လံာ်ယံးရမံယၤ 51:42 - Sgaw Karen Common Bible

⁴² ပီၣ်လဲၣ်ထွၣ်တလ့ၣ်ထီၣ်အသးလၢ ဘၤဘူၤလိၣ် အဖီခိၣ်ဒီး လုၣ်ဘၢအီၤဒီးလပီလၢအသီၣ်ထီၣ်ရုၢ် ရုၢ်တဖၣ်န့ၣ်လီၤ.

လံာ်ယံးရမံယၤ 51:42 Iomraidhean Croise

စံးထီၣ်ပတြၢၤ 18:16

ယွၤယူာ်ဃီၤအစုလၢထးဒီးဟံးဃာ်ယၤလီၤ. အဝဲထုးထီၣ်ယၤလၢထံယိာ်တဖၣ်အပူၤလီၤ.

စံးထီၣ်ပတြၢၤ 18:4

တၢ်သံအတၢ်လီၤပျံၤလီၤဖုးအံၤအိၣ်ဝးတရံးယၤ, တၢ်မၤဟးဂီၤအလပီတဖၣ်လုၣ်ဘၢယၤလီၤ.

စံးထီၣ်ပတြၢၤ 42:7

နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.

စံးထီၣ်ပတြၢၤ 65:7

နဒုးအိၣ်ဘှီၣ်ပီၣ်လဲၣ်အသီၣ် ဒီးလပီတဖၣ်အသီၣ်, ပှၤဂီၢ်မုၢ်အတၢ်တၢထီၣ်တၢလီၤန့ၣ်လီၤ.

စံးထီၣ်ပတြၢၤ 93:3

ယွၤဧၢ, ပီၣ်လဲၣ်မိၢ်ပှၢ်အတၢ်ယိာ်ပူၤတဖၣ်ထုထီၣ်အကလုၢ်, အဝဲသ့ၣ်ထုထီၣ်အကလုၢ်ဒီးအသီၣ်အသဲန့ၣ်လီၤ.

လံာ်ယၡါယၤ 21:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်န့ၣ်လီၤ. ဒ်ကလံၤသဝံးအူတၢ်ဆူၣ်ဆူၣ်ခီဂာ်ပှၢ်မုၢ်ကနၢအသိး, တၢ်တတၢးတနါကဟဲထီၣ်လၢကီၢ်လၢအလီၤပျံၤလီၤဖုး တဘ့ၣ်အပူၤလီၤ.

လံာ်ယံးရမံယၤ 51:55

ယမၤဟးဂီၤလံကီၢ်ဘၤဘူၤလိၣ် ဒီးမၤဘှ့ၣ်ကွံာ်အတၢ်သီၣ်လံ. သုးမုၢ်တဖၣ်ဃ့ၢ်သဖှိနုာ်ဒ်လပီတဖၣ် အတၢ်သီၣ်ရုၢ်ရုၢ်အသိး, ဒီးဟဲထီၣ်ဒုးတၢ်အိၣ်ဒီးတၢ်ကိးသီၣ်ကိးသဲ ဖးဒိၣ်န့ၣ်လီၤ.

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ဒၤနံးယ့လး 11:10

ဒီးကီၢ်စူၤရံအစီၤပၤအဖိခွါတဖၣ်န့ၣ်ကကတဲာ်ကတီၤအသးလၢ တၢ်ဒုးသုးအဂီၢ်ဒီးပာ်ဖှိၣ်ထီၣ်အသုးမုၢ်တဖုလီၤ. လၢအကျါတဂၤန့ၣ် ကတြုာ်ကွံာ်တၢ်ဒ်ထံအါလုၣ်ဘၢတၢ် အသိးဒီးဒုးတၢ်ထီဒါဒုၣ်ဒါအတိာ်တဖျၢၣ်န့ၣ်လီၤ.

လံာ်ဒၤနံးယ့လး 7:2

စီၤဒၤနံးယ့လးစံးတ့ၢ်ဝဲ, လၢယတၢ်ထံၣ်လၢညါခီလၢမုၢ်နၤန့ၣ်, ကလံၤတဖၣ်အူတၢ်လၢကိးကပၤဒဲးဒီးထိၣ်ဂဲၤပီၣ်လဲၣ်ဖးဒိၣ် အထံဖံးခိၣ်န့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.