လံာ်ယံးရမံယၤ 51:30 - Sgaw Karen Common Bible

³⁰ ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်ယံးရမံယၤ 51:30 Iomraidhean Croise

စံးထီၣ်ပတြၢၤ 107:16

အဂ့ၢ်ဒ်အံၤ, မၤကၢ်ကွံာ်တြဲၤတိၢ်ဘီတဖၣ်, ဒီးဒီၣ်တဲာ်ကွံာ်နီၣ်ဘိထးတဖၣ်န့ၣ်လီၤ.

စံးထီၣ်ပတြၢၤ 147:13

အဂ့ၢ်ဒ်အံၤ, အဝဲမၤကျၢၤလံနတြဲၤအနီၣ်ဘိ, အဝဲဆိၣ်ဂ့ၤဆိၣ်ဝါနဖိနလံၤအိၣ်လၢနပူၤလီၤ.

စံးထီၣ်ပတြၢၤ 76:5

ပှၤသုးဖိလၢအဒူတဖၣ်ပာ်လီၤတ့ၢ်လံအစုကဝဲၤ, ဒီးအခဲအံၤမံဝဲလၢတၢ်သံအတၢ်မံအပူၤလံ. အဂံၢ်အဘါဒီးအတၢ်သ့တၢ်ဘၣ်ခဲလၢာ် တဂိာ်တသီၣ်လၢၤနီတမံၤဘၣ်.

လံာ်ယၡါယၤ 19:16

တၢ်ဆၢကတီၢ်ဟဲဝဲဖဲပှၤအဲၤကူပတူးဖိတဖၣ်ကပျံၤတၢ်ဒ်ပိာ် မုၣ်တဖၣ်အသိးလီၤ. အဝဲသ့ၣ်ကကနိးကစုာ်လၢတၢ်ပျံၤတၢ် ဖုးဖးဒိၣ်အပူၤဖဲအဝဲသ့ၣ်ထံၣ်ဝဲလၢယွၤသ့တၢ်လၢာ်ကစၢ်ယူာ် ထီၣ်အစုလၢကစံၣ်ညီၣ်အဝဲသ့ၣ်အဂီၢ်အခါန့ၣ်လီၤ.

လံာ်ယၡါယၤ 47:14

အဝဲသ့ၣ်ကလီၤဂာ်ဒီးဘုလီၢ်အရ့ၣ်အဒ့ဖိတဖၣ် ဒီးမ့ၣ်အူကအီၣ်ကွံာ်အီၤခဲလၢာ်လီၤ. အဝဲသ့ၣ်အုၣ်က့ၤခီၣ်က့ၤလီၤအသးဒၣ်လဲာ်တသ့ဘၣ်. မ့ၣ်အူလၣ်တဖၣ်ကကိၢ်ကဲၣ်ဆိးလၢအဝဲသ့ၣ်အဂီၢ်ဒီးတမ့ၢ်ဝဲမ့ၣ် အူလၢၤလၢၤတခါလၢအဝဲသ့ၣ်ကဆူးဒီးမၤလၢၤအသးအဂီၢ်န့ၣ်ဘၣ်.

လံာ်ယံးရမံယၤ 48:41

ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 50:15

ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်. မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.

လံာ်ယံးရမံယၤ 51:32

ဒုၣ်ဒါမၤန့ၢ်ကွံာ် ထံကျိၤလၢခီဂာ်တၢ်အဂီၢ်ဒီးဒွဲၣ်အူထီၣ် တိာ်ဧိၤတာ်ဧိၤတဖၣ်လၢ မ့ၣ်အူလံန့ၣ်လီၤ. ကီၢ်ဘၤဘူၤလိၣ် အသုးဖိတဖၣ် တၢ်ပျံၤတၢ်ဖုးလီၤဘၣ်အီၤလံန့ၣ်လီၤ.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်ဧၤမိၣ် 1:5

ဒီးယကဒိကၢ်ကွံာ်ဝ့ၢ်ဒၤမ့ၤစ့းအပဲတြီတဖၣ်ဒီးသုးကွံာ်ပှၤ အိၣ်ဖဲအၤဝ့ၣ်ကစၢၢ်ကဆူးအတၢ်ပၢၤခိၣ်ဒီးဘ့ၤသဧ့ၤဒၣ် အစီၤပၤန့ၣ်လီၤ. ဒီးပှၤကီၢ်စူၤရံဖိကဘၣ်တၢ်စိာ်ကွံာ်အီၤဒ်ကုၢ် တဖၣ်အသိးဆူကီၢ်ကံၢ်အပူၤန့ၣ်လီၤ.”

လံာ်နၤဃူၣ် 3:13

နပှၤသုးမုၢ်သံၣ်ဘိလီၤဂာ်ဒ်ပိာ်မုၣ်ပိာ်မၢၤအသိး, ဒီးနထံနကီၢ်ကဆၢထၢၣ်လၢနဒုၣ်နဒါတဖၣ်အမဲာ်ညါတအိၣ်ဘၣ်ဒီးတၢ် ဒီသဒၢအီၤဘၣ်လီၤ. မ့ၣ်အူကမၤဟးဂီၤကွံာ်နတြဲၤတဖၣ်အနီၣ်ဘိ တဖၣ်န့ၣ်လီၤ.

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”