လံာ်ယံးရမံယၤ 51:12 - Sgaw Karen Common Bible

¹² ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်ယံးရမံယၤ 51:12 Iomraidhean Croise

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 11:12

ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 13:2

ထူၣ်ထီၣ်တၢ်ဒုးအနီၣ်တယၣ်လၢကစၢၢ်လ့ၤခိၣ်တဖျၢၣ်အဒီခိၣ်တက့ၢ်. ကိးပသူထီၣ်ဆူသုးဖိတဖၣ်အအိၣ်ဒီးယူာ်ထီၣ်နစုဒုၣ်စုတီၤဒ် တၢ်ပနီၣ်လၢအဝဲသ့ၣ်ကလဲၤထီၣ်ဒုးတၢ်ဖဲဝ့ၢ်လၢအပာ်ထီၣ် ထီအသးအကျဲစၢၤတဖၣ်န့ၣ်တက့ၢ်.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 4:28

ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်ယံးရမံယၤ 50:2

တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ယံးရမံယၤ 50:25

ယအိးထီၣ်တ့ၢ်တၢ်လီၢ်ဖဲ ယတၢ်စုကဝဲၤတဖၣ်ဘၣ်တၢ်ပာ်ဖှိၣ်တ့ၢ်အီၤ, ဒီးလၢယတၢ်သးဒိၣ်ထီၣ်အပူၤန့ၣ်ယထုးထီၣ်က့ၤအီၤ ခဲလၢာ်လီၤ. အဂ့ၢ်ဒ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်အိၣ်ဒီး အတၢ်မၤလၢကဘၣ်မၤဝဲလၢ ကီၢ်ဘၤဘူၤလိၣ်အပူၤအဃိန့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.

လံာ်ယံးရမံယၤ 51:29

ဟီၣ်ခိၣ်ကနိးကစုာ်ဒီး ဟူးဝးဝဲ, မ့ၢ်လၢယွၤမၤထွဲအတၢ်ကူၣ်ကျဲၤ ဒ်သိးကဒုးကဲထီၣ်ကီၢ်ဘၤဘူၤလိၣ်လၢမဲးမုၢ်ခိၣ်တတီၤဖဲပှၤ တအိၣ်တဆိးနီတဂၤဘၣ်အဃိန့ၣ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်နၤဃူၣ် 2:1

ဝ့ၢ်နံၤနဝ့ဧၢ, နလီၤဘၣ်လၢတၢ်ဒုးတၢ်ယၤအဖီလာ်လံ. တၢ်စိတၢ်ကမီၤလၢကမၤလီၤသဘှံးနၤန့ၣ်ဟဲလံဝဲလံ. ကျဲၤလီၤပာ်လီၤနပှၤခိးတိာ်ဧိၤတာ်ဧိၤ, ပၢၤဃာ်နကျဲဧိၤကပူၤဧိၤ ဒီးအိၣ်ကတဲာ်ကတီၤနသးလၢတၢ်ဒုးအဂီၢ် န့ၣ်တက့ၢ်.

လံာ်စီၤယိၤၡူ 8:14

ဖဲဝ့ၢ်ဂဲအစီၤပၤထံၣ်စီၤယိၤၡူအသုးဖိတဖၣ်ဒီးအဝဲမၤဝဲချ့ချ့လီၤ. အဝဲဒီးအပှၤခဲလၢာ်လဲၤဝဲဆူတၢ်ပၢၤခိၣ်လၢကစၢၢ်ကဆူးဖဲယၤ ဒ့ၣ်, လၢအကဒုးပှၤအံၣ်စရ့လးဖိတဖၣ်လၢတၢ်လီၢ်တတီၤဃီဒ်လၢညါအ သိး, ဒီးတသ့ၣ်ညါဝဲလၢအဝဲကဘၣ်တၢ်ဒုးအီၤလၢဝ့ၢ်အလီၢ်ခံတကပၤန့ၣ် ဘၣ်.