လံာ်ယံးရမံယၤ 51:27 - Sgaw Karen Common Bible

²⁷ ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.

လံာ်ယံးရမံယၤ 51:27 Iomraidhean Croise

လံာ်တၢ်ကဲထီၣ်အခီၣ်ထံး 10:3

ဒီးစီၤကိမၢၤအစၢၤအသွဲၣ်တဖၣ်န့ၣ်မ့ၢ်ဝဲအၤၡကံနး, ရံဖသးဒီးတိကးရမၤအပှၤဂီၢ်မုၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 8:4

ဒီးလၢလါနွံလါတလါ, ထီၣ်တဆံနွံသီတသီအနံၤန့ၣ်ကဘီအိၣ် ထီၣ်ထီတ့ၢ်လၢကစၢၢ်အရၤရးအလူၢ်အလိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:37

ဘၣ်မုၢ်တနံၤဖဲအဝဲဘူၣ်တၢ်ဘါတၢ်လၢအကစၢ်နံစရိးအတၢ်လုၢ်ဟံၣ် အပူၤအခါန့ၣ်အဖိခွါခံဂၤလၢအမ့ၢ်စီၤအဒြၤမ့လ့းဒီးစီၤ ၡၢ်အ့စ့ၢ်တဖၣ်မၤသံကွံာ်အီၤလၢအဝဲသ့ၣ်အနးတဖၣ်, ဝံၤဃ့ၢ်ပူၤဖျဲးကွံာ်အသးဆူကီၢ်အရၤရးန့ၣ်လီၤ. အဝဲအဖိခွါတဖၣ်အဂၤတဂၤလၢအမ့ၢ်စီၤအ့ၤစၢ်ဃးဒိၣ်ကဲထီၣ်စီၤ ပၤဖးဒိၣ်လၢအဝဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:6

စီၤကိမၢၤအစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢကီၢ်အၤၡကံ နး, ကီၢ်ရံဖသးဒီးကီၢ်တိကးရမၤလီၤ.

လံာ်ယၡါယၤ 18:3

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်သ့ၣ်ဧၢ, ဒိကနၣ်တက့ၢ်. ကွၢ်တၢ်ပနီၣ်အနီၣ်တယၢ်လၢကဘၣ်တၢ်ယူာ်ထီၣ်အီၤ လၢကစၢၢ်တဖၣ်အဒီခိၣ်တက့ၢ်. ဒိကနၣ်ကွဲၤအသီၣ်ထီၣ်တက့ၢ်.

လံာ်ယၡါယၤ 37:38

ဘၣ်တနံၤဖဲအဝဲဘူၣ်တၢ်ဘါတၢ်လၢအကစၢ်နံးစရိးအတၢ် လုၢ်ဟံၣ်ပူၤအဖၢမုၢ်ဒီးအဖိခွါခံဂၤလၢအမ့ၢ်ဝဲစီၤအဒြၤမ့ၤလးဒီးစီၤ ၡၢ်အ့စ့ၢ်, မၤသံကွံာ်အီၤလၢအဝဲသ့ၣ်အနးတဖၣ်, ဒီးဃ့ၢ်ပူၤဖျဲးကွံာ်ဆူ ကီၢ်အရၤရးန့ၣ်လီၤ. အဖိခွါအဂၤတဂၤလၢအမ့ၢ်ဝဲစီၤအ့ၤစၢ်ဃးဒိၣ် ကဲထီၣ်စီၤပၤဖးဒိၣ်လၢအလီၢ်န့ၣ်လီၤ.

လံာ်ယံးရမံယၤ 25:14

ယကမၤဘၣ်က့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤတ့ၢ်ဝဲ အဃိ, ဒီးပှၤကလုာ်အါကလုာ် ဒီးစီၤပၤဖးဒိၣ်တဖၣ် ကဒုးကဲထီၣ်အဝဲသ့ၣ်လၢကုၢ်တဖၣ် န့ၣ်လီၤ.”

လံာ်ယံးရမံယၤ 46:23

ဒီးမၤဟးဂီၤကွံာ်သ့ၣ် ပှၢ်တပှၢ်လၢ အတီၣ်အသိးန့ၣ်လီၤ. အဝဲသ့ၣ်အပှၤပိာ်ခွါတဖၣ် အါကဲၣ်ဆိးလၢ နကဂံၢ်အီၤအဂီၢ်ဒီး အသုးဖိတဖၣ် အနီၣ်ဂံၢ်အါန့ၢ်ဒံး ဒွဲၣ်ဧိၤတကံၤဧိၤတက့ၢ်န့ၣ် လီၤ.

လံာ်ယံးရမံယၤ 50:2

တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 50:9

ယကထိၣ်ဂဲၤထီၣ် ပှၤကလုာ်တကရူၢ်လၢအဂံၢ်ဆူၣ်လၢကလံၤစိးတခီဒိးပျဲအဝဲသ့ၣ် ဒုးကီၢ်ဘၤဘူၤလိၣ်န့ၣ်လီၤ. အဝဲသ့ၣ် ကရဲၣ်လီၤအသးလၢတၢ်ဒုးအပူၤထီဒါ ထံကီၢ်အံၤဒီးမၤနၢၤအီၤန့ၣ်လီၤ. အဝဲသ့ၣ်မ့ၢ် ပှၤခးတၢ်ဖိလၢ အသ့မးတဖၣ်ဒီး ပျၢ်တဖၣ်လၢ အခးဝဲန့ၣ်ဘၣ်တၢ်ပနီၣ်ကိးဘျီဒဲးန့ၣ်လီၤ.

လံာ်ယံးရမံယၤ 51:12

ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်ယံးရမံယၤ 51:14

ယွၤသ့တၢ်လၢာ်ဆိၣ်တၢ်လၢ အကစၢ်ဒၣ်ဝဲအမံၤအပူၤလၢ အဝဲကပျဲပှၤအါဂၤ ကဟဲထီၣ်ဒုးကီၢ်ဘၤဘူၤလိၣ်ဒ် ဒွဲၣ်အဖုအဂီၢ်အသိး, ဒီးအဝဲသ့ၣ်ကကိးထီၣ်အိၣ်ဒီးတၢ်မၤနၢၤန့ၣ်လီၤ.

လံာ်ယံးရမံယၤ 51:28

ကတဲာ်ကတီၤပှၤကလုာ်တဖၣ်လၢ တၢ်ဒုးထီဒါကီၢ်ဘၤဘူၤလိၣ် အဂီၢ်န့ၣ်တက့ၢ်. မၤလိာ်ကီၢ်မၤဒဲအစီၤပၤတဖၣ်, အဝဲသ့ၣ်အခိၣ်နၢ်တဖၣ်, ဒီးအပဒိၣ်ပပှၢ်တဖၣ်, ဒီးကယဲၢ်ထံကီၢ်လၢအဝဲသ့ၣ် ပၢဝဲခဲလၢာ်အသုးမုၢ်တဖၣ်န့ၣ်တက့ၢ်.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ယိၤအ့လး 3:9

ဘိးဘၣ်သ့ၣ်ညါတၢ်အံၤဆူပှၤကလုာ်တဖၣ်အကျါ, ကတဲာ်ကတီၤတၢ်လၢတၢ်ဒုးတၢ်ယၤအဂီၢ်, ကိးထီၣ်သုပှၤသုးဖိအဆူၣ်တဖၣ်, ကရၢကရိထီၣ်သုသုးဖိသံၣ်ဖိခဲလၢာ်ဒီးလဲၤထီၣ်ဒုးတၢ်တက့ၢ်.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်စကၤရယၤ 14:2

ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.