လံာ်ယံးရမံယၤ 51:10 - Sgaw Karen Common Bible

¹⁰ ယွၤစံးဝဲဒၣ်, “ယပှၤဂီၢ်မုၢ်ကိးထီၣ်စံးဝဲလၢ, ‘ယွၤဒုးနဲၣ်တ့ၢ်လၢပအိၣ် လၢတၢ်အဘၣ်အပူၤလီၤ. မ်ပလဲၤဒီး တဲဘၣ်ပှၤဂီၢ်မုၢ်လၢ ဝ့ၢ်ယရူၢ်ၡလ့ၣ်အပူၤလၢတၢ်လၢယွၤပကစၢ်မၤတ့ၢ်ဝဲန့ၣ်တက့ၢ်.’ ”

လံာ်ယံးရမံယၤ 51:10 Iomraidhean Croise

စံးထီၣ်ပတြၢၤ 118:17

ယတသံဘၣ်. မ့ၢ်ယကမူဒီး စံၣ်တဲၤတဲလီၤယွၤအတၢ်မၤတဖၣ်လီၤ.

စံးထီၣ်ပတြၢၤ 37:6

အဝဲကမၤဖျါထီၣ်နတၢ်တီတၢ်လိၤဒ် မုၢ်ဆ့ၣ်အတၢ်ကပီၤအသိး, ဒီးနတၢ်စံၣ်ညီၣ်တီ ဒ်မုၢ်ထူၣ်အတၢ်ကပီၤအသိးန့ၣ်လီၤ.

စံးထီၣ်ပတြၢၤ 64:9

အန့ၣ်ဒီး ပှၤခဲလၢာ်ကပျံၤတၢ်လီၤ. အဝဲသ့ၣ်က ဆိကမိၣ်ဝဲတၢ်လၢယွၤမၤတ့ၢ်ဝဲဒီး တဲဖျါထီၣ်ကစၢ်ယွၤအတၢ်မၤတဖၣ်န့ၣ်လီၤ.

စံးထီၣ်ပတြၢၤ 66:16

ပှၤလၢအပျံၤကစၢ်ယွၤခဲလၢာ်သ့ၣ်ဧၢ, ဟဲကနၣ်တက့ၢ်. ဒီးယကတဲတၢ်လၢအမၤတ့ၢ်ဝဲလၢယဂီၢ်န့ၣ်လီၤ.

စံးထီၣ်ပတြၢၤ 9:14

ဒ်သိးယကဆၢထၢၣ်ဘၣ်ယဲလၢ ဝ့ၢ်ယရူၤၡလ့ၣ်အပှၤဂီၢ်မုၢ်အမဲာ်ညါ ဒီးစံးဘၣ်အဝဲသ့ၣ်ခဲလၢာ်လၢ ယဘၣ်စံးထီၣ်ပတြၢၤ နၤအဂ့ၢ်န့ၣ်တက့ၢ်. ယကသူၣ်ဖှံသးညီလၢနအုၣ်က့ၤခီၣ်က့ၤယၤအဃိလီၤ.

လံာ်ယၡါယၤ 24:14

ပှၤလၢအအိၣ်မူဒံးတဖၣ်ကသးဝံၣ်တၢ်လၢတၢ်သးခုအပူၤလီၤ. ပှၤလၢအအိၣ်လၢမုၢ်နုာ်တဖၣ်ကစံးဘၣ်တဲဘၣ်ဝဲလၢယွၤန့ၣ် ဒိၣ်ဝဲထဲလဲၣ်အဂ့ၢ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယံးရမံယၤ 50:28

(ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်, ဒ်လဲၣ်အဂ့ၢ်န့ၣ်လီၤ.)

လံာ်ယံးရမံယၤ 50:45

လၢတၢ်န့ၣ်အဃိ, ဒိကနၣ်တၢ်ကူၣ်ကျဲၤလၢ ယမၤတ့ၢ်အီၤ ထီဒါဝ့ၢ်ဘၤဘူၤလိၣ်ဒီး တၢ်လၢယတိာ်ပာ်လၢ ယကမၤအပှၤ ဂီၢ်မုၢ်န့ၣ်တက့ၢ်. အဝဲဒၣ်အဖိတဖၣ်ဒၣ်လဲာ်ကဘၣ်တၢ်တွံၢ်ထီၣ် ကွံာ်အီၤဒီး ပှၤကိးဂၤဒဲးကပျံၤဘၣ်ဖုးဘၣ်အီၤန့ၣ်လီၤ.