လံာ်ယံးရမံယၤ 51:46 - Sgaw Karen Common Bible

⁴⁶ လၢတၢ်ကစီၣ်ပစိၣ်ပစ့လၢ သုနၢ်ဟူဘၣ်အဃိန့ၣ်သးဟးဂီၤဒီးပျံၤတၢ်တဂ့ၤ. ကိးနံၣ်ဒဲးန့ၣ်, တၢ်ကစီၣ်ပစိၣ်ပစ့လီၤဆီရၤလီၤအသး ဘၣ်ဃးတၢ်မၤဆူၣ်မၤစိးအဂ့ၢ်လၢ ထံလီၢ်ကီၢ်ပူၤ, ဒီးဘၣ်ဃးဒီးစီၤပၤတဂၤဒုးလိာ်အသးဒီး စီၤပၤ အဂၤတဂၤအဂ့ၢ်န့ၣ်လီၤ.

လံာ်ယံးရမံယၤ 51:46 Iomraidhean Croise

လံာ်စီၤပၤခံဘ့ၣ်တဘ့ၣ် 19:7

ယွၤကမၤဒ်သိးကီၢ်အၤၡူၢ်အစီၤပၤဖးဒိၣ်ကနၢ်ဟူဘၣ်တၢ်က စီၣ်ပစံၣ်ပစိတမံၤ, လၢအကဒုးက့ၤကဒါက့ၤအီၤဆူအထံ အကီၢ်ဒၣ်ဝဲ, ဒီးယွၤကမၤသံအီၤဖဲန့ၣ်, န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:23

ပှၤဧၣ်မိၣ်ဖိတဖၣ်ဒီးပှၤမိၤအးဖိတဖၣ်ဒုးတၢ်ထီဒါကီၢ်အဒိၣ် အသုးမုၢ်ဒီးမၤဟးဂီၤကွံာ်ဝဲလၢာ်လၢာ်ဆ့ဆ့, ဝံၤဒီးအဝဲသ့ၣ်ကဒဲကဒဲဒုးလိာ်အသးဆူၣ်ဆူၣ်ကလဲာ်န့ၣ်လီၤ.

လံာ်စီၤယိၤဘး 23:16

သ့တၢ်လၢာ်ကစၢ်ယွၤမၤဟးဂီၤကွံာ်ယတၢ်သူၣ်ဒူသးဒူတဖၣ် န့ၣ်လံ.

တၢ်ကတိၤဒိ. 24:10

နမ့ၢ်ဂံၢ်စၢ်ဘါစၢ်ဖဲတၢ်ကီတၢ်ခဲဖးဒိၣ်အကတီၢ်ဒီး, နဂံၢ်စၢ်ဘါစၢ်နီၢ်နီၢ်လီၤ.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယၡါယၤ 43:5

ပျံၤတၢ်တဂ့ၤ. ယအိၣ်ဒီးနၤလီၤ. ယကဟဲက့ၤစိာ်နပှၤဂီၢ်မုၢ်လၢတၢ်လီၢ်အယံၤဒီးတၢ်လီၢ်အယံၤ ကတၢၢ်လၢမုၢ်နုာ်ဆူအဟံၣ်လီၤ.

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်လူၤကၣ် 21:28

ဖဲတၢ်သ့ၣ်တဖၣ်အံၤစးထီၣ်မၤအသးန့ၣ်, ဂဲၤဆၢထၢၣ်ဒီးမိာ်ထီၣ်သုခိၣ် တက့ၢ်. အဂ့ၢ်ဒ်အံၤ, သုတၢ်အုၣ်က့ၤခီၣ်က့ၤန့ၣ်ဘူးထီၣ်လံ.

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.