လံာ်ယံးရမံယၤ 51:31 - Sgaw Karen Common Bible

³¹ ပှၤစိာ်တၢ်ကစီၣ်တဂၤဝံၤတဂၤဃ့ၢ်ဝဲဒ်သိးကတဲဘၣ်ကီၢ်ဘၤဘူၤလိၣ် အစီၤပၤလၢအထံၣ်, ဝ့ၢ်ဘၣ်တၢ်မၤလီၤပှီၢ်ကွံာ်ကိးကပၤလံန့ၣ်လီၤ.

လံာ်ယံးရမံယၤ 51:31 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:6

တုၤစီၤပၤဒီးအပဒိၣ်ပပှၢ်တဖၣ်ဟ့ၣ်လီၤအကလုၢ်န့ၣ်ပှၤစိာ်တၢ် ကစီၣ်တဖၣ်ဟးထီၣ်ဝဲဆူကီၢ်ယူဒၤဒီးကီၢ်အံၣ်စရ့လးဒီ တဘ့ၣ်ညါအိၣ်ဒီးတၢ်ကွဲဒ်လၢလာ်အံၤန့ၣ်လီၤ. “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုပူၤဖျဲးဒီးအိၣ်မူ လီၤတဲာ်တ့ၢ်ဒံးဖဲပှၤအၤၡူၢ်ဖိဟဲမၤနၢၤထံကီၢ်န့ၣ်လီၤ. ခဲကနံၣ်အံၤဃၣ်က့ၤသုသးဆူယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤအအိၣ်န့ၣ်တက့ၢ်. ဒီးအဝဲဒၣ်ကဃၣ်က့ၤအသးဆူသုအိၣ်န့ၣ်လီၤ.

လံာ်နီၢ်အ့ၤစတၢ် 8:10

စီၤမၢ်ဒကဲၤဒုးကွဲးလီၤလံာ်ပရၢတဖၣ်အံၤလၢစီၤပၤအဃၤၡဝ့ရိၣ်အမံၤ, ဒီးစဲပနီၣ်ဃာ်အီၤလၢစီၤပၤအတၢ်စဲပနီၣ်လီၤ. လံာ်ပရၢတဖၣ်န့ၣ်ဘၣ်တၢ်ရၤလီၤအီၤလၢပှၤဒိးကသ့ၣ်အချ့တဖၣ် လၢကဒိးကသ့ၣ်လၢပှၤဘုၣ်ဃာ်အီၤလၢစီၤပၤအဂီၢ်န့ၣ်လီၤ.

လံာ်နီၢ်အ့ၤစတၢ် 8:14

ဒ်စီၤပၤအတၢ်မၤလိာ်အိၣ်ဝဲအသိး, စီၤပၤအပှၤဒိးကသ့ၣ်ချ့တဖၣ် ဒိးထီၣ်ကသ့ၣ်ဒီးနီၣ်ထီၣ်ဝဲအချ့ကတၢၢ်လီၤ. ဒီးတၢ်စံၣ်ညီၣ်ဟ့ၣ်လီၤ ကလုၢ်အံၤ, ဘၣ်တၢ်ရၤလီၤစ့ၢ်ကီးအီၤလၢဝ့ၢ်ခိၣ်, ဝ့ၢ်ၡူၡၣ်အပူၤန့ၣ်လီၤ.

လံာ်စီၤယိၤဘး 9:25

ယမုၢ်နံၤမုၢ်သီတဖၣ်လဲၤပူၤကွံာ်ဝဲချ့သဒံးန့ၣ်လီၤ. ယူၤထီၣ်ကွံာ်ဝဲဒီးတထံၣ်တၢ်ဂ့ၤနီတမံၤဘၣ်.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်ယံးရမံယၤ 50:2

တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ယံးရမံယၤ 50:24

ကီၢ်ဘၤဘူၤလိၣ်ဧၢ, နဒုးတၢ်ထီဒါတ့ၢ်ယၤဒီးနဘၣ်တၢ်ဖီၣ်န့ၢ် နၤလၢထုလၢယပာ်လီၤအီၤလၢနဂီၢ်အပူၤ, တချုးလၢနသ့ၣ်ညါဒံးဒၣ်လဲာ်န့ၣ်လီၤ.

လံာ်ယံးရမံယၤ 50:43

ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 51:32

ဒုၣ်ဒါမၤန့ၢ်ကွံာ် ထံကျိၤလၢခီဂာ်တၢ်အဂီၢ်ဒီးဒွဲၣ်အူထီၣ် တိာ်ဧိၤတာ်ဧိၤတဖၣ်လၢ မ့ၣ်အူလံန့ၣ်လီၤ. ကီၢ်ဘၤဘူၤလိၣ် အသုးဖိတဖၣ် တၢ်ပျံၤတၢ်ဖုးလီၤဘၣ်အီၤလံန့ၣ်လီၤ.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.