လံာ်ယံးရမံယၤ 51:39 - Sgaw Karen Common Bible

³⁹ မ့ၢ်အဝဲသ့ၣ်သးကွံအီၣ်တၢ်အီတၢ်ဧါ. ယကတဲာ်ကတီၤန့ၢ် အဝဲသ့ၣ်တၢ်အီၣ်အမူး တမူးဒီးဒုးအီမူၤအီဘှီးအဝဲသ့ၣ်ဒီး မၤသူၣ်ဖှံသးညီအီၤလီၤ. အဝဲသ့ၣ်ကမံဝဲဒီးတပၢၢ်ထီၣ်နီတစုလၢၤဘၣ်.

လံာ်ယံးရမံယၤ 51:39 Iomraidhean Croise

စံးထီၣ်ပတြၢၤ 13:3

ယွၤ, ယကစၢ်ယွၤဧၢ, ကွၢ်လီၤယၤ, ဒီးစံးဆၢယၤတက့ၢ်. ဒုးအိၣ်ထီၣ်က့ၤယဂံၢ်ယဘါ, ဒီးတဘၣ်ပျဲယသံတဂ့ၤ.

လံာ်ယံးရမံယၤ 25:27

အန့ၣ်ဝံၤဒီး, ယွၤစံးဘၣ်ယၤ, “တဲဘၣ်ပှၤဂီၢ်မုၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယမၤလိာ်အဝဲသ့ၣ် လၢကအီဝဲတုၤ အဝဲသ့ၣ်မူၤဒီးဘှီးဝဲ, တုၤလၢအလီၤဃံၤဒီး ဆၢထၢၣ်က့ၤတန့ၢ်လၢၤဘၣ်, လၢတၢ်ဒုးလၢ ယဆှၢလီၤထီဒါအဝဲသ့ၣ်အဃိန့ၣ်လီၤ.

လံာ်ယံးရမံယၤ 48:26

ယွၤစံးဝဲဒၣ်, “ဒုးအီၤမူၤကီၢ်မိၤအးမ့ၢ် လၢအပူထီၣ်တၢ်ထီဒါတ့ၢ်ယၤအဃိ န့ၣ်တက့ၢ်. ကီၢ်မိၤအးကတလ့ၣ်အသး လၢအတၢ်ဘှိးဒၣ်ဝဲအပူၤဒီး ပှၤဂီၢ်မုၢ်ကနံၤဘၣ်ဖၣ် လဲအီၤန့ၣ်လီၤ.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်နၤဃူၣ် 3:11

ဝ့ၢ်နံၤနဝ့ဧၢ, နဲဒၣ်စ့ၢ်ကီးနကလီၤဆူတၢ်မူၤသံမူၤဟါမၢ်တမံၤအပူၤလီၤ. နဲဒၣ်စ့ၢ်ကီးနကကျဲးစၢးဃ့ၢ်ပူၤဖျဲးလၢနဒုၣ်နဒါတဖၣ်အအိၣ်လီၤ.

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.