လံာ်ယံးရမံယၤ 50:6 - Sgaw Karen Common Bible

⁶ ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယံးရမံယၤ 50:6 Iomraidhean Croise

စံးထီၣ်ပတြၢၤ 116:7

ယသးဧၢ, သးဒ့ဒီတဂ့ၤ အဂ့ၢ်ဒ်အံၤယွၤမၤဂ့ၤတ့ၢ်လံနၤလံ.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 23:2

ဒုးကိာ်လီၤယၤလၢအီၣ်ဆၣ်အလီၢ်လါဟ့အပူၤ, ဆှၢယၤလၢထံဂၢၢ်အနံၤလီၤ.

စံးထီၣ်ပတြၢၤ 32:7

နမ့ၢ်ယတၢ်အိၣ်ခူသူၣ်အလီၢ်, နကမၤပူၤဖျဲးယၤလၢတၢ်ဘၣ်ယိၣ်ဘၣ်ဘီလီၤ. ယသးဝံၣ်ထီၣ်ဒိၣ်ဒိၣ်လၢနတၢ်မၤပူၤဖျဲးယၤ, မ့ၢ်လၢနအိၣ်ပှိၤယၤအဃိန့ၣ်လီၤ. စ့လၤ

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

လံာ်ယၡါယၤ 1:3

ဂီၤဘုၣ်ဂီၤဖံးသ့ၣ်ညါအကစၢ်, ဒီးကသ့ၣ်ယီၤတဖၣ်သ့ၣ်ညါ အကစၢ်လုၢ်အီၣ်လုၢ်အီအီၤဖဲလဲၣ်န့ၣ်လီၤ. ဘၣ်ဆၣ်တၢ်အံၤအါ န့ၢ်ဒံးတၢ်လၢယပှၤဂီၢ်မုၢ်အံၣ်စရ့လးသ့ၣ်ညါဝဲန့ၣ်လီၤ. အဝဲသ့ၣ်တနၢ်ပၢၢ်ဒၣ်လဲာ်ဘၣ်.”

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယံးရမံယၤ 10:21

ယစံးဆၢယဲ, “ပခိၣ်ပနၢ်တဖၣ်မ့ၢ်ပှၤဟးဂီၤဖိလီၤ. အဝဲသ့ၣ်တဃ့ယွၤလၢကပၢကဆှၢအီၤအဂီၢ်ဘၣ်. လၢတၢ်အံၤအဃိ, အဝဲသ့ၣ်ဃၣ်ကွံာ်ဝဲ ဒီးပပှၤဂီၢ်မုၢ်တဖၣ်လီၤမုၢ်ပြံပြါဝဲဒၣ်န့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 23:1

ပှၤပၢတၢ်ပြးတၢ်တဖၣ်လၢအမၤဟးဂီၤဒီးမၤလီၤပြံလီၤပြါအပှၤ ဂီၢ်မုၢ်န့ၣ်, ယွၤအတၢ်စံၣ်ညီၣ်အီၤကလီၤပျံၤလီၤဖုးဆံးဒိၣ်လဲၣ်.

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 33:12

ယွၤသ့တၢ်လၢာ်စံးဝဲဒၣ်, “လၢကီၢ်လၢအလီၤဂာ်ဒီး မဲးမုၢ်ခိၣ်တတီၤအံၤအပူၤ, ဒီးလၢတၢ်လီၢ်ဖဲပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဘၣ်လၢအပူၤအံၤန့ၣ်, တၢ်အီၣ်ဆၣ်အလီၢ်လါဟ့ တဖၣ်လၢပှၤကွၢ်သိတဖၣ် ကဒုးကိာ်လီၤအသိန့ၣ် ကအိၣ်ထီၣ်က့ၤကဒီးဝဲလီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ယဃ့းစက့လး 13:10

ဝံတဖၣ်ဆှၢကမၣ်ယပှၤဂီၢ်မုၢ်ခီဖျိအစံးဝဲလၢတၢ်ခဲလၢာ်ဂ့ၤ ဝဲန့ၣ်လီၤ. နီၢ်နီၢ်တခီတၢ်ခဲလၢာ်န့ၣ်တဂ့ၤဝဲဘၣ်. ယပှၤဂီၢ်မုၢ်ဘှီထီၣ်တၢ်အဒူၣ်တဒူၣ်လၢလၢၢ်တဂ့ၤတဃိတဖၣ်လၢ အတတံာ်ဘၣ်, ဝံၤဒီးဝံတဖၣ်ဟဲဝဲဒီးဖှူဘၢအီၤလၢထူၣ်ဝါန့ၣ်လီၤ.

လံာ်ယဃ့းစက့လး 34:14

ယကဒုးကိာ်လီၤအဝဲသ့ၣ်လၢတၢ်ဘံၣ်တၢ်ဘၢအပူၤလၢ ကီၢ်အံၣ်စရ့လးအကစၢၢ်ကလိအတၢ်ပၢၤခိၣ်တဖၣ်လၢ အအိၣ်ဒီးတပံၢ်တမါအပူၤဒီးလၢတၢ်တြီၤ တဖၣ်အပူၤဒီးလၢကယဲၢ်အီၣ်ဆၣ်အလီၢ်လါဟ့ခဲ လၢာ်အပူၤန့ၣ်လီၤ.

လံာ်ယဃ့းစက့လး 34:15

ယနီၢ်ကစၢ်ဒၣ်ယဲယကမ့ၢ်သိတဖၣ်အပှၤကွၢ်သိဒီးယကဃု န့ၢ်တၢ်လီၢ်တတီၤလၢအဝဲသ့ၣ်ကအိၣ်ဘှံးအဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်စၢ်ကတိၤလံတၢ်လံ.

လံာ်ယဃ့းစက့လး 34:16

ယကဃုက့ၤသိလၢအလီၤမၢ်တဖၣ်, ဟဲက့ၤစိာ်ကဒါက့ၤသိလၢ အဟးဖျိးကျဲတဖၣ်, ဘိၣ်ဘံထီၣ်သိလၢအဘၣ်ဒိဘၣ်ထံးတဖၣ် ဒီးမၤဘျါက့ၤသိလၢအဆူးအဆါတဖၣ်န့ၣ်လီၤ. ဘၣ်ဆၣ်သိ လၢအဘီၣ်ဒီးအဂံၢ်ဘါဆူၣ်တဖၣ်န့ၣ်ယကမၤဟးဂီၤကွံာ်အီၤန့ၣ်လီၤ. အဂ့ၢ်ဒ်အံၤ, ယမ့ၢ်ပှၤကွၢ်သိတဂၤလၢအမၤတၢ်အဘၣ်န့ၣ်လီၤ.

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 15:24

ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.