လံာ်ယံးရမံယၤ 51:40 - Sgaw Karen Common Bible

⁴⁰ ယကလဲၤစိာ်အဝဲသ့ၣ်လၢ တၢ်ကမၤသံအီၤအဂီၢ်ဒ်သိဖိတဖၣ်, မဲာ်တဲးလဲးတဖၣ်, ဒီးသိဖါတဖၣ်အသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 51:40 Iomraidhean Croise

စံးထီၣ်ပတြၢၤ 37:20

ဘၣ်ဆၣ်ပှၤအၢပှၤသီကသံဝဲလီၤ. ယွၤအဒုၣ်အဒါတဖၣ်ကလီၤမၢ်ကွံာ်ဒ် တၢ်အီၣ်ဆၣ်အလီၢ်အတၢ်ဃံတၢ်လၤအသိး, အဝဲသ့ၣ်ကဟါမၢ်ကွံာ်ဒ်မ့ၣ်အူလုၣ်အသိးန့ၣ်လီၤ.

စံးထီၣ်ပတြၢၤ 44:22

ဘၣ်ဆၣ်လၢနဃိပဘၣ်တၢ်မၤသံပှၤ ကိးဆၢကိးကတီၢ်ဒဲး, ဒီးပဘၣ်တၢ်ပာ်ပှၤဒ်သိလၢ အကဘၣ်တၢ်မၤသံအီၤအသိးန့ၣ်လီၤ.

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယဃ့းစက့လး 39:18

အဝဲသ့ၣ်ကဘၣ်အီၣ်သုးဖိတဖၣ်အညၣ်ဒီးကဘၣ်အီဟီၣ်ခိၣ် အပဒိၣ်ဖးဒိၣ်တဖၣ်အသွံၣ်, ကယဲၢ်ပှၤခဲလၢာ်လၢအကဘၣ် တၢ်မၤသံအီၤဒ်သိဖါတဖၣ်မ့ၢ်ဂ့ၤ, သိဖိတဖၣ်မ့ၢ်ဂ့ၤမဲာ်တဲး လဲးတဖၣ်မ့ၢ်ဂ့ၤ, ကျီၢ်ဖါလၢအဘီၣ်တဖၣ်မ့ၢ်ဂ့ၤအသိးန့ၣ်လီၤ.