လံာ်ယံးရမံယၤ 51:55 - Sgaw Karen Common Bible

⁵⁵ ယမၤဟးဂီၤလံကီၢ်ဘၤဘူၤလိၣ် ဒီးမၤဘှ့ၣ်ကွံာ်အတၢ်သီၣ်လံ. သုးမုၢ်တဖၣ်ဃ့ၢ်သဖှိနုာ်ဒ်လပီတဖၣ် အတၢ်သီၣ်ရုၢ်ရုၢ်အသိး, ဒီးဟဲထီၣ်ဒုးတၢ်အိၣ်ဒီးတၢ်ကိးသီၣ်ကိးသဲ ဖးဒိၣ်န့ၣ်လီၤ.

လံာ်ယံးရမံယၤ 51:55 Iomraidhean Croise

စံးထီၣ်ပတြၢၤ 124:2

“မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး တုၤပဒုၣ်ပဒါတဖၣ်ဂဲၤဆၢထၢၣ်ထီဒါပှၤန့ၣ်,

စံးထီၣ်ပတြၢၤ 124:4

ဒီးထံဒိၣ်ထီၣ်ကစိာ်ကွံာ်ပှၤ ဒီးထံကလုၣ်ဘၢပှၤ,

စံးထီၣ်ပတြၢၤ 18:4

တၢ်သံအတၢ်လီၤပျံၤလီၤဖုးအံၤအိၣ်ဝးတရံးယၤ, တၢ်မၤဟးဂီၤအလပီတဖၣ်လုၣ်ဘၢယၤလီၤ.

စံးထီၣ်ပတြၢၤ 65:7

နဒုးအိၣ်ဘှီၣ်ပီၣ်လဲၣ်အသီၣ် ဒီးလပီတဖၣ်အသီၣ်, ပှၤဂီၢ်မုၢ်အတၢ်တၢထီၣ်တၢလီၤန့ၣ်လီၤ.

စံးထီၣ်ပတြၢၤ 69:2

ယလီၤဘျၢလၢကပံာ်ယိာ်အကျါ, ဒီးဆၢထၢၣ်အလီၢ်တအိၣ်ဘၣ်. ယဟဲနုာ်တ့ၢ်လၢထံယိာ်အကျါ, ဒီးထံလုၣ်ဘၢယၤလီၤ.

လံာ်ယၡါယၤ 15:1

အအံၤမ့ၢ်တၢ်ကစီၣ်ဘၣ်ဃးမိၤအးအကီၢ်လီၤ. ဝ့ၢ်ဧၢ်ဒီးဝ့ၢ်ကံၢ်တဖၣ်ဘၣ်တၢ်မၤဟးဂီၤ အီၤလၢတနၤဃီအတီၢ်ပူၤဒီးတၢ်ဘှ့ၣ် တၢ်ဘှီၣ်လုၣ်ဘၢကီၢ်မိၤအးဒီဘ့ၣ်န့ၣ်လီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 47:5

ယွၤစံးဘၣ်ဝ့ၢ်ဘၤဘူၤလိၣ်, “ဆ့ၣ်နီၤလၢတၢ်အိၣ်ဃိကလာ်ဒီးလၢတၢ်ခံးတၢ်နၤ အပူၤတက့ၢ်. အဝဲသ့ၣ်တကိးနၤလၢပှၤကလုာ်တဖၣ် အနီၢ်ပၤမုၣ်လၢၤဘၣ်.

လံာ်ယံးရမံယၤ 25:10

ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 51:42

ပီၣ်လဲၣ်ထွၣ်တလ့ၣ်ထီၣ်အသးလၢ ဘၤဘူၤလိၣ် အဖီခိၣ်ဒီး လုၣ်ဘၢအီၤဒီးလပီလၢအသီၣ်ထီၣ်ရုၢ် ရုၢ်တဖၣ်န့ၣ်လီၤ.

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.