆူၣ်အီၤ, ကဟံးန့ၢ်တၢ်ခဲလၢာ်လၢ အသးလီဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:36

မ်တၢ်သံကဘၣ်အဝံလၢ အလီအတၢ်တဖၣ်တက့ၢ်. အဝဲသ့ၣ်မ့ၢ်မးပှၤဟးဂီၤဖိတဖၣ်န့ၣ်လီၤ. မ်တၢ်သံကဘၣ်အပှၤသုးဖိတဖၣ်န့ၣ်တက့ၢ်. အဝဲသ့ၣ်ကပျံၤတၢ်ဖုးတၢ်ဒိၣ်မးလီၤ.

လံာ်ယံးရမံယၤ 51:24

ယွၤစံးဝဲဒၣ်, “သုကထံၣ်ဘၣ်ယမၤဆၢက့ၤ ကီၢ်ဘၤဘူၤလိၣ်ဒီး အပှၤဂီၢ်မုၢ်လၢ တၢ်အၢတၢ်သီ ခဲလၢာ်လၢအဝဲသ့ၣ် မၤဘၣ်တ့ၢ် ဝ့ၢ်ယရူၤၡလ့ၣ်အဃိန့ၣ်လီၤ.

လံာ်ယံးရမံယၤ 51:30

ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်ယံးရမံယၤ 51:48

ကီၢ်ဘၤဘူၤလိၣ်မၤသံတ့ၢ်ပှၤဂီၢ်မုၢ်လၢ ဟီၣ်ခိၣ်ဒီဘ့ၣ်ညါ, ဒီးခဲကနံၣ်အံၤကီၢ်ဘၤဘူၤလိၣ်ကလီၤဝဲ, မ့ၢ်လၢအမၤသံတ့ၢ်ပှၤအံၣ်စရ့လးဖိအါမးအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 51:53

ကီၢ်ဘၤဘူၤလိၣ်လဲၤ ထီၣ်ဆူမူကပိာ်လိၤဒီးဘှီထီၣ်တိာ်ဂံၢ်ဆူၣ် ဘါဆူၣ်တဖျၢၣ်ဖဲန့ၣ်မ့ၢ်သ့ဒၣ်လဲာ်, ယကမၢလီၤဒံးပှၤဂီၢ်မုၢ်လၢ ကမၤဟးဂီၤအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်သးသယုၢ်တၢ် 3:64

စံၣ်ညီၣ်အဝဲသ့ၣ်လၢတၢ်လၢအမၤတ့ၢ်ဝဲတဖၣ်အဃိတက့ၢ်, ယွၤဧၢ,

လံာ်ယဃ့းစက့လး 39:3

အန့ၣ်ဝံၤဒီးယကမၤလီၤတဲာ်ကွံာ်အချံၣ်လၢအစုစ့ၣ်တခီ ဒီးအပျၢ်တဖၣ်လၢအစုထွဲတခီန့ၣ်လီၤ.

လံာ်ယဃ့းစက့လး 39:9

ပှၤဂီၢ်မုၢ်လၢအအိၣ်ဝဲလၢကီၢ်အံၣ်စရ့လးအဝ့ၢ်တဖၣ်ကဟးထီၣ် ဒီးထၢဖှိၣ်တၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤ တဖၣ်လၢသ့ၣ်မုၣ်အဂီၢ်န့ၣ်လီၤ. အဝဲသ့ၣ်ကမၤကဲၤထီၣ်မ့ၣ်အူ လၢကတီၤတဖၣ်, ချံၣ်တဖၣ်, ပျၢ်တဖၣ်ဘီတဖၣ်ဒီးနီၣ်တီၢ်ဖိတဖၣ် ဒီးကအိၣ်လၢဝဲလၢနွံနံၣ်အတီၢ်ပူၤန့ၣ်လီၤ.

လံာ်ဧၤမိၣ် 2:15

ပှၤလၢအစိာ်ချံၣ်ဧိၤပျၢ်ဧိၤတဖၣ်န့ၣ်ဆၢထၢၣ်ဂၢၢ်ကျၢၤဖဲအလီၢ်တန့ၢ်ဘၣ်. ပှၤလၢအဃ့ၢ်တၢ်ချ့တဖၣ်န့ၣ်ဃ့ၢ်ထီၣ်လၢအလီၢ်တန့ၢ်ဘၣ်. ဒီးပှၤလၢအဒိးကသ့ၣ်တဖၣ်န့ၣ်တပူၤဖျဲးဘၣ်ဃုာ်ဒီးအသးသမူဘၣ်.

လံာ်ဧိၤဘါဒယၤ 1:15

မုၢ်နံၤလၢယၤ, ယွၤကစံၣ်ညီၣ်ပှၤကလုာ်ခဲလၢာ်န့ၣ်အိၣ်ဘူးဝဲလီၤ. ဒ်နမၤတ့ၢ်နဲအသိးတၢ်ကမၤက့ၤနၤလီၤ. နတၢ်ဖံးတၢ်မၤတဖၣ်ကဟဲဘၣ်ကဒါက့ၤနၤလီၤ.

လံာ်ဃဘးကူာ် 2:8

မ့ၢ်သုဂုာ်ဆူၣ်ပျီဆူၣ်တ့ၢ်ပှၤဂီၢ်မုၢ်လၢပှၤအါကလုာ်အကျါ အဃိ, ခဲကနံၣ်အံၤပှၤလၢအအိၣ်လီၤတဲာ်တဖၣ်ကဂုာ် ဆူၣ်ပျီဆူၣ်က့ၤသုလၢတၢ်လၢသုမၤသံသ့ၣ်တဖၣ်ဒီးသုတၢ် အၢတၢ်သီထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

၂ သ့းစၤလနံ 1:6

ကစၢ်ယွၤကမၤတၢ်လၢအကြၢးဝဲဘၣ်ဝဲဒ်သိးပှၤလၢအမၤ နးမၤဖှီၣ်သုတဖၣ်ကတူၢ်ဘၣ်က့ၤတၢ်နးတၢ်ဖှီၣ်န့ၣ်လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:4

ပှၤသုးဖိအဂံၢ်အဘါဆူၣ်တဖၣ်အချံၣ်န့ၣ်တၢ်မၤကၢ်အီၤ, မ့မ့ၢ်ပှၤအဂံၢ်စၢ်ဘါစၢ်န့ၣ်အဂံၢ်အဘါဆူၣ်ထီၣ်လီၤ.